06 Dhjetor 2019

KOMF dënon sulmin dhe dhunën e ushtruar ndaj fëmijës në Komunën e Istogut

Prishtinë, 21 gusht - Koalicioni i OJQ-ve për Mbrojtjen e Fëmijëve (KOMF) dënon sulmin dhe dhunën e ushtruar ndaj fëmijës K.M, 7- vjeçare, nga një person i moshës madhore në Komunën e Istogut.

KOMF kërkon nga institucionet përgjegjëse të ndërrmarrin masat sipas legjislacionit në fuqi për ndëshkimin e personit të dyshuar për ushtrim të dhunës.  

Sipas informacioneve të publikuara në media, raportohet që “7-vjeçarja, bashkë me disa fëmijë të tjerë, kohë pas kohe, paraqiteshin në afërsi të dyqanit për të kërkuar lëmoshë. Ndërkaq, sipas pronarëve të vetë dyqanit, fëmijët nuk shkaktonin ndonjë problem.”

Prandaj, KOMF kërkon nga Qendra për Punë Sociale në Komunën e Istogut të vlerësoj rastin dhe të ofrojë shërbimet sociale dhe familjare për fëmijën dhe familjen.

Poashtu, përmes këtij reagimi KOMF shpreh shqetësimin për nivelin e lartë të ushtrimit të dhunës ndaj fëmijëve në Kosovë, duke potencuar që ndalohet çdo formë e dhunës në secilin ambient, në familje, institucione edukativo arsimore, në institucionet e kujdesit, organet e rendit dhe sistemit të drejtësisë dhe komunitet.

Institucionet për mbrojtjen e fëmijës janë të obliguara të zhvillojnë dhe zbatojnë programet sociale që ofrojnë mbështetje për fëmijën dhe familjen, me qëllim që të parandalohet rreziku për jetën, dhunën, neglizhimin, abuzimin dhe shfrytëzimin.

KOMF kërkon nga institucionet përkatëse që të zhvillojnë dhe zbatojnë programe edukative që sensibilizojnë qytetarët mbi vlerat dhe rëndësinë e diversitetit, mbrojtjen e fëmijëve nga dhuna dhe kujdesin ndaj fëmijës.

 

 

Kalendari

Ngjarjet e datës 6 dhjetor 2019  - Administrata Tatimore e Kosovës organizon tryezën e konsultimeve publike me përfaqësues të bizneseve, lidhur me hartimin dhe zbatimin e “Planit për përmirësimin e integritetit” të ATK-së. (Hotel Sirius, ora 9:00)

- Open Data Kosovo në bashkëpunim me fondacionin ePanstwo, organizatë kjo që operon në Poloni organizojnë konferencën ndërkombëtare mbi të dhënat e hapura dhe iniciativat teknologjike në Kosovë dhe Evropë, titulluar “GOT_Data”. (Prishtinë, 9:30)

- Shërbimi Spitalor dhe Klinik Universitar i Kosovës do të prezantoj raportin  e punës për vitin 2019 ku edhe do të bëhet prezantimi i planit të punës për SHSKUK-në  për vitin 2020. (Hotel Emerald, ora 10:00)

- Instituti Demokratik i Kosovës organizon konferencën për media, gjatë së cilës do të shpaloset analiza “Konsensusi i brendshëm si parakusht për vazhdimin e dialogut Kosovë-Serbi”. (Zyrat e KDI-së, ora 11:00)  

- Unioni i Gazetarëve Shqiptarë organizon ndarjen e çmimeve "Vangjush Gambeta 2019”, për raportimin më të mirë ekonomik të publikuar gjatë këtij viti, nga gazetarë ekonomikë nga Shqipëria, Kosova dhe Maqedonia. (Hotel Swiss Diamont, ora 11:00)

- Banka Qendrore e Republikës së Kosovës mban konferencë të jashtëzakonshme për media ku do të shpalosen vendimet e fundit nga mbledhja e Bordit Ekzekutiv. (Auditoriumi i BQK-së, ora 11:30)

- Fondi për të Drejtën Humanitare Kosovë organizon panel diskutimin në temën: “Krimet e luftës – Sigurimi i provave, sfidat dhe përvojat me dëshmitarë”. (Hotel “Star Hill”, Rr. Prishtinë - Veternik, ora 14:00)

- Mbahet ceremonia e përvjetorit të 20-të të Radio K4. (Shtabi Qendror i KFOR-it në kampin “Film City”, ora 15:00)