09 Mars 2021

Komanda e KFOR-it e udhëhequr nga SHBA bëhet me komandant të ri

Prishtinë, 15 nëntor - Koloneli i Ushtrisë Amerikane Derek Adams mori komandën e Komandës Rajonale të Forcës së Kosovës Lindje të udhëhequr nga NATO në një ceremoni të ndërrimit të komandës të mbajtur sot në kampin Bondsteel, Kosovë. Ky është rotacioni i 28-të i kontigjentit ushtarak amerikan në Kosovë.

Adams është anëtar i Ekipit Luftarak të Brigadës së Dytë të Gardës Kombëtare të Ushtrisë së Iowa-s, Divizioni 34 i Këmbësorisë dhe do të komandojë batalionin e manovrës, batalionin e efekteve dhe forcat e tjera të mbështetjes në Komandën Rajonale Lindje.

Çdo njësi mbështet sigurinë dhe lirinë e lëvizjes për të gjitha komunitetet në Kosovë, në përputhje me mandatin e KFOR-it sipas Rezolutës 1244 të Këshillit të Sigurimit të vitit 1999.

"Ne jemi këtu në mbështetje të NATO-s për të ndërtuar paqen dhe stabilitetin në zonë dhe për të kontribuar në një mjedis të qetë dhe të sigurtë", tha Adams. "Ne gjithashtu do të mbështesim zhvillimin e një Kosove të qëndrueshme, demokratike, multietnike dhe paqësore."

Ndërsa KFOR 27 dhe Ekipi Luftarak i Brigadës së 41-të të Këmbësorisë së Gardës Kombëtare të Ushtrisë në Oregon mbajtën ceremoninë e ndërrimit të flamujve, duke nënkuptuar përfundimin e misionit të tyre dhe fillimin e procesit për ty kthyer në shtëpi, Ekipi i II-të Luftarak i Brigadës së 34-të Iowa-s zbuluan flamujt e tyre për të vazhduar misionin dhe për të ndjekur gjurmët e 27 rotacioneve të kaluara.  

"Ishte një nder dhe privilegj i madh të shërbeja si Komandant i Komandës Rajonale Lindje", tha komandanti në largim, Kolonel Eric Riley, në ceremoninë e cila u ndoq nga Gjeneral Major Franco Federici, komandanti i ri i KFOR-it. 

Kalendari

Ngjarjet e datës 9 Mars 2021 - Institucioni i Avokatit të Popullit organizon një tryezë diskutimi në lidhje me publikimin e dy raporteve me rekomandime në të cilën do të merr pjesë edhe Presidentja Vjosa Osmani. (Hotel International Prishtina në Veternik, ora 9:30)

- Oda e Mjekëve ndan mirënjohje përkujtimore për mjekët që janë ndarë nga jeta gjatë vitit 2020 dhe  institucionet shëndetësore mbështetëse të rajonit të Prishtinës, për kontributin e dhënë në luftën kundër pandemisë. (Qendra e Telemjekësisë në QKUK, ora 10:00)

- Programi për Drejtësi Komerciale në bashkëpunim me Innovation Centre Kosovo, organizojnë diskutim rreth ngritjes të vetëdijes për bizneset fillestare të sapo themeluara dhe sipërmarrësit e rinj me fokus në drejtësinë komerciale, pjesa e sistemit të drejtësisë që siguron çasjen e bizneseve në drejtësi. (Innovation Centre Kosovo -https://www.facebook.com/ickosovo, ora 10:00)

- Mbahet ceremonia e zbarkimit të kontingjentit të Forcës së Sigurisë të Kosovës në misionin e parë paqësorë jashtë vendit në të cilën do të merr pjesë Presidentja Vjosa Osmani dhe Kryeministri në detyrë, Avdullah Hoti. (Salla e sporteve në kazermën ''Adem Jashari'', ora 10:45)   

- Partia Liberale Egjiptiane dorëzon ankesë në Gjykatën Supreme për anulimin edhe të pesë vendvotimeve tjera. (Gjykata Supreme e Kosovës, ora 11:00)