28 Shtator 2020

KFOR-i miraton kritere të reja për “Shpatën e argjentë 2020”

Prishtinë, 23 janar - Takimi për politikat e ushtrimit për ndihmë në rast fatkeqësie ‘Shpata e Argjendtë 2020’ (Silver Sabre 2020) u zhvillua sot në Prishtinë, në shtabin qendror të Forcës së Kosovës të udhëhequr nga NATO (KFOR). Ushtrimi është planifikuar për në shtator të vitit 2020.

Në mbledhjen e sotme morën pjesë Sekretari i Këshillit të Sigurisë së Kosovës dhe përfaqësues të niveleve të larta të Ministrisë së Mbrojtjes, Drejtorisë së Inteligjencës dhe Sigurisë, Agjencisë së Menaxhimit të Emergjencave të Kosovës, Policisë së Kosovës dhe Forcave të Sigurisë, së bashku me Komandantin e KFOR-it, Gjeneral major Michele Risi dhe Drejtori i Ekipit Këshillues dhe Ndërlidhës të NATO-s, Gjeneral brigade Michael Oberneyer.

“Për KFOR-in, objektivi për ‘Shpatën e Argjendtë 2020’ është të trajnojë, këshillojë dhe udhëzojë institucionet e sigurisë në Kosovë, duke ua bërë të mundur që ata të hartojnë, planifikojnë dhe kryejnë një operacion për reagim ndaj fatkeqësive në Kosovë, bazuar në standardet e NATO-s,” tha Gjeneral majori Risi.

Një nga karakteristikat kryesore të ushtrimit të përbashkët do të jetë “ndërveprimi”. Duke pasur parasysh kompleksitetin e menaxhimit të krizës, çelësi i suksesit është aftësia për të punuar së bashku për t’u bërë funksionalisht ndërveprues, duke adoptuar një mirëkuptim dhe një gjuhë të përbashkët midis partnerëve.

Krahasuar me ushtrimet e mëparshme, ‘Shpata e argjendtë 2020’ do të kryhet në një nivel më të lartë integrimi dhe kompleksiteti. Ushtrimi do të drejtohet nga Gjeneral brigade Laurent Michaud, Zëvendës Komandant i KFOR-it.

Gjysma e parë e vitit do të përqendrohet në procedurat e planifikimit përmes një metode të standardizuar të përdorur nga shumica e organizatave ndërkombëtare.

‘Shpata e argjendtë’ pasqyron misionin e gjatë të KFOR-it - nën mandatin e OKB - për të kontribuar në një mjedis të qetë dhe të sigurt dhe liri të lëvizjes, për të mirën e të gjitha komuniteteve në Kosovë.

 

Kalendari

Ngjarjet e datës 28 Shtator 2020 - Mbahet mbledhja e Qeverisë së Kosovës. (Ndërtesa e Qeverisë, ora 8:30)

-  Mbahet mbledhja e Komisionit për Mbikëqyrjen e Agjencisë së Kosovës për Inteligjencë në të cilën do të bëhët shqyrtimi dhe plotësimi i Planit të Punës së Komisionit për sesionin vjeshtor. (Ndërtesa e Kuvendit, ora N10, ora 9:30)

-  Organizata për Rritjen e Cilësisë në Arsim organizon aksionin protestues "Kundër plagjiaturës të përbashkuar", për denoncimin e plagjiaturave të udhëheqësve të ministrive të Arsimit në Kosovë dhe në Shqipëri, ministrit Ramë Likaj dhe ministres Evis Kushi. (Rruga Radovan Zogoviq në lagjen Pejton, para Ambasadës së Shqipërisë në Kosovë, ora 10:00)

-  Mbahet mbledhja e Komisionit për Punë të Jashtme dhe Diasporë në të cilën do të bëhët shqyrtimi i Përfundimit të Kryesisë së Kuvendit dhe shqyrtimi i draft - Planit të Punës së Komisionit. (Ndërtesa e Kuvendit, salla N303, ora 10:00)

- Komisioni Hetimor Parlamentar lidhur me procesin e privatizimit në Kosovë bën përzgjedhjen e ekspertëve të jashtëm si dhe cakton intervistat për dëshmitar. (Ndërtesa e Kuvendit, salla N302, ora 11:00)

- Vazhdimi i seancës plenare të Kuvendit në të cilën do të bëhet zgjedhja e Avokatit të Popullit. (Salla e Kuvendit, ora 12:00)

-  Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgjon dëshmin e dëshmitarit Beqë Cufaj  – Ambasador i Republikës së Kosovës në Gjermani. (Ndërtesa e Kuvendit, salla N204, ora 14:00)

- Mbahet paraqitja e parë e Salih Mustafës. (Salla e  gjyqit të Dhomave  të  Specializuara të Kosovës  (DHSK) në Hagë ora 15:00 - mund  të  përcillet edhe përmes transmetimit në Internet, me një vonesë të shkurtër në https://www.scp-ks.org/sq/transmetim)

- Ministri i Punëve të Brendshme, Agim Veliu, ministri i Shëndetësisë, Armend Zemaj dhe drejtori EMCDDA do të nënshkruajnë marrëveshje pune. (Objekti i Ministrisë së Punëve të Brendshme, salla P-01, ora 16:00)