06 Qershor 2020

Kërkohet paraburgim për personat që posedonin 210 kg substancë narkotike

Ferizaj, 11 shkurt  - Prokuroria Themelore në Ferizaj, Departamenti për Krime të Rënda, njofton se ka paraqitur kërkesë për caktimin e masës së paraburgimit pranë Gjykatës Themelore në Ferizaj, kundër nëntë personave të pandehur  B.S., G.K., XH.S., J.B.,F.B.,D.S., F.B., H.B dhe Z.K., për shkak të dyshimit të bazuar se me datën 10.02.2019, pas kontrollës në dy lokacione në Ferizaj, si rezultat janë gjetur substancë e dyshuar narkotike e llojit marihuanë në sasi prej 209kg e 202 gramë, e të cilën sasi të pandehurit e kanë pasur për qëllim që ta transportojnë jashtë shtetit të Kosovës, ku e njejta është sekuestruar dhe me ç’rast gjashtë persona janë arrestuar, me të cilën do të kryenin veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge” nga neni 273 par.2 lidhur me nenin 281 par.1 nënpar.1.1 dhe 1.9 të Kodit Penal të Republikës së Kosovës (KPRK).

Gjithashtu, Prokuroria Themelore në Ferizaj njofton se me urdhër të Prokurorit të Shtetit,  të pandehurit B.S., G.K., XH.S., J.B.,F.B dhe F.B., gjenden në ndalim që nga data 09.02.2019 kurse tre të pandehurit tjerë D.S., H.B., dhe Z.K., gjenden në arrati.

 

Kalendari

Ngjarjet e datës 6 Qershor 2020

- Mbahet mbledhja e Qeverisë së Kosovës. (Ndërtesa e Qeverisë, ora 10:00)

- Ministria e Infrastrukturës ndalon qarkullimin e automjeteve në segmentin “Konjuh-Babush” autoudha “Arbën Xhaferi”, në të dy drejtimet e lëvizjes për shkak të zhvillimit të punimeve. (Segmenti “Konjuh-Babush” autoudha “Arbën Xhaferi”, ora 10:00)