28 Mars 2024

Italia do të vazhdojë ta mbështesë FSK-në

Prishtinë 27 gusht - Kryetari i Kuvendit të Republikës së Kosovës, dr. Jakup Krasniqi, ka pritur sot në takim lamtumirës zëvendëskomandantin e KFOR-it, gjeneral Antonio Satta, të cilin e ka falënderuar për bashkëpunimin frytshëm, për detyrën me përgjegjësi në kuadër të KFOR-it dhe për kontributin çmuar në ngritjen dhe profesionalizimin e FSK-së.

Ai e ka vlerësuar miqësinë historike ndërmjet popullit të Kosovës dhe popullit italian, e ka falënderuar shtetin mik të Italisë për gjithë mbështetjen e saj për Kosovën, kurse në mënyrë të veçantë i ka falënderuar  pjesëtarët italianë, në kuadër të KFOR-it, për mbështetjen e vazhdueshme të FSK-së.

Zëvendëskomandanti i deritanishëm i KFOR-it, gjeneral Antonio Satta, e ka përgëzuar kryeparlamentarin Krasniqi për udhëheqjen e mirë të legjislativit të vendit.

Megjithë kontributin e rëndësishëm të bashkësisë ndërkombëtare për mbarëvajtjen e punëve në Kosovës, Satta ka vlerësuar se meritat më të mëdha për këtë i takojnë lidershipit të vendit.

Ai e ka garantuar kryeparlamentarin Krasniqi se Italia do të jetë pjesë aktive e KFOR-it dhe se do të vazhdojë ta mbështesë FSK-në, sikurse edhe EULEX-in, nëpërmjet njësive të saj të karabinjerëve.

Bashkëbiseduesit e kanë vlerësuar shumë pozitiv  bashkëpunimin e deritashëm ndërmjet dy vendeve dhe janë shprehur të bindur se ai duhet të thellohet edhe më në shumë fusha me interes reciprok.
 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)