10 Prill 2021

IPK dhe EULEX-i pajtohen që ta vazhdojnë bashkëpunimin

Prishtinë, 8 mars - Kryeshefi Ekzekutiv i IPK-së Kushtrim Hodaj priti sot në objektin e Inspektoratit Policor në takim njoftues Shefin e Misionit të BE-së për Sundimin e Ligjit në Kosovë (EULEX) Lars-Gunnar Wigemark.

Gjatë këtij takimi Wigemark u njoftua për punën dhe angazhimet e Inspektoratit Policor bazuar në mandatin dhe fushëveprimin ligjor të saj.

Hodaj e njoftoi Shefin e EULEX-it për natyrën e punës së IPK-së duke dhënë shpjegime për natyrën e ankesave që IPK trajton dhe rëndësinë e tyre në rritjen e besueshmërisë së qytetarëve në Policinë e Kosovës, rëndësinë e  fuqizimit të integritetit policor etj.

Kryeshefi Ekzekutiv IPK-së dhe Shefi i EULEX-it u pajtuan që ta vazhdojnë bashkëpunimin duke u bazuar në mandatin aktual të EULEX-it.

Më tutje ata diskutuan edhe rreth bashkëpunimit dhe koordinimit në mes të IPK-së dhe sistemit prokurorial të Kosovës si dhe rreth asaj se si të ruhet integriteti i dëshmitarëve dhe sinjalizuesve.

Kalendari

Ngjarjet e datës 10 Prill 2021

- Ervehe Gashi, Prokurore e Krimeve të Rënda në Prokurorinë Themelore në Prizren mban konferencë për media, në të cilën do ta shpalosi të vërtetën, mbi gjithë manipulimrt e transmetuar ne emisionin “KallxoPërnime”.   (Hotel Sirius, ora 11:00)  

- Grupi për Studime Juridike dhe Politike (GLPS) mban konferencë për medie me temë: “Disa nga veprimet më urgjente për Qeverinë Kurti II”. (Hotel Sirius, ora 11:00)

- Deputeti i Kuvendit të Republikës së Kosovës nga AAK-ja, Shemsedin Dreshaj, mban konferencë për medie, me temën: “Menaxhimi i pandemisë dhe vaksinat”. (Selia Qendrore e AAK-së, ora 12:00)