21 Qershor 2018

Haziri: Jemi popull liridashës dhe Qyteti i Gjilanit, qytet i paqes

Gjilan, 12 qershor – Kryetari i Komunës së Gjilanit Lutfi Haziri, me bashkëpunëtorët e tij, kryesuesen e Kuvendit, nënkryetarin e Komunës, drejtorët e drejtorive i shoqëruar edhe nga udhëheqësi i Policisë së Kosovës në Gjilan, përfaqësues të FSK-së dhe organeve të drejtësisë, kanë bërë homazhe në varrezat e dëshmorëve për nderë të 15 qershorit Ditës së Çlirimit të Gjilanit.

Në fjalën e tij para gazetarëve kryetari Haziri ka uruar të gjithë qytetarët e Komunës për këto ditë të bardha siq i ka quajtur ai, të lirisë së qytetit të Gjilanit.

“Uroj të gjithë qytetarët e Komunës së Gjilanit, për këto ditë të bardha të lirisë së qytetit tonë. Aktivitetet e festës i kemi nisur nga dje dhe do të vazhdojnë deri me 15 qershor kur edhe shënohet 19 vjetori i çlirimit të Gjilanit. Respekt për familjet e dëshmorëve, heronjëve dhe gjithë atyre që kanë sakrifikuar, qindra e mijëra burra e gra, të cilët kanë rezistuar për këtë ditë të bardhë që Gjilani dhe Kosova i gëzon si ditë të lirisë, duke u rreshtuar në mesin e popujve liridashës dhe në qytetet e paqes çfarë ne jemi tashmë si gjilanas”, ka thënë kryetari Haziri.

Ndryshe aktivitetet e sotme vazhdojnë me Seancën Solemne të Kuvendit të Komunës dhe ndarjen e çelësit të Qytetit për personalitetet e shpallura “Qytetarë Nderi” në ora 11:00, pastaj hapja e konsullatës së nderit të Republikës së Shqipërisë, në ora 12:00, shpallja e më të dalluarve në të gjitha fushat në orën 15:00 për të përfunduar ditën e sotme me ekspozitë në foajenë e Teatrit në ora 18:00.
 

Kalendari

Ngjarjet e datës 22 Qershor 2018 - Mbahet mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 9:00) 

- Kryeministri Ramush Haradinaj merr pjesë në manifestimin për nder të Ditës së Komunitetit Egjiptian. (Ndërtesa e Qeverisë – salla P-31, ora 10:00)

- Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i Raportit vjetor të Radio Televizionit të Kosovës. (Ndërtesa e Kuvendit, salla N 10, ora 10:00)

- Për nderë të Ditës Ndërkombëtare të Shërbimit Civil, Ministria e Administratës Publike, gjegjësisht Departamenti i Administrimit të Shërbimit Civil, do të organizoj takim për shënimin e kësaj dite​. (Salla e Madhe të ish-Pallatit “Rilindja”, ora 10:00)

- Mbahet mbledhja e Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës në të cilën do të diskutohet rreth procesit të anëtarësimit të Kosovës në INTERPOL. (Ndërtesa e Kuvendit, salla N 303, ora 10:00)

- Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 11:00)

- Në kuadër të “Javës Kundër Korrupsionit” të mbështetur nga Ambasada e SHBA-së në Kosovë, koalicioni i OJQ-ve “Java Kundër Korrupsionit 2017” organizon konferencë për media, për të shpalosur ndikimet e raportimeve të rasteve në kuadër të “Javës Kundër Korrupsionit". (Hoteli Sirius, ora 11:15)

- Ministri i Kulturës, Rinisë dhe Sportit, Kujtim Gashi do të vizitojë Komunën e Kamenicës ku do të takohet me Kryetarin, Qëndron Kastrati. (Komuna e Kamenicës, ora 14:00)

- Në vazhdën e aktivitetit "Ditët e Kuvendit", mbahet takimi i deputetëve të Kuvendit të Republikës së Kosovës me qytetarë të Pejës. (Teatri profesional “Istref Begolli”, ora 14:00)

- Aleanca Franceze në Prishtinë organizon kuiz muzikor. (Sheshin Zahir Pajaziti, ora 19:00)