20 Gusht 2018

Hamza garanton mbështetjen financiare të Kompleksit Adem Jashari

Prishtinë, 12 Shkurt – Me kërkesë të ministrit të Financave Bedri Hamza ai ka pritur sot në takim drejtorin e Agjencisë për Menaxhimin e Komplekseve Memoriale të Kosovës Idriz Blakaj, ku biseduan për gjendjen e Kompleseve Memoriale në Kosovë, me theks të veçantë Kompleksin memorial të familjes Jashari.

Ministri Hamza e njoftoi drejtorin e Agjencisë për Menaxhimin e Komplekseve Memoriale të Kosovës Idriz Blakaj për gjendjen financiare dhe e garantoi atë se sa i përket anës financiare për ruajtjen dhe mirëmbajtjen e Kompleksit Memorial të familjes Jashari nuk do të mungojë asnjëherë.

Ai gjithashtu tha se aktualisht janë në gjendje një milionë euro të cilat janë në shfrytëzim, dhe se për mjetet shtesë, të cilat duhen për realizimin e projektit për kompleksin Adem Jashari do të ndahen sipas kërkesës dhe nevojave që do të ketë kjo Agjenci.

Ndërsa, drejtori i Agjencisë për Menaxhimin e Komplekseve Memoriale të Kosovës Idriz Blakaj falënderoi Ministrin Hamza për gatishmërinë e tij për të mbuluar financiarisht shpenzimet sa i përket memorialeve në përgjithësi në Kosovë, në veçanti Memorialin e familjes Jashari.

Kalendari

Ngjarjet e datës 20 Gusht 2018

- Ramush Haradinaj merr pjesë në takimin e Grupit Punues për draftimin e Strategjisë së Sigurisë së Republikës së Kosovës. (Ndërtesa e Qeverisë - Salla P-31, ora 10:00 - Vetëm pamje)

- Mbahet ceremonia solemne e hapjes së punimeve të Seminarit XXXVII Ndërkombëtar për Gjuhën, Letërsinë dhe Kulturën Shqiptare. (Salla e madhe të Fakultetit tëFilologjisë, ora 11:00)

- Kryeministri Ramush Haradinaj merr pjesë në Seminarin e  37-të të Letërsisë, Gjuhës dhe Kulturës Shqipe. (Fakulteti Filologjik- Universiteti i Prishtinës, ora 11:00)
 
- Kryeministri Ramush Haradinaj viziton Komunën e Suharekës. (Objekti i Komunës, Suharekë, ora 14:00)