Prishtinë, 14 nëntor - Me rastin e përfundimit të mandatit dhe ndërrimit të komandës së Komandantit të KFOR-it, Gjeneral Major Giovanni Fungo, Komandant i KFOR-it, do të mbajë një konferencë për shtyp në Qendrën e NATO-s për Informim të medieve (NMIC) në ndërtesen e Radio Kosovës.

Komandanti i KFOR-it, Gjeneral Major Fungo do të paraqesë dhe të ndajë informacione me përfaqësuesit e medieve mbi aktivitetet e KFOR-it dhe objektivat e arritura gjatë mandatit të tij, që nga 1 shtatori 2016 deri në ditën e sotme.

Ndërkaq nesër do të mbahet ceremonia e ndërrimit të komandës, ndërmjet komandantit në largim të KFOR-it, gjeneral majorit Giovanni Fungo dhe komandantit të ardhshëm të KFOR-it gjeneral major Salvatore Cuoci, në selinë KFOR-it, kampin "Film City".