27 Maj 2019

Gjeneral Cikaqi mori pjesë në dy ushtrime fushore në Turqi

Ankara, 22 shkurt - Me ftesë të komandantit të Forcave Tokësore të ushtrisë turke, nga data 19-22 shkurt 2019, për vizitë në Turqi, ishte komandanti i Forcave Tokësore të FSK-së, gjeneral brigade Enver Cikaqi. Qëllimi i vizitës ishte pjesëmarrja në DV-day të dy ushtrive fushore që u realizuan në Turqi, gjatë muajit shkurt.

Gjeneral Cikaqi mori pjesë në DV- day të ushtrimit vendkomandë „Cooperative Resolve 2019“, ushtrim që u realizua në Qendrën e Trajnimit dhe Edukimit në Ankara. Gjatë vizitës në këtë qendër, gjenerali u prit nga komandanti i Forcave Tokësore të ushtrisë turke gjenerali Umit Dundar,  i  cili shprehu gatishmërinë e ushtrisë turke për rritjen e bashkëpunimit ndërmjet Forcave Tokësore të dy ushtrive.

Me gjithë se Forca e Sigurisë së Kosovës nuk ishte e angazhuar në këtë ushtrim, me anë të kësaj vizite, gjeneral Cikaqi pati rastin që nga afër t’i shihte angazhimet e shteteve tjera pjesëmarrëse dhe qëllimin e trajnimit. 

Andaj, angazhimi i pjesëtarëve të FSK-së, në kuadër të këtij ushtrimi në vitet e ardhshme do t’i kontribuonte përmirësimit të trajnimit, bashkëpunimit dhe ndërveprimit të FSK-së, në raport me shtetet e rajonit.

Në po të njëjtën ditë, gjeneral Cikaqi u prit në darkë zyrtare nga gjenerali Dundar, ku ishin të pranishëm edhe gjeneralë të tjerë dhe shefa të ushtrive të rajonit dhe më gjerë.

Nderkaq dje gjeneral Cikaqi mori pjesë në realizimin e demonstrimeve të ushtrimit “Dimri”, ku ishin pjesëmarrës shtatë pjesëtarë të FSK-së.

 Realizimi i suksesshëm i ushtrimit “Dimri” demonstroi përgatitjet shumë të mëdha dhe koordinimet në detaje, të bëra nga shtetet pjesëmarrëse në realizimin e skenarëve të operacioneve ofensivë.

Qëllimi i këtij ushtrimi ishte testimi i kapaciteteve luftuese të njësive dhe përmirësimi i sinkronizimit të zjarrit dhe manovrimit në kushte dimri.

Në këtë ushtrim morën pjesë rreth 1750 pjesëtarë nga 15 shtete të rajonit, duke përfshirë Kosovën, Mbretërinë e Bashkuar, Gjermaninë, Gjeorgjinë, Azerbajxhanin, Bangladeshin, Bosnjën dhe Hercegovinën, Bullgarinë e të tjera. Pjesëtarët e Forcës së Sigurisë së Kosovës përfituan nga përvoja e madhe e ushtrisë turke në organizimin e ushtrimeve të tilla me karakter ndërkombëtar, dhe këto njohuri do të ndihmojnë në përmirësimin e qasjes tonë në organizimin e ushtrimeve fushore në FSK.

Po ashtu më 21 shkurt 2019, me ftesë të Ambasadës së Kosovës në Turqi, gjeneral Cikaqi mori pjesë në pritjen e organizuar  me rastin e shënimit të 11- vjetorit të Pavarësisë, ku pjesëmarrës ishin diplomatë nga shumë vende të rajonit.

Gjatë pritjes gjeneral Cikaqi takoi të gjithë kadetët dhe ushtarakët e FSK-së, që po realizojnë studimet në Turqi, të cilët i uroi për rezultatet e arritura dhe iu kërkoi që të vazhdojnë të jenë të disiplinuar, të angazhuar dhe të përfaqësojnë Kosovën me dinjitet në akademitë ku po studiojnë. Gjeneral Cikaqi, gjatë vizitave u shoqërua nga atasheu ushtarak i FSK-së në Turqi, koloneli Bekim Osmani.

Kalendari

Ngjarjet e datës 27 maj 2019 - Shefi i Shtabit të Përgjithshëm të Forcave të Armatosura të Malit të Zi, Dragutin Dakic pritet me ceremoni ushtarake në Ministrinë e Mbrojtjes ku edhe do te takohet me Gjeralin e FSK-se Rrahman Rama. (Objekti i Ministrisë së Mbrojtjes, ora 9:00)

- Shefja e Zyrës së Bashkimit Europian, Nataliya Apostolova do të marrë pjesë në ngjarjen e nisjes të fazës së dytë të projektit Harmonizimi i Arsimit me Tregun e Punës. (Hotel Emerald, ora 9:15)

- Ministri i Kulturës, Rinisë dhe Sportit, Kujtim Gashi merr pjesë në hapjen e ditës Olimpike në Ferizaj. (Ferizaj, ora 9:30)

- Në organizim të Komitetit Olimpik të Kosovës e në bashkëpunim me DKRS-në dhe me Drejtorinë e Arsimit të komunës së Mitrovicës do të organizohet Dita Olimpike e Kosovës dhe me këtë rast do të mbahet një vrapim në të cilin do të marrin pjesë të gjithë nxënësit e moshës 11 vjeçare të shkollave fillore të qytetit të Mitrovicës. (Sheshi “Adem Jashari” në Mitrovicës, ora 9:30)

- Kryeparlamentari Kadri Veseli pret në takim nënkryetarin e Këshillit të Atlantikut, Damon Wilson. (Kabineti i Kryeparlamentarit, ora 9:35)

- Ministri i Mbrojtjes së Republikës së Kosovës, Rrustem Berisha takohet me Shefin e Shtabit të Përgjithshëm të Forcave të Armatosura të Malit të Zi, Dragutin Dakic. (Kabineti i Ministrit të Mbrojtjes, ora 9:45)

- Komisioni Hetimor Parlamentar në lidhje me gjendjen në PTK dhe Vala shqyrton Plotësim-ndryshimin e kërkesës për buxhet si dhe formimin e grupeve hetuese në kuadër të Komisionit. (Ndërtesa e Kuvendit, sallën N 303, ora 10:00)

- 25 kompani vendore që kanë dhënë shërbimet në ndërtimin e autostrades Arben Xhaferi protestojnë për shkak të mos kryerjes se pagesave ndaj këtyre kompanive për punën që kanë kryer. (Para kampit Bectel & Enca në Ferizaj

-  Kuvendi Komunal në Deçan mban mbledhje të jashtëzakonshme lidhur me zbatimin e vendimit të Gjykatës  Kushtetuese dhe pasojat për Zhvillimin  Ekonomik të Komunës së Deçanit. (Salla e Asamblesë Komunale, ora 10:00)

- Mbahet mbledhja e Këshillit Gjyqësor të Kosovës. (Ndërtesa e Këshillit Gjyqësor, ora 10:00)

- Kryeministri Ramush Haradinaj pret në takim delegacionin nga North Atlantic, të prirë nga zv.presidenti ekzekutiv Damon Wilson. (Ndërtesa e Qeverisë, ora 10:10 - vetëm pamje)

- Kryeparlamentari Kadri Veseli pret në takim ndihmës sekretarin gjeneral të OKB-së për Evropë, Azinë Qendrore dhe SHBA, Miroslav Jenca. (Kabineti i Kryeparlamentarit, ora 10:15)

- Ministri i Kulturës, Rinisë dhe Sportit, Kujtim Gashi do të zhvilloj vizitë në Komunën e Ferizajit me ç’rast do të nënshkruaj memorandum bashkëpunimi për financimin e projekteve kapitale. (Komuna e Ferizajt, ora 10:30)

- Ministri i Kulturës, Rinisë dhe Sportit, Kujtim Gashi mban konferencë për media. (Ambientet e Komunës, ora 11:00)

- Drejtori për Buxhet dhe Financa i Komunes se Gjilanit, Zijadin Maliqi mban konferencë për media për 5 mujorin e punës dhe planifikimin për tre-mujorin e ardhshëm. (Zyra e kryetarit të Komunës së Gjilanit, ora 11:00)

- Mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të behët shqyrtimi i Projektligjit për mbrojtjen e ajrit nga ndotja. (Ndërtesa e Kuvendit, salla N 302, ora 11:00)

- Kryeparlamentari Kadri Veseli, bashkë​ me ministrin e Shëndetësisë, Uran Ismaili, merr pjesë në ceremoninë e nënshkrimit për herë të parë në Kosovë, të Udhëzimin Administrativ për rregullimin dhe unifikimin e çmimit të barnave në nivel vendi. (Hotel Sirius, ora 11:00)

- Ministri i Kulturës, Rinisë dhe Sportit, Kujtim Gashi bashk me kryetarin e Komunës së Ferizajit Agim Aliu, vizitojnë punimet e Qendrës Multifunksionale në fshatin Greme. (Fshati Greme, ora 11:30)

- Presidenti i Republikës së Kosovës, Hashim Thaçi, merr pjesë në shënimin e 20 vjetorit të operacionit “Shigjeta DO-2” dhe luftimeve në Pashtrik. (Fshati Planejë, Komuna e Prizrenit, ora 12:00)
 
- Kryeministri i Kosovës, Ramush Haradinaj dhe Ambasadori Christian Heldt do të mbajnë fjalë rasti gjatë inaugurimit të Katedrales së Novobërdës të restauruar rishtaz. (Novobërdë, afër Kalasë, ora 13:00)

- Kryeministri Ramush Haradinaj merr pjesë në zbulimin e pllakës së Shtabit Lokal. (Baran- Komuna e Pejës, ora 16:30)

- Kryeministri Ramush Haradinaj merr pjesë në zbulimin e pllakës së Betejës së 29 Majit. (Vranoc, ora 16:50)

- Kryeministri Ramush Haradinaj merr pjesë në zbulimin e pllakës së betejës së 29 Majit. (Kryshec, ora 17:10)