28 Shkurt 2020

Gjatë këtij viti njësive të FSK-së i janë shtuar edhe 900 pjesëtarë të rinj

Prishtinë, 27 dhjetor - Në Ministrinë e Mbrojtjes sot u mbajt takim me gazetarë dhe përfaqësues të mediave, të cilët kanë përcjellë aktivitet e Ministrisë së Mbrojtjes dhe Forcës së Sigurisë të Kosovës, gjatë vitit 2019.

Në takimin ishin prezentë: Ministri Rrustem Berisha, komandanti i FSK-së, gjenerallejtënant Rrahman Rama dhe stafi civil i ministrisë dhe ushtarakë i FSK-së.

Ministri i Mbrojtjes, Rrustem Berisha në adresimin e tij fillimisht falënderoi mediat për informimin e qytetarëve dhe pasqyrimin e drejtë të aktiviteteve të Ministrisë së Mbrojtjes dhe të FSK-së gjatë vitit që po lëmë pas.

Ai theksoi se kjo konferencë ka një rëndësi të veçantë, sepse në cilësinë e Ministrit të Mbrojtjes, po u drejtohet mediave në njëvjetorin e tranzicionit të FSK-së me mandate ushtarak.

Më tej Ministri numëroi disa nga të arriturat kryesore gjatë këtij viti, ku përfshihen realizimi i plotë i objektivave të parapara gjatë vitit të parë të Planit Gjithëpërfshirës të Tranzicionit të FSK-së; avancimi i kapaciteteve operative; implementimi i strukturës së re organizative të Ministrisë së Mbrojtjes dhe Shtabit të Përgjithshëm të FSK-së.

 Qytetarët kanë pasur rast t’i shohin njësitë e FSK-së sipas strukturës së re, me emblema dhe flamuj të rinj, gjatë rreshtimit në kuadrate në Ditën e Forcës 27 nëntor 2019.

Ministri i Mbrojtjes gjithashtu njoftoi gazetarët se gjatë kësaj periudhe, njësive të FSK-së i janë shtuar edhe 900 pjesëtarë të rinj. Me rekrutimet e fundit, është rritur numri i pjesëtarëve të gjinisë femërore (11%) dhe pjesëtarëve të komuniteteve jo shumicë (rreth 10%) në strukturat e FSK-së.

Ministri iu referua edhe sondazhit të fundit rreth besueshmërisë së institucioneve të Republikës së Kosovës gjatë vitit 2019. Ky sondazh, edhe këtë vit, e ka nxjerr FSK-në si institucionin më të besueshëm, me rritje në përqindjen e besueshmërisë krahasuar me vitin e kaluar. Është rritur edhe besueshmëria në FSK nga komuniteti serb në 12%.

Kjo, sipas Ministrit Berisha, është falë punës së të gjithë ushtarëve, nënoficerëve dhe oficerëve të FSK-së si dhe shërbyesve civilë të Ministrisë së Mbrojtjes.

Ministri Berisha ritheksoi se një nga objektivat strategjikë të Republikës së Kosovës është anëtarësimi në NATO. Në këtë frymë, Republika e Kosovës ka raporte veçanërisht të mira me shtetet fqinje anëtare të NATO-s dhe ato që synojnë anëtarësimin në këtë organizatë.

Ndërsa, komandanti i FSK-së, gjenerallejtënant Rrahman Rama, pasi përshëndeti gazetarët i cili tha se përmbyllin vitin e parë si ushtri e vendit me suksese të mëdha në të gjitha fushat.

"Ne, falë bashkëpunimit me partnerët ndërkombëtarë dhe angazhimit të pjesëtarëve të FSK-së, i kemi përmbushur të gjitha objektivat e planifikuara të FSK-së."

"Synimi ynë mbetet avancimi i ndërveprueshmërisë me forcat anëtare dhe partnere të NATO-s, si dhe pjesëmarrja jonë në operacionet paqeruajtëse të NATO-s, për të dhënë kontributin e përgjithshëm për paqe, siguri dhe stabilitet në rajon dhe më gjerë", ka theksuar ai.   

Në fund, komandanti i FSK-së, duke i falënderuar gazetarët, tha se transparenca jonë dhe pasqyrimi juaj profesional ka mundësuar që publiku dhe qytetarët e vendit në përgjithësi të informohen në mënyrë korrekte. Kjo ka rezultuar me vlerësimin, për të tetin vit me radhë të FSK-së, si institucioni më i besueshëm i sigurisë në vend.

 




Kalendari

Ngjarjet e datës 28 shkurt 2020 - Kryetarja e Kuvendit të Kosovës, dr. Vjosa Osmani takohet me kryetarin e Komunës se Pejë, Gazmend Muhaxherinë. (Ndërtesa e Komunës së Pejës, ora 9:30)

- Kryeministri Albin Kurti pret në takim Myftiun Naim Tërnava. (Ndërtesa e Qeverisë, ora 9:20 - ndryshim orari, ora 11:00 - vetëm pamje)

- Instituti EPIK, me mbështetjen e Fondacionit të Kosovës për Shoqëri të Hapur do të jetë nikoqirë i pjesëmarrëseve të veçantë në kuadër të tryezës “IPA III”. (Hapësirat Shtëpisë së Europës, përball Zyrës së BE-se, ora 10:00)

- Kryetarja e Kuvendit të Kosovës, dr. Vjosa Osmani viziton shkollën e mesme të arteve “Odhise Paskali” në Pejë. (Objekti i shkollës se mesme të arteve “Odhise Paskali”, ora 10:00)

- Kryetari i Bashkësisë Islame të Kosovës, Myftiu Naim Tërnav dhe  Dr. Mirza As Saeg shefi i kabinetit të ministrit të Financave të Emirateve të Bashkuara Arabe dhe njëherësh ë edhe anëtar i Fondacionit Al Maktoum nga Dubai do të mbajnë konferencë për shtyp. (Sëiss Diamond Hotel, ora 10:00)

- Mbahet e mbledhja e 26-të e legjislacionit te VI-të Kuvendit Komunal të Istogut. (Ndërtesa e Kuvendit Komunal të Istogut, ora 10:00)

- Mbahet mbledhja e dytë e rregullt e Kuvendit Komunal të Rahovecit. (Salla e mbledhjeve të Kuvendit Komunal në Rahovec, ora 10:00)

- Komisioni për Shëndetësi dhe Mirëqenie Sociale, mban takim me ministrin e Shëndetësisë Arben Vitia dhe drejtorët e SHSKUK, IKSHP dhe Klinikës Infektive. (Ndërtesa e Kuvendit, salla N10, ora 10:00)

- Kryetarja e Kuvendit të Kosovës, dr. Vjosa Osmani viziton shkollën e fillore “Asdreni” në Pejë. (Objekti i shkollës 'Azdreni' në Pejë, ora 10:20)

- Grupi për Studime Juridike dhe Politike organizon tryezën e diskutimit me temë “Vetingu në Kosovë: Si të implementohet një proces i tillë në mënyrë që të sigurohet pavarësi e plotë e sistemit të drejtësisë?”. (Qendrën e Konferencave Orion, ora 10:30)

- Kryetarja e Kuvendit të Kosovës, dr. Vjosa Osmani merrë pjesë në zbulimin e shtatores së Majlinda Kelmendit në Pejë. (Pejë, ora 11:00)

- Mbahet mbledhja e Qeverisë së Republikës së Kosovës. (Ndërtesa e qeverisë, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-se, ora 13:30)

- Mbledhja e Kryesisë së Kuvendit të Republikës së Kosovës lidhur me kërkesa e 41 deputetëve për thirrjen e seancës së jashtëzakonshme të Kuvendit. (Ndërtesa e Kuvendit, salla C 301, ora 14:00)

- Kryeministri Albin Kurti pret në takim protestuesit e Trepçës. (Ndërtesa e Qeverisë, ora 14:30 - vetëm pamje)

- NISMA Socialdemokrate, shënon 6 vjetorin e themelimit të partisë. (Hotel Emerald, ora 17:30)