05 Mars 2021

Forcimi i llogaridhënies dhe vettingu mbrojnë sistemin e drejtësisë

Prishtinë, 17 dhjetor - Ministri i Drejtësisë, Selim Selimi, së bashku me zëvendëskryeministrin, Driton Selmanaj, si dhe kryesuesin e grupit punues, Florent Spahija, kanë prezantuar raportin e Grupit Punuese për adresimin e sistemit të llogaridhënies duke përfshirë edhe Vettingun në sistemin e drejtësisë.

Ministri Selimi tha se hartimi i këtij raporti është hapi i parë për krijimin e një sistemi të llogaridhënies në fushën drejtësisë.

“ Faleminderit që sot jeni këtu në lansimin e raportit për sistemin e llogaridhënies duke përfshirë edhe Vettingun. Falënderoj zëvendëskryeministrin z. Selmanaj dhe kryesuesin e grupit z. Spahija por edhe anëtarët e grupit punues si dhe partnerët tanë ndërkombëtar për punën e bërë për hartimin e këtij raporti. Ky është vetëm hapi i parë për të krijuar një sistem më llogaridhënës dhe më të fortë për t’i mbrojtur prokurorët dhe gjyqtarët e ndershëm dhe për t’i larguar ata që nuk janë të ndershëm”, tha ministri Selimi.

Sipas ministrit Selimi, sistemi i llogaridhënies përfshirë edhe Vettingun, duhet të jetë gjithëpërfshirës dhe nuk duhet të bëhet politik.

“Nëse duhet ta kemi një sistem të drejtësisë së pavarur dhe llogaridhënës duhet të bëhet duke i përfshirë ata. Nuk duhet të bëhet politik sepse preferencat politike ndryshojnë përderisa sistemi i drejtësisë duhet të jetë permanent”, tha ministri Selimi.

Ministri Selimi tha se beson që në muajin janar të fillohet implementimi i njërit nga modaliteteve të dala nga raporti i Grupit Punues për sistemin e llogaridhënies.

Edhe zëvendëskryeministri Selmanaj, tha se Qeveria e Republikës së Kosovës, pritet që të vendos për njërin nga modalitetet që i janë ofruar në raportin e Grupit Punues.

“Neve na janë ofruar katër modalitete. Ne si Qeveri na mbetet të vendosim për njërin nga modalitetet që na është ofruar nga Grupi Punues, të zgjedhim njërin nga modelet që është më i përshtatshëm për Kosovën. Jemi të bindur që me modalitetin që do ta zgjedhim jemi të sigurt që po ju vjen fundi dembelëve brenda sistemit të drejtësisë, të korruptuarve dhe atyre që deri më sot kanë pasur një qasje të papërgjegjshme”, deklaroi zëvendëskryeministri Selmanaj.

Ndërsa kryesues i Grupit Punues nga KDI, Florent Spahija, tha se raporti i dorëzuar përmban katër modalitete që lidhen me  llogaridhënien duke përfshirë edhe Vettingun.

“ Ekspertiza jonë dhe e grupi punues ka bërë që të vijmë me katër modalitete. Modaliteti i parë është Status Quo, ajo ku jemi deri tash e që po shohim që nuk ka as vullnet për të vazhduar. Janë edhe tri modalitete tjera, si ndryshimet ligjore, modaliteti i Vettingut të përhershëm dhe modaliteti gjithëpërfshirës që fillon menjëherë dhe kryhet pas pesë vitesh”, tha Spahija.


 

Kalendari

Ngjarjet e datës 5 Mars 2021  - Kuvendi komunal i Prishtinës mban seancë solemne për nder të shënimit të Epopesë së Ushtrisë Çlirimtare të Kosovës. (Objekti i komunës së vjetër, ora 9:00)

- Kryetari i Partisë Demokratike të Kosovës, Enver Hoxhaj me bashkëpunëtorë do të bëjnë homazhe në Kompleksin Memorial në Prekaz në nderim të sakrificës së Familjes Jashari, në 23 vjetorin e "Epopesë së UÇK-së". (Kompleksi Memorial në Prekaz, ora 9:45)

- Komuna e Prizrenit do te mbajë seancë solemne me rastin e 23 vjetorit të Epopesë së UÇK-së. (Salla e Kuvendit e Komunës në Shtëpinë e Bardhë, ora 10:00)

- Kuvendi komunal i Pejës  mban seancë solemne për nder të shënimit të Epopesë së Ushtrisë Çlirimtare të Kosovës. (Salla e Kuvendit Komunal të Pejës, ora 10:00)

- Mbahet ceremonia e nënshkrimit të Memorandumit të Mirëkuptimit ndërmjet Universitetit të Prishtinës “Hasan Prishtina” dhe Projektit “Heras Plus”. (Rektorati i UP-së, ora 10:00)

- Mbahet seanca solemne e Kuvendit të Komunës së Gjilanit, e cila mbahet për nderë të shënimit të Manifetimit “Epopeja e UÇK-së”. (Salla e mbledhjeve të KK-Gjilan, ora 10:00)

- Kryetar i Partisë Liberale Egjiptiane dorëzon ankesë në PZAP lidhur me procesin zgjedhore dhe orkestrimin e votave nga Lista Serbe duke e mbështetur  kunderligjshëm ' Romani Iniciativa". (PZAP, ora 10:00)

- Komuna e Prishtinës mban konferencë për media në të cilën do të behët prezentimi i planit te renovimit te soliterave në lagjen "Ulpiana". (Ndërtesa e vjeter e Komunës, ora 11:00)

- Fondi për Popullsi i Kombeve të Bashkuara lanson kampanjën “bashkë kundër covid-19”. (Instituti Kombëtar i Shëndetësisë Publike, ora 11:00)

- Hapet ekspozita “Kujtesa e Kosovës - Adem Jashari - rrëfime për të bëmat dhe heroizmin”. (Biblioteka Kombëtare “Pjetër Bogdani”, ora 11:00)

- Në Gjykatën Speciale mbahet seanca e radhës ndaj Salih Mustafës. (Selia e gjykatës në Hagë, ora 11:00)

- Mbahet manifestimi qendror, Parada e FSK-së, për nder të 23 - vjetorit të Epopesë së Ushtrisë Çlirimtare të Kosovës, në kujtim të Komandantit Legjendar Adem Jashari, familjes Jashari dhe të gjithë Dëshmorëve të kombit, si dhe të gjithë të rënëve për liri. (Kazerma ''Adem Jashari'' të FSK-së në Prishtinë, ora 12:00)

- Presidentja e Republikës së Kosovës, dr. Vjosa Osmani Sadriu dhe Kryeministri në detyrë, Avdullah Hoti do të marrin pjesë dhe do të mbajë një fjalë rasti në ceremoninë e FSK-së cila organizohet për nder të “Epopesë së UÇK-së”. (Kazerma “Adem Jashari” në Prishtinë, ora 12:00)

- Mbahet turniri në futsall. (Pallati i Rinisë, Prishtinë, ora 18:00)