Prishtinë, 27 nëntor - Ministria e Mbrojtjes së Republikës së Kosovës organizon sot ceremoninë e shënimit të Ditës së Forcës e cila mbahet në ambientet e kazermës “Adem Jashari” në Prishtinë.  

Me fjalimet e tyre do të paraqiten Ushtruesja e  detyrës së Presidentit të  Republikës së Kosovës zonja Vjosa  Osmani, Kryeministri Avdullah Hoti, Ministri i Mbrojtjes Anton Quni dhe Komandanti i FSK-së gjenerallejtënant Rrahman Rama.

Për shkak të pandemisë  COVID-19, të cilën është duke e kaluar edhe vendi ynë, këtë vit mënyra e  shënimit të Ditës së Forcës nuk është e karakterit të hapur.                                                          

Hyrja është e lejuar vetëm për ata që kanë ftesa.