Prishtinë, 27 nëntor - Forca e Sigurisë së Kosovës (FSK) organizon sot ‘Ditën e Hapur’ për nder të ‘Ditës së Forcës’, në të gjitha kazermat e saj.

Manifestimi qendror do të mbahet në kazermën ‘Adem Jashari’ në Prishtinë, në ora  10:00.

Me pas Ministri Rrustem Berisha dhe komandanti gjenerallejtënant Rrahman Rama do të prononcohen për media.  

Në Ditën e Forcës, FSK-ja mirëpret qytetarët në të gjitha kazermat e saj, si në: Prishtinë, Mitrovicë, Istog, Gjilan, Prizren, Ferizaj dhe Pomozotin, ku vizitorët do të kenë mundësi të shohin pajisje, demonstrime dhe aktivitete të shumta që dëshmojnë për kapacitetet e FSK-së.