04 Tetor 2022

Filloi procesi politiko-gjyqësor i EULEX-it kundër Albin Kurtit

Prishtinë, 15 shkurt - Sot filloi procesi gjyqësor me prapavijë politike i EULEX-it kundër udhëheqësit të Lëvizjes VETËVENDOSJE!, Albin Kurti. Seanca e parë u mbajt në orën 10:00 në Gjykatën e Qarkut në Prishtinë. Paneli i këtij procesi përbëhej nga Ferdinando Buatier de Mongeot, Fllanza Kadiu dhe Vladimir Kanev. Prokuror është Lulzim Sylejmani. 

Për shkak se, ashtu siç ishte bërë e ditur, Albin Kurti nuk u paraqit në këtë proces që është i montuar, paneli gjyqësor mori vendimin për shtyerjen e rastit për 22 shkurt. Sipas tyre, dita kur Albinit i është ofruar thirrja për t’u paraqitur në gjykatë ka qenë 9 shkurti, prandaj, gjithnjë sipas procedurave të cilave ata i referoheshin, duhet të kalojnë 8 ditë prej kur është pranuar thirrja. Kurse sot, më 15 shkurt, është dita e gjashtë prej lëshimit të thirrjes. Meqë nesër është dita e shtatë, kurse pasnesër nuk ka seancë për shkak të festës së pavarësisë, atëherë dita e tetë i bjen që të jetë 18 shkurti. Por ashtu sikur i gjithë ky proces gjyqësor është i motivuar politikish, edhe vetë kjo shtyrje kishte prapavijë të qartë politike. Për shkak se më 19 shkurt në Kosovë vjen Përfaqësuesja e Lartë e BE-së, Catherine Ashton, seanca për Albin Kurtin u shty për 22 shkurt. EULEX-i nuk dëshiron që shefja i tyre Ashton ta shohë pakënaqësinë e madhe të popullit ndaj EULEX-it. 

Para se të  shtyhej seanca e ardhshme për 22 shkurt, e mori fjalën avokati mbrojtës për këtë rast, i caktuar ex officio nga EULEX-i, Ramiz Krasniqi. Ai tha: “Pasi kam studiuar aktpadinë, materialin e përndjekjes, dhe duke e pasur parasysh procesin e kaluar gjyqësor kundër zt. Kurti, e po ashtu edhe qëndrimin e EULEX-it ndaj zt. Kurti, është bindje imja se zt. Kurti nuk do të ketë gjyqim të paanshëm në këtë gjyq, dhe se rasti i tij është i motivuar politikisht”. Sipas tij, ky rast është i padrejtë, duke theksuar se “aktpadia dhe dëshmitë e paraqitura nga prokuroria janë aq të dobëta legalisht, që ma bën të qartë se ky rast është i motivuar me qëllimin e kufizimit të kundërshtimit të zt. Kurti ndaj misioneve ndërkombëtare, e jo nga synimi për realizimin e drejtësisë lidhur me krimet e kryera më 10 shkurt 2007”.

Krasniqi tha se EULEX-i, ashtu sikurse UNMIK-u dikur, nuk mund t’i ofrojë Albin Kurtit gjykim të paanshëm. Dhe pasi përmendi procesin e komprometuar gjyqësor të UNMIK-ut kundër Albin Kurtit gjatë vitit 2007, Ramiz Krasniqi dha dorëheqje nga funksioni i avokatit mbrojtës për rastin kundër Albin Kurtit, duke thënë se “nëpërmjet tërheqjes sime, unë distancohem nga ky proces, i cili që prej fillimit është i nisur mbi mbështetjen e të njëjtës aktpadi dhe akuza”.

Ramiz Krasniqi po ashtu u solidarizua me të gjithë ata avokatë të cilët nuk u bënë pjesë e këtij procesi të udhëhequr nga UNMIK-u dikur dhe nga EULEX-i sot, meqë deklaroi se “tërheqja ime është po ashtu veprim solidarizues me kolegët e mi, të cilët bashkërisht refuzuan ta mbrojnë Albin Kurtin përpara dy vitesh”.

Në fund Krasniqi e arsyetoi dorëheqjen e tij me shkaqe morale dhe arsye të etikës profesionale, të cilat i bëjnë thirrje çdo avokati që t’i shërbejë drejtësisë dhe ta luftojë padrejtësinë. Ai tha: “Ky rast as që ishte dashur të hapej ndonjëherë. Është besimi im në etikën e profesionit tim, ai që nuk më lë zgjedhje tjetër përveç se të tërhiqem nga ky rast”. Pas kësaj deklarate paneli gjyqësor u mblodh 10 minuta jashtë sallës ku mbahej seanca. Ata më pas morën vendim që të mos ia pranonin arsyet e dorëheqjes Krasniqi. 

Lëvizja VETËVENDOSJE! e mirëpret dorëheqjen e Ramiz Krasniqit dhe u bën thirrje të gjithë avokatëve të Kosovës që të mos i kontribuojnë zhvillimit të këtij procesi të padrejtë, pra që të mos bëhen avokatë mbrojtës të Albin Kurtit. Ne po ashtu kërkojmë nga prokurori i rastit, Lulzim Sylejmani, që t’i hedh poshtë akuzat e padisë së UNMIK-ut si të pambështetura në procesin e udhëhequr sot nga EULEX-i, në mënyrë që t’i jep fund këtij procesi të turpshëm gjyqësor kundër lirive fundamentale të të drejtave të njeriut, siç janë ajo e shprehjes, manifestimit të bindjeve politike, mbledhjes dhe demonstratës paqësore. Të gjithë gjykatësve dhe prokurorëve të Kosovës u bëjmë thirrje që të mos bëhen pjesë e këtij skenari të EULEX-it që nuk ka të bëjë fare me realizimin e drejtësisë për rastin e 10 shkurtit 2007. 

Komiteti i Lëvizjes VETËVENDOSJE! për Politikë  dhe Çështje Juridike

 

Kalendari

Ngjarjet e datës 4 tetor 2022

- Komisioni për Punë të Jashtme dhe Diasporë takohet me delegacionin e administratës së Parlamentit të Republikës së Austrisë. (Ndërtesa e Kuvendit, salla C203, ora 8:30)

- Misioni i Organizatës për Siguri dhe Bashkëpunim në Evropë organizon ceremoninë zyrtare të nënshkrimit të Memorandumit të Mirëkuptimit ndërmjet komunave të rajonit, Prishtinës, Obiliqit, Lipjanit, Podujevës dhe Fushë Kosovës dhe Qendrës për Mbrojtjen e Grave dhe Fëmijëve në Prishtinë. (Hotel Amazona, ora 10:00)

- Instituti Demokratik i Kosovës organizon tryezën e diskutimit gjatë të cilës do të shpalosën të gjeturat nga analiza e procedurave të prokurimit publik lidhur me shpenzimet publike të realizuara nga Ministria e Shëndetësisë dhe Shërbimi Spitalor Klinik Universitar gjatë periudhës 2020 – 2022. (Restorant Boho, ora 10:00)  

- Komisioni për Mbikëqyrjen e Financave Publike shqyrton raportin e Auditorit të Përgjithshëm për Raportn Vjetor Financiar të Buxhetit të Republikës së Kosovës për vitin 2021. (Ndërtesa e Kuvendit, salla N302, ora 11:00)

- Në kuadër të aktiviteteve kulturore artistike brenda institucioneve korrektuese, nesër në Qendrën Korrektuese për Femra në Lipjan, do të shfaqet Filmi “ Sffaragette”. (Qendra Korrektuese për Femra Lipjan, ora 11:00)

- Me rastin e 4 Tetorit, “Ditës Botërore për Mbrojtjen e Kafshëve”,  Ministria e Mjedisit, Planifikimit Hapësinor dhe Infrastrukturës në bashkë organizim me Agjencia e Ushqimit dhe Veterinarisë, OJQ-në Fondacioni për Mbrojtjen e të Drejtave të Kafshëve si dhe Fondacioni për mbrojtjen e kafshëve Vier Pfoten Kosova do të shënojmë këtë ditë në Pyllin e Arinjve Prishtina. (Fshati Mramor, afër liqenit të Badovcit, ora 11:00)
 
- Qendra Kryesore e Mjekësisë Familjare në Rahovec, përgjatë gjithë muajit tetor, si muaji i ndërgjegjësimit për kancerin e gjirit, çdo ditë pune ofron shërbimin e mamografisë falas për të gjithë. (Rahovec, ora 11:00)

- Ministri i Financave, Punës dhe Transfereve, Hekuran Murati së bashku me Ministren e Financave dhe Ekonomisë të Shqipërisë, Delina Ibrahimaj, Drejtorin e Përgjithshëm të Doganave të Kosovës Agron Llugaliu dhe Doganës së Shqipërisë Genti Gazheli do të inspektojnë punët në hapësirat e përbashkëta të Portit të Durrësit. (Porti i Durrësit, ora 12:00)

- Komisioni për Ekonomi, Industri, Ndërmarrësi dhe Tregti shqyrton në parim i Projektligjit për Sigurinë e përgjithshme të produkteve si dhe formon grupin e punës për mbikëqyrjen e zbatimit të Ligjit për komunikimet elektronike. (Ndërtesa e Kuvendit, salla N10, ora 12:00)