Prishtinë, 6 mars - "Epopeja e Ushtrisë Çlirimtare të Kosovës" e cila po mbahet në 20 vjetorin e rënies heroike të Komandantit Legjendarë Adem Jashar, Familjes Jasharaj, dëshmorëve të kombit si dhe të gjithë të rënëve për liri vazhdon sot me konferencën shkencore"Jasharajt dhe Lufta Çlirimtare".

Gjatë ditë se sotme do të bëhen homazhe pran varrit të Komandantit Legjendarë Adem Jashari dhe varrezave të familjes Jasharaj në Kompleksin Memorial “Adem Jashari” në Prekaz të Komunës së Skenderajt.

Po ashtu do të behën homazhe në të gjitha komplekset memorialë të dëshmorëve të UÇK-së në Kosovë.

Ndërkaq në Sallën e Kuqe të Pallatit të Rinisë dhe Sporteve do të mbahet ,,Akademi Përkujtimore’’ kushtuar Komandantit Legjendarë Adem Jashari, familjes Jasharaj dhe gjithë dëshmorëve dhe të rënëve për liri.

Ndërs në orët e mbrëmjes Ministria e Kulturës organizon hapjen e ekspozitës kushtuar Komandantit Legjendarë Adem Jashari dhe Familjes Jashari në Muzeun e Kosovës në Prishtinë.