20 Shtator 2021

Diskutohen sfidat e sistemit gjyqësor në zbatimin e Ligjit për Mbrojtje nga Diskriminimi'

Prishtinë, 15 shtator - Institucioni i Avokatit të Popullit organizon tryezën e rrumbullakët me temë ''Sfidat e sistemit gjyqësor në zbatimin e Ligjit për Mbrojtje nga Diskriminimi''.

Tryeza ka për qëllim diskutimin mbi diskriminimin, si një prej shkeljeve më të rënda të të drejtave të njeriut, si dhe krijimin e bashkëpunimit me sistemin gjyqësor dhe sistemin prokurorial në Kosovë, në funksion të mbrojtjes së të drejtave të njeriut, luftimin e diskriminimit dhe promovimin e barazisë së qytetarëve para ligjit.

Gjatë kësaj konference po ashtu do të diskutohet edhe për rolin e Gjykatës Kushtetuese në avancimin e jurisprudencës në fushën e barazisë dhe mos diskriminimit si dhe roli i prokurorisë dhe drejtësia penale në çështjet që pretendojnë diskriminim dhe sfidat e prokurorisë në zbatimin e legjislacionit për mbrojtje nga diskriminimi.
 
Po ashtu prezantohen të dhënat statistikore për çështjet gjyqësore që u referohen ose kanë elemente të diskriminimit në procedurat civile, penale dhe kundërvajtje dhe mënyrën e regjistrimit të tyre.

Edhe Gjykata Themelore do te prezantoj efikasitetin dhe sfidat e sistemit gjyqësor në zbatimin e ligjit dhe mbrojtje nga diskriminimi, duke iu referuar praktikës gjyqësore bazuar në dispozitat e legjislacionit  për mbrojtje nga diskriminimi.


Kalendari

Ngjarjet e datës 20 Shtator 2021 - Kandidatit për kryetar të Malishevës nga radhët e Nismës Socialdemokrate, Ekrem Kastrati takon fermerët në fshatin Bardh.  (Fshati Bardh i Malishevë, ora 9:00)

- Mbahet seanca gjyqësore ndaj të pandehurit Sejdullah Mahmuti për trajtim të pa
ndërgjegjshëm mjekësorë. (Gjykata Themelore në Ferizaj, ora 9:30)

 - Mbahet seanca plenare e Kuvendit të Republikës së Kosovës në të cilën ndër të tjera do të    formohet Komisioni Ad-hoc për përzgjedhjen e kandidatëve për tetë anëtarë nga komuniteti shqiptarë dhe një anëtar nga komuniteti serb në Bordin e RTK-së. (Kuvendi i Kosovës, ora 10:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 10:00)

- Kandidatit për kryetar të Malishevës nga radhët e Nismës Socialdemokrate, Ekrem Kastrati takon fermerët në fshatin Senik. (Fshati Senik i Malishevë, ora 11:00)

- Kandidatit për kryetar të Malishevës nga radhët e Nismës Socialdemokrate, Ekrem Kastrati takon fermerët në fshatin Banjë. (Fshati Banjë i Malishevë, ora 13:00)

- The Balkan Forum organizon konferencën me temë “Jo regjimit të vizave: Koha për të vendosur qytetarët në rend të parë”. (Swiss Diamond Hotel, ora 14:00)