17 Qershor 2019

D+ përkrah ndalesen e hyrjes së avokatëve në zyret e gjykatësve

Prishtinë, 9 janar - Ndalesa e hyrjes së avokatëve në zyret e gjykatësve, është reformë e domosdoshme për ta ndaluar komunikimin ex-parte që përbënë komunikim të gjyqtarit me një palë pa praninë e palëve të tjera kundërshtare.

D+ e mbështet iniciativën e Kryetarit të Gjykatës Themelore të Prizrenit për urdhëresën e lëshuar me datën 8 gusht 2018, dhe e përshëndet rekomandimin e Këshillit Gjyqësor të Kosovës që gjykatat e tjera të ndërmarrin të njejtat masa.

Megjithatë, urdhëresa e lëshuar nga Kryetari i Gjykatës Themelore të Prizrenit do të duhej të specifikohet sepse në mënyrën siç është shkruar mund të nënkuptohet që avokatëve ju ndalohet hyrja në objekt të gjykatës, gjë që është në kundërshtim me parimin e qasjes në institucione të drejtësisë.

Por, është praktikë e papranueshme që avokatët të hyjnë në zyret e gjyqtarëve pa ftesë dhe të kenë mundësi të pabarabartë të ndikojnë tek gjykatësi në vendimin përfundimtar.

Pas sondazhit me palët dhe avokatet, ka qenë në fakt rekomandim i D+ që gjykatat të gjejnë një mënyrë më të mirë të menaxhimit të vizitave nga avokatët të cilët pa leje hyjnë në zyrat e gjyqtarëve dhe kërkojnë informacione mbi rastet e tyre, kjo për ta evituar komunikimin ex parte në mes të këtyre të fundit dhe gjykatësve.

Të gjeturat e studimit të D+ mbi cilësinë e shërbimeve të gjykatave themelore të Kosovës sipas vlerësimit të avokatëve, del se një numër i konsiderueshëm i rasteve ndikohen në mënyrë të papërshtatshme nga avokati i rastit përmes komunikimit ex parte me gjyqtarin.

D+ mbështet këtë reformë dhe fton OAK që të kuptojë se është e nevojshme që të ndërmirren masa të tilla gjithmonë në funksion të drejtësisë dhe në respektim të plotë të të drejtave të avokatëve për qasje në drejtësi.

Kalendari

Ngjarjet e datës 17 qershor 2019 - Komuna e Prizrenit nënshkruan kontratë me organizatën Caritas për “Kujdesin Socio-Shëndetësor, shtëpiak dhe ambulator për qytetarët e Komunës së Prizrenit”. (Shtëpia e Bardhë, ora 9:00)

- Komuna e Prizrenit organizon konferencë me temën “Për zhvillim të qëndrueshëm në Rajonin e Zhupës - Kundër Hidrocentraleve”. (Restaurant Fuad-As në fshatin Reçanë, ora 10:00 - transporti i organizuar nga ana e Komunës, nisja nga Shtëpia e Bardhë, ora 9:20)

- Komisioni Hetimor Parlamentar në lidhje me gjendjen në PTK dhe Vala interviston Rexhë Gjonbalaj, ish Kryetar i Bordit të Drejtoreve të PTK-së. (Ndërtesa e Kuvendit, salla N204, ora 10:00)

- Organizatat e shoqërisë organizojnë Marshin e Refuzimit, i cili do të zhvillohet në kundërshtim të Projektligjit për Financimin e Subjekteve Politike. (Marshi do të nis nga sheshi “Skënderbeu”, ora 10:00)

- Në kuadër të fushatës "Të flasim për ekonominë!" të Zyrës së Bashkimit Evropian në Kosovë mbahet diskutimi në panel "kontributi i Kodit Civil në zhvillimin e qëndrueshëm ekonomik dhe ndërmarrësinë e grave në Kosovë". (Shtëpia e Evropës, ora 10:30)

- Kryeministri Ramush Haradinaj bën homazhe në Kompleksin Memorial “Dëshmorët e Kombit” në Gllogjan, me rastin e njëvjetorit të vdekjes së veteranit të luftës së UÇK-së, Hilmi Haradinaj, baba i tre heronjve të kombit. (Kompleksi Memorial në Gllogjan, ora 11:00)

- Drejtori i Administratës në Komunën e Gjilanit, Bardhyl Syla mban konferencë për media lidhur me punën 5-mujore dhe planifikimi për tre muajtë e ardhshëm i drejtorëve të Komunës. (Zyra e kryetarit të Komunës, këndi i konferencave, ora 11:00)

- Mbahet mbledhja komemorative për të ndjerën Prof. Dr. Mandushe Berisha. (Fakulteti Filologjik, ora 11:00)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi shqyrton kërkesen e Këshillit Kombëtar Shqiptar dhe njoftimi i Komisionit lidhur me vizitën e realizuar në Luginë të Preshevës si dhe diskuton lidhur me tekstet e reja shkollore e riorganizimin e shkollave. (Ndërtesa e Kuvendit, salla N 302, ora 13:00)

- Lëvizja FOL organizon Forumin e FOL Hapur me shefen e Zyrës së BE-së në Kosovë znj. Apostolova dhe ministrin e Administratës Publike Mahir Yagcilar ku temë diskutimi do të jetë ‘Etika në Administratën Publike”. (Zyrat e Lëvizjes FOL, ora 15:00)

- Qendra Kinematografike e Kosovës në bashkëpunim me Komunën e Prishtinës dhe Kino Armatën për nder të njëzet vjetorit të çlirimit të qytetit të Prishtinës organizon Javën e Filmit me shfaqjen e filmave "Ajo" nga More Raça dhe "Martesa" nga Blerta Zeqiri. (Kino Armata, ora 20:00)