29 Mars 2024

Brenda një muaji aktakuza për veteranët e rrejshëm

Prishtinë, 25 gusht - Prokurori i Prokurorisë Speciale, Sylë Hoxha, ka deklaruar për “Zërin” se prokurori kompetent është duke e përgatitur aktakuzën për veteranët e rrejshëm dhe se ajo brenda një muaji do të dërgohet në Gjykatë.

Mbi 22 milionë euro vlerësohet se e kanë dëmtuar buxhetin e Kosovës veteranët e rrejshëm vetëm gjatë periudhës janar – korrik të këtij viti nëse konfirmohen pretendimet e prokurorit të dorëhequr Blakaj se në listat e veteranëve janë mbi 19 mijë veteranë të rrejshëm.

Deputetët nga radhët e pozitës dhe të opozitës kërkojnë që të ndërpriten pagesat për veteranët e rrejshëm, me ç’rast ata duhet t’i kthejnë paratë që ia kanë marrë shtetit ndër vite.

Në anën tjetër prokurori i Prokurorisë Speciale në Kosovë, Sylë Hoxha, në një prononcim për gazetën “Zëri” ka thënë se ende nuk është dërguar aktakuza për rastin e fryrjes së listave të veteranëve në Gjykatë.

“Në ndërkohë do të vendosë prokurori me propozime e pastaj vendos Gjykata. Ende nuk është ngritur aktakuza, ne jemi në përgatitje të saj. Është çështje procedurale e prokurorit, i cili do të vendosë kur do ta përfundojë aktakuzën”, ka thënë ai.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)