02 Prill 2020

Bashkëpunimi rajonal ndihmon mbikëqyrjen demokratike të sektorit të sigurisë

Prishtinë, 24 shkurt - Zëvendësministri i parë i Punëve të Brendshme dhe Administratës Publike, Xhelal Sveçla, ka pritur në takim një delegacion të udhëhequr nga Merijn Hartog, drejtor i Qendrës për Studime të Sigurisë Evropiane, të shoqëruar nga Peter Vanhoutte dhe Lulzim Peci, drejtor ekzekutiv i Institutit Kosovar për Kërkime dhe Zhvillime të Politikave.

Ky takim është zhvilluar me qëllim të diskutimit të projektit “Zhvillimi i kapaciteteve, bashkëpunimit dhe kulturës së mbikëqyrjes së sektorit të sigurisë në Shqipëri, Kosovë dhe Maqedoninë Veriore (DECOS).

Projekti në fjalë ka për qëllim të fuqizojë parlamentet, organizatat e shoqërisë civile dhe rolin e tyre në mbikëqyrjen demokratike të sektorit të sigurisë.

Në këtë takim, u bë e ditur se me anë të këtij projekti do të ngritën kapacitetet dhe do të rritet bashkëpunimi i mbikëqyrjes së sektorit të sigurisë në Shqipëri, Kosovë dhe në Maqedoninë Veriore.

Me këtë rast, zëvendësministri i parë, Xhelal Sveçla, e informoi delegacionin rreth ndryshimeve të fundit në ekzekutiv dhe legjislaturë, si dhe ofroi bashkëpunim të plotë në të ardhmen.

Projekti DECOS cak ka aktërë të ndryshëm të mbikëqyrjes si: parlamentarë, me theks të veçante ata nga komisionet për punë të brendshme, të mbrojtjes dhe të komisionit mbi inteligjencën/sigurinë kombëtare, institucionet e Avokatit të Popullit dhe të Auditorit Kombëtar, OJQ-të, etj.

Projekti DECOS financohet nga MPJ e Holandës dhe do të zgjasë tri vite. 

Kalendari

Ngjarjet e datës 2 Prill 2020

- Presidenti i Kosovës, Hashim Thaçi, pret në takim kryetarin e AAK-së, Ramush Haradinaj, për t’u konsultuar lidhur me formimin e Qeverisë së re, ose shkuarjen në zgjedhje. (Zyra e Presidentit, ora 10:00) 

- Presidenti i Kosovës, Hashim Thaçi, pret në takim kryetarin e Listës Serbe, Goran Rakiq. (Zyra e Presidentit, ora 10:30) 

- Presidenti i Kosovës, Hashim Thaçi, pret në takim kryetarin e Nismës, Fatmir Limaj. (Zyra e Presidentit, ora 11:00) 

- Presidenti i Kosovës, Hashim Thaçi, pret në takim përfaqësuesit e Grupit Parlamentar 6 Plus. (Zyra e Presidentit, ora 11:30)