06 Dhjetor 2019

Avancimi i sistemit të ndërmjetësimit prioritet i sistemit të drejtësisë

Prishtinë, 14 nëntor - Është mbajtur tryeza me titull “Avancimi i Sistemit të Ndërmjetësimit në Kosovë”, tryezë në të cilën kanë marrë pjesë kryeprokurorë dhe kryetarë të gjykatave të Kosovës.

Kjo tryezë është mbështetur nga UNDP përmes projektit “Përfaqësimi i qasjes në drejtësi dhe i reformës së sundimit të ligjit në Kosovë” dhe financuar nga Ambasada e Norvegjisë në Kosovë.

Në këtë tryezë ka folur zëvendëskryesuesi i Këshillit Prokurorial të Kosovës (KPK), Arben Ismajli, i cili para pjesëmarrësve tha se ndërmjetësimi si veprimtari jashtëgjyqësore është mundësi e mirë për zvogëlimin e lëndëve nëpër prokurori dhe gjykata të Kosovës.

Po ashtu, zëvendëskryesuesi Ismajli foli edhe për veprimet e marra nga Këshilli Prokurorial i Kosovës, lidhur me funksionalizimin sa me të mirë të ndërmjetësimit nëpër prokurori, duke u fokusuar në punën që është bërë në hartimin e akteve nënligjore të hartuara nga KPK-ja, që rregullojnë fushën e ndërmjetësimit.

Ndërsa, prokurori në Zyrën e Kryeprokurorit të Shtetit, Besim Kelmendi, foli për mundësit e mira që sjell ndërmjetësimi në sistemin e drejtësisë, por edhe për sfidat e implementimit të tij.

Prokurori Kelmendi me tutje paraqiti të gjeturat lidhur me sfidat e implementimit të ndërmjetësimit në praktikë, gjatë takimeve të mbajtura me administratorë dhe referentë të ndërmjetësimit të prokurorive dhe gjykatave.

Lidhur me punëtoritë dhe tryezat të organizuara për mbështetjen e implementimit të ndërmjetësimit foli Menaxheri i projektit të UNDP-së, për fuqizimin e sundimit të ligjit, Ardian Latifaj.

Kalendari

Ngjarjet e datës 6 dhjetor 2019 - Administrata Tatimore e Kosovës organizon tryezën e konsultimeve publike me përfaqësues të bizneseve, lidhur me hartimin dhe zbatimin e “Planit për përmirësimin e integritetit” të ATK-së. (Hotel Sirius, ora 9:00)

- Open Data Kosovo në bashkëpunim me fondacionin ePanstwo, organizatë kjo që operon në Poloni organizojnë konferencën ndërkombëtare mbi të dhënat e hapura dhe iniciativat teknologjike në Kosovë dhe Evropë, titulluar “GOT_Data”. (Prishtinë, 9:30)

- Shërbimi Spitalor dhe Klinik Universitar i Kosovës do të prezantoj raportin  e punës për vitin 2019 ku edhe do të bëhet prezantimi i planit të punës për SHSKUK-në  për vitin 2020. (Hotel Emerald, ora 10:00)

- Instituti Demokratik i Kosovës organizon konferencën për media, gjatë së cilës do të shpaloset analiza “Konsensusi i brendshëm si parakusht për vazhdimin e dialogut Kosovë-Serbi”. (Zyrat e KDI-së, ora 11:00)   

- Unioni i Gazetarëve Shqiptarë organizon ndarjen e çmimeve "Vangjush Gambeta 2019”, për raportimin më të mirë ekonomik të publikuar gjatë këtij viti, nga gazetarë ekonomikë nga Shqipëria, Kosova dhe Maqedonia. (Hotel Swiss Diamont, ora 11:00)

- Fondi për të Drejtën Humanitare Kosovë organizon panel diskutimin në temën: “Krimet e luftës – Sigurimi i provave, sfidat dhe përvojat me dëshmitarë”. (Hotel “Star Hill”, Rr. Prishtinë - Veternik, ora 14:00)

- Mbahet ceremonia e përvjetorit të 20-të të Radio K4. (Shtabi Qendror i KFOR-it në kampin “Film City”, ora 15:00)