23 Korrik 2018

Ambasadori norvegjez mbështet sistemin e drejtësisë në Kosovë

Prishtinë, 11 prill - Kryesuesi i Këshillit Gjyqësor të Kosovës (KGjK)), Nehat Idrizi dhe Kryesuesi i Këshillit Prokurorial të Kosovës (KPK), Blerim Isufaj, sot kanë pritur në takim Ambasadorin  norvegjez në Kosovë, Per Strand Sjaastad.

Kryesuesi Idrizi dhe Isufaj shprehën mirëseardhje Ambasadorit norvegjez dhe e falënderuan për bashkëpunimin e vazhdueshëm që kanë pasur të dy këshillat me shtetin e Norvegjisë edhe në të kaluarën.

Gjithashtu, ata falënderuan për mbështetjen që i kanë dhënë sistemit të drejtësisë, në veçanti projektit TIK/SMIL, ku donatorë kryesorë i këtij projekti është ambasada norvegjeze dhe se ky projekt vlerësohet si shumë i rëndësishëm duke e cilësuar si një shtyllë transparente për sistemin gjyqësor dhe prokurorial në vendin tonë.

Gjatë këtij takimi, Ambasadori u njoftua për së afërmi për projektin e SMIL-it dhe për të gjitha prioritetet tjera që kanë të dy këshillat, të dy kryesuesit paraqiten qëndrimet e tyre, se  KGJK dhe KPK do të jenë të përkushtuar që më të gjitha kapacitetet e veta përkundër sfidave që do të hasin, projekti SMIL do të mbetet prioritet për tu realizuar.

Ambasadori i Qeverisë Norvegjeze,  Sjaastad, shprehu gatishmërinë për bashkëpunim dhe premtoi mbështetje të vazhdueshme për të realizuar këtë Projekt, me qëllim të rritjes së efikasitetit të sistemit të drejtësisë në Kosovë.

Me implementimin e projektit SMIL synohet të rritet përformanca dhe efikasiteti i gjykatave dhe prokurorive, gjithashtu, sistemi do të mundëson raporte të sakta dhe të shpejta për punën e bërë. Dhe në fund qytetarët do të kenë besimin se lëndët e tyre do të trajtohen me rend, pa diskriminime dhe në afate të pranueshme kohore.

Kalendari

Ngjarjet e datës 22 Korrik 2018  - Ministri i Zhvillimit Ekonomik, Valdrin Lluka do të zhvillojë një vizitë Komunën e Kamenicë ku do te takoeht me me kryetarin e Kamenicës, Qëndron Kastrati. (Objekti i Komunës, ora 9:00)

- Kryetari i Odës Ekonomike të Kosovës viziton kompaninë Al Petrol  në kuadër të ciklit të takimeve me bizneset që ka nisur që nga zgjedhja si Kryetar për mandatin e ri katër vjeçar.  (Zyret Qendrore te Al Petrol, ora 9:00)

- OJQ EC Ma Ndryshe, ORKIDE dhe X40 mbajn konferencën për media rreth performancës publike “Drunj të pastër”. (Sheshi “Shatërvan”, ora 10:00)

- Mbahet mbledhja e Komisionit për Integrime Evropiane lidhur me shqyrtimin e Projektligjit për ratifikimin e Marrëveshjes Financiare për IPA 2017, pjesa e parë ndërmjet Kosovës dhe Bashkimit Evropian- e ftuar për të prezantuar këtë Marrëveshje znj. Dhurata Hoxha - Ministre e Integrimit Evropian. (Ndërtesa e Kuvendit, salla N 303, ora 10:00)

- Ministri i Zhvillimit Ekonomik, Valdrin Lluka do të vizitojë Projektin “Air Energy”, në  fshatin Kitkë te Komunës se Kamenicë. (Fshati Kitkë, ora 10:30)

- Mbahet seanca plenare e Kuvendit të Republikës së Kosovës. (Kuvendi i Kosovës, ora 11:00)

- Kryeministri Ramush Haradinaj vizitë pune në Ministrinë e Punëve të Jashtme. (Ministria e Punëve të Jashtme, ora 12:00)

- Aleanca Kosovare e Bizneseve mban konferencën për media me temë “Pse ikin investitorët e huaj nga Kosova“. (Zyret e AKB–së, ora 13:00)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi takohet me anëtarët e Këshillit Shtetëror të Cilësisë të AKA. (Ndërtesa e Kuvendit, salla N204, ora 13:00)
 
- Ministri i Zhvillimit Ekonomik, Valdrin Lluka do të zhvillojë një vizitë në Minierën e Artanës ku do te takohet me menaxhmentin dhe minatorët. (Miniera e Artanës, ora 14:00)