Prishtinë, 10 nëntor - Ambasada e Mbretërisë së Bashkuar në Prishtinë ka bërë të ditur se sot do të organizojë ceremoninë e Ditës së Përkujtimit të Mbretërisë së Bashkuar.

Ambasada Britanike do të kujtojë të gjithë ata që shërbyen dhe humbën jetën në konflikt.

"Pranë Memorialit të Mbretërisë së Bashkuar, do të përkujtojmë 14 anëtarët e Forcave të Armatosura Britanike që humbën jetën gjatë shërbimit me Forcat e NATO-S në Kosovë (KFOR)", thekson ambasada britanike.