20 Tetor 2018

Aktakuzat e para të Speciales priten në fillim të 2018

Prishtinë, 15 nëntor - Gjykata Speciale nuk e ka në agjendë shpalljen e aktakuzave të para, ani se prej fillimit të verës është funksionalizuar ky institucion që formalisht është i Kosovës, por i tëri është i përbërë nga ndërkombëtarët e edhe selinë e ka në Hagë të Holandës. Megjithatë, në Prishtinë presin që arrestimet e para të ndodhin në muajin shkurt.

Kjo gjykatë, emri zyrtar i së cilës është Dhomat e Specializuara dhe Zyra e Prokurorit të Specializuar, ka juridiksion lëndor mbi krimet kundër njerëzimit, krimet e luftës dhe krime të tjera të kryera në periudhën 1998-2000, ndërlidhur me pretendimet e ngritura në Raportin e senatorit Dick Marty, i miratuar në 2011-n nga Këshilli i Evropës.

Pretendimi më i rëndë është ai për heqje organesh të serbëve, me qëllim transplantimin tek persona të tjerë. Pak muaj pas këtij raporti, Bashkimi Evropian ka vendosur të krijojë një Task Forcë Speciale Hetimore (SIFT) për të kryer një hetim të pavarur penal ndaj të gjitha pretendimeve të përfshira në Raport, si dhe krimeve të tjera të lidhura me këto pohime.

/Koha Ditore/

Kalendari

Ngjarjet e datës 21 tetor 2018

- Shoqëria Civile e Ferizajt organizon MiniMaratonen 5 km "Vrapo për Tetorin" e cila mbahet për tu sensibilizuar me të gjitha vajzat dhe gratë që janë të prekura me kancer të gjirit, dhe të gjitha mjetet e grumbulluara nga ky event do të dhurohen për shërimin e tyre. (Ferizaj, ora 10:00)

- Dita e tretë e Festivalit të Rakisë vazhdon me punëtorin kreative, pjekja tradicone dhe bashkekohore e rakisë, cilësia dhe shija, krijimi i një brendi të rakisë, krijimi i një tregu të përbashkët. (Etnokompleksit të fshatit Kukaj, ora 12:00)

- Lëvizja Vetëvendosje mban konferencë për media. (Zyrat e Vetëvendosjes, ora 13:00)