03 Mars 2021

97 fëmijë viktima të dhunës në familje, asnjë me aftësi të kufizuara

Prishtinë, 29 dhjetor - HANDIKOS sot ka lansuar raportin e shkurtër rreth përdorimit të bazës së të dhënave për fëmijët me aftësi të kufizuara të përfshirë në dhunën në familje, me qëllim të vlerësimit të mënyrës së përdorimit të saj nga institucionet kompetente.

Në përpjekje për të adresuar dhunën në familje, në Kosovë ishte krijuar Databaza Kombëtare e të Mbijetuarve të Dhunës në Familje dhe Dhunës kundër Grave e cila është nën përgjegjësinë e Zyrës së Koordinatorit Nacional për Mbrojtje nga Dhuna në Familje, e që nga viti 2019 ka edhe kolonën e cila specifikon nëse personi është me aftësi të kufizuar apo jo.

Hulumtimi i realizuar për përdorimin e bazës së disagreguar të të dhënave në katër komuna të Kosovës (Prishtinë, Ferizaj, Mitrovicë, Gjakovë), thekson lehtësimin e koordinimit institucional, ofrimit të më shumë informatave për rastet dhe referimin e tyre, duke fuqizuar zingjirin e reagimit.

Sipas të gjeturave, më shumë se 60% e të intervistuarve kanë raportuar për përdorim mujor të bazës së të dhënave. Ndërkaq, mangësitë teknike në bazën e të dhënave, mungesa e zyrtarëve përgjegjës për futjen e të dhënave, kapacitetet e limituara të zyrtarëve aktual dhe COVID-19 janë disa nga faktorët të cilët kanë vështirësuar përdorimin e bazës së të dhënave që nga pilotimi i saj.

Nga statistikat e nxjerra nga kjo databazë kuptohet se gjatë vitit 2020 janë regjistruar  97 fëmijë viktima të dhunës  në familje, e asnjë prej tyre nuk është raportuar të jetë me aftësi të kufizuar.

Ndaj, me qëllim lehtësimin e identifikimit të rasteve të dhunës ndaj fëmijëve me aftësi të kufizuara,  hulumtimi rekomandon: Trajnimin e vazhdueshëm të zyrtarëve përgjegjës për përdorimin e bazës së të dhënave; Përcaktimin e zyrtarit përgjegjës për çdo institucion të linjës;  Modifikimin e bazës së të dhënave, si dhe Bashkëpunim më të madh të institucioneve me organizatat relevante në identifikimin e rasteve të dhunës ndaj fëmijëve me aftësi të kufizuara.

Ky hulumutim u mundësua në kuadër të projektit ‘’Promovimi i parandalimit të dhunës në të gjitha mjediset ndaj fëmijëve me aftësi të kufizuara në Kosovë’’, i cili implementohet në bashkëpunim me Save the Children në Kosove dhe mbështetet nga SIDA Suedeze.

 

Kalendari

Ngjarjet e datës 3 Mars 2021 - Kolegji Ndërkombëtar i Biznesit në Mitrovicë inauguron projektin “Fuqizimi i autonomisë universitare dhe rritja e llogaridhënies e transparencës së universiteteve të Ballkanit Perëndimor”. (Selia e Kolegjit IBCM, ora 9:00)

- Mbahet seanca gjyqësore kundër të pandehurit Enis Ramadani për vepren penale 'Mbajtja në pronësi, kontroll ose posedim të paautorizuar të armëve'. (Gjykata Themelore në Ferizaj, ora 9:30)

- Avokati i Popullit, Naim Qelaj viziton ekspozitën për fëmijët e vrarë gjatë luftës “Na ishte një herë që kurrë mos qoftë”. (Biblioteka “Hivzi Sylejmani” në Prishtinë, lagjja Dardania, ora 10:00)

- Parlamenti i dytë rural shqiptar organizon konferencë për të diskutuar sfidat dhe veprimet konkrete për mirëqenien e banorëve të zonave rurale. (Platforma Zoom, ora 10:00)

- Pas rritjes së numrit të rasteve me COVID-19 në Gjilan, kryetari i Komunës, Lutfi Haziri, mban konferencë për media pas takimit të Komitetit për menaxhimin dhe parandalimin e përhapjes së COVID-19. (Zyra e krytarit Haziri, ora 10:30)

- Ministria e Kulturës, Rinisë dhe Sportit organizon ceremoninë e shpërndarjes së librave të botuar dhe të blerë me financimin e Departamentit të Kulturës në MKRS. (Biblioteka Kombëtare e Kosovës, ora 11:00)