20 Gusht 2019

246 qytetarë marrin pëlqimin për armë

Prishtinë, 18 prill - Ministria e Punëve të Brendshme mbajti konferencë  në kuadër të fushatës për legalizimin e armëve, më këtë rast u bë edhe dhënia e pëlqimeve për armët për qytetarët që kanë  aplikuar në kuadër të procesit të legalizimit.

Me këtë rast zëvendësministri i Punëve të Brendshme, Izmi Zeka, i cili njëherazi është Udhëheqës i Komisionit për Armë të Vogla dhe të Lehta, theksoi se më 3 dhjetor 2018, Ministri i Punëve të Brendshme nënshkroi një vendim për të hapur afatin kohor për legalizimin e armëve, i cili do të zgjaste 6 muaj, duke filluar më 17 dhjetor 2019 dhe duke përfunduar më 17 qershor 2019.

Ai tha se kjo iniciativë ofron mundësinë që qytetarët e Kosovës t’i legalizojnë armët nga kategoritë B, C dhe D, në një periudhë amnistie për posedimin e paligjshëm të armëve.

“Në 4 muajt e fundit, 718 qytetarë e kanë shfrytëzuar këtë mundësi dhe kanë parashtruar kërkesa për legalizim,  246 kanë marrë pëlqimin nga Ministria e Punëve të Brendshme, dhe sot unë do të dorëzojë personalisht 10  pëlqime”, theksoi zëvendësministri Zeka.

Në fund zëvendësministri Zeka sërish u bëri thirrje qytetarëve të tjerë që posedojnë një armë të paligjshme të ndjekin shembullin e tyre që kanë aplikuar. Ai tha se qëllimi i kësaj iniciative është t'u japë qytetarëve mundësinë për të zotëruar ligjërisht një armë sipas kushteve të Ligjit për Armët, i cili është i harmonizuar me Direktivën e Armëve të Zjarrit të Bashkimit Evropian.

Ndërsa Gazmend Hoxha nga Policia e Kosovës theksoi se  Policia e Kosovës e vlerëson shumë këtë fushatë dhe është aktive në pranimin e aplikacione të qytetarëve.

“Deri më tani kjo fshatë ka shkuar jashtëzakonisht mirë dhe ka pasur interesim dhe duhen të motivohen qytetarët që të behën pjesë e këtij procesi. Ne besojmë se kjo do të kontribuojë në përmirësimin e situatës së sigurisë në Kosovë, në veçanti në uljen e krimeve në të cilat përdorën armët”, theksoi Hoxha.

Asistentja e Përfaqësues së Përhershme dhe Koordinatorja e Programit të Kombeve të Bashkuara për Zhvillim në Kosovë (UNDP), znj. Valbona Bogujevci, vuri në dukje se Kontrolli i armëve të vogla dhe të lehta  ka marrë përsëri vëmendje edhe në nivel global edhe në nivel rajonal.

“Dëshirojë të përgëzojë institucionet e Kosovës që ishin të parat në rajon që ndryshuan dhe miratuan strategjinë për armë të lehta dhe të vogla.  Ajo tha se UNDP do të qëndrojë e përkushtuar që të përkrahi institucionet e Kosovës edhe më tutje në zbatimin e aktiviteteve”, theksoi Bogujevci.

Ajo vlerësoi fushatën për legalizimin e armëve dhe iu bashkëngjitë parafolësve për t’iu bërë thirrje qytetarëve të cilët kanë armë ilegale t’i bashkohen pjesës tjetër të qytetarëve që janë bërë pjesë e legalizimit të armëve.

Periudha e legalizimit është e hapur edhe për dy muaj, pas kësaj periudhe armët e paligjshme do të konfiskohen dhe dënimi për posedim ilegal të armëve mund të dënohet me gjobë deri në shtatë mijë e pesëqind (7.500) euro, ose me burgim deri në dhjete (10) vjet.

 

Kalendari

Ngjarjet e datës 20 gusht 2019 - Ministri i Tregtisë dhe Industrisë, Endrit Shala do ta takojë ministrin e Ekonomisë së Maqedonisë së Veriut, Kreshnik Bekteshi. (Holli i Ministrisë së Tregtisë dhe Industrisë, ora 9:30)

- Oda Ekonomike Amerikane në Kosovë organizon tryezën për gjendjen e prodhimit në Kosovë ku do të diskutohen rekomandimet ndaj Qeverisë së re rreth zhvillimit të mëtutjeshëm të sektorit të prodhimit, me panelistë përfaqësues të bizneseve prodhuese në vend. (Hotel Sirius, ora 9:55)

- Në Gjilan fillon implementimi i programit “Shkollat e Shekullit 21”, i cili mbështetet nga Qeveria e Britanisë, i dizajnuar nga British Council. (Salla e Kuvendit Komunal, ora 11:00)

- Instituti Demokratik I Kosovës / Transparency International Kosova organizon konferencën për media gjatë të cilës do të shpalosën të gjeturat e hulumtimit pilot mbi transparencën e kryeqyteteve evropiane, ku mes 27 kryeqyteteve evropiane është vlerësuar edhe Prishtina. (Salla e konferencave të KDI, ora 12:00)

- Kryetari i Komunës së Prizrenit Mytaher Haskuka do të pret në takim anëtarin e Parlamentit Britanik, John Grogan ku pas takimit do të ketë edhe një konferencë të përbashkët për media. (Shtëpia e Bardhë, ora 13:00)

- Mbahet ceremonia e hapjes se festivalit të edicionit të 9-të të Festivalit të Arteve dhe Kulturës Tradicionale Etnofest. (Etnokompleksi i fshatit Kukaj, ora 18:00)

- Komuna e Prizrenit në kuadër të hartimit të buxhetit për vitin 2020 do të organizojë dëgjime publike me me banorët e rajonit të Zhurit, Vërrinit dhe Vërmicës me qëllim të angazhimit të tyre në procesin e hartimit të buxhetit, transparencës, gjithëpërfshirjes dhe llogaridhënies ndaj qytetarëve. (Shkolla fillore në Zhur, ora 19:00)

- Aleanca Franceze e Prishtinës, Kino Armata dhe Termokiss organizojnë së bashku edicionin e parë të festivalit "Kino nshehër". (Kino Armata te Sheshi, ora 20:00)