17 Shkurt 2019

112 shpëton jetë

Gjilan, 9 shkurt - Në Gjilan sot është shënuar Dita Evropiane e Numrit 112, ndërsa në këtë manifestim modest kanë marrë pjesë kryetari i Komunës së Gjilanit Lutfi Haziri, Policia e Kosovës, shërbimi i zjarrfikësve, shërbimet emergjente shëndetësore, Kryqi Kuq, përfaqësues nga Ministria e Punëve të Brendshme e nxënës të shkollave me qëllim të promovimit të bashkëpunimit.

Kryetari i Gjilanit Lutfi Haziri, ka përshëndetur këtë manifestim dhe ka dëshiruar që të vazhdohet edhe më tutje me punë dhe me angazhime në fushën e sigurisë dhe koordinimin në interes të përgjithshëm, duke vlerësuar lartë punën e shërbimeve emergjente.

“112 shpëton jetë. Ky numër mbëhet shumë lehtë në mendje. Është kjo një qendër e fuqishme e mbështetjes dhe e shpëtimit të jetës së qytetarëve të Gjilanit, e pasurisë tonë, por edhe e intervenimit të shpejtë përmes institucioneve të emergjencave që jemi në një koordinim shumë të mirë të përbashkët me qëllim të një jete më të mirë dhe më të sigurtë në qytetin e Gjilanit. Është fat i mirë që gjilanasit janë bashkëpunues me qendrën e thirrjeve emergjente 112, duke qenë gjithnjë informues për dyshimet që mund ti kenë, me qëllim që të jemi të sigurtë dhe në shërbim të një jete më të mirë për të gjithë”, ka thënë kryetari Lutfi Haziri

Ai ka potencuar se duhet një bashkëpunim edhe më i madh nga të gjithë qytetarët që të kemi një gatishmëri më të madhe për intervenim në kohën më të shpejt të mundshme.

“Duhet të jemi bashkëpunues dhe të lajmërojnë për çdo rast në këtë shërbim, sepse vetëm kështu mund të kontribuojmë të gjithë bashkërisht për një qetësi më të madhe dhe për një siguri që gjithnjë e dëshirojmë dhe punojmë që ky vend të jetë vend i qetë dhe në fundksion të sigurisë publike”, tha Haziri.

Në këtë takim ka folur edhe Sali Mustafa, i cili ka shpalosur punën dhe angazhimin që ka bërë kjo qendër, gjithashtu ka ofruar gatishmërinë e tij për bashkëpunim me të gjitha institucionet e emergjencave të sigurisë në Komunën e Gjilanit dhe më gjerë. 

Kalendari

Ngjarjet e datës 17 shkurt 2019 - Qeveria e Kosovës mban mbledhje festive për nder të 11-vjetorit të Pavarësisë. (Ndërtesa e Qeverisë, ora 8:00)

- Ngritja solemne e Flamurit të Republikës së Kosovës për nder të 11-vjetorit të Pavarësisë në të cilën marrin pjesë presidenti Hashim Thaçi, kreu i Kuvendit, Kadri Veseli dhe kryeministri Ramush Haradinaj. (Hapësira mes ndërtesës së Kuvendit dhe Qeverisë, ora 8:30) 

- Presidenti Thaçi, kryeparlamentari Veseli dhe kryeministri Haradinaj vendosin kurora lulesh te shtatorja e ish-presidentit Ibrahim Rugova. (Sheshi “Ibrahim Rugova”, para Kuvendit, ora 8:45) 

- Presidenti Thaçi, kryeparlamentari Veseli dhe kryeministri Haradinaj vendosin kurora lulesh në Kompleksin Memorial “Adem Jashari” në Prekaz. (Prekaz, ora 9:40)

- Në 11 vjetorin e shpalljes së pavarësisë të Kosovës, anëtarë të kryesisë së LDK-së bashkë më struktura të saj, bëjnë homazhe te varri i Presidentit Historik të Kosovës, Dr. Ibrahim Rugova. (Velani, ora 10:00)

- Komuna e Gjilanit organizon homazhe  te varrezat e dëshmorëve. (Gjilan, ora 10:00)

- Federata e Ping-Pongut e Kosovës (FPPK) organizon turneun “Dita e Pavarësisë”.  (ShMU “Tefik Çanga”, Ferizaj, ora 10:00)

- “Star Kids” do të performojnë në sheshin “Skënderbeu” për nder të Pavarësisë. (Sheshi “Skënderbeu” në Prishtinë, ora 10:00)

- Kuvendi i Kosovës mban seancë solemne për nder të 11-vjetorit të Pavarësisë. (Kuvendi i Kosovës, ora 10:45) 

- Komuna e Gjilanit organizon akademi solemne dhe program artistik nga Shkolla e Muzikës në Gjilan. (Teatri i Qytetit, ora 11:00)

- Trupat e Forcës së Sigurisë së Kosovë parakalojnë me rastin e 11-vjetorit të Pavarësisë së Kosovës. (Prej Sheshit “Nënë Tereza” deri te Sheshi “Ibrahim Rugova”, ora 12:20)

- Me rastin e 11-vjetorit të Pavarësisë së Kosovës organizohet koktej për të gjithë të ftuarit në Parakalimin e Trupave të FSK-së. (Hotel “Swiss Diamond”, ora 13:00)

- Dega e Lidhjes Demokratike të Kosovë në Gjilan bën përurimin e bustit të ish-presidentit Ibrahim Rugova (Gjilan, ora 13:00)

- Përfaqësues të organizatave studentore organizojnë një “protestë artistike” në lidhje me vonesën e liberalizimit për qytetarët e Kosovës. (Sheshi “Zahir Pajaziti”, ora 13:00) 

- Komuna e Vushtrrisë organizon manifestimin qendror për shënimin e 11-vjetorit të Pavarësisë. (Kalaja e Qytetit, Vushtrri, ora 13:00)

- Kryeministri Ramush Haradinaj pret në takim deputetët nga Mbretëria e Bashkuar, John Grogan dhe Martin Vickers. (Ndërtesa e Qeverisë, ora 14:00)

- Shoqata e Gastronomëve të Prishtinës, në bashkëpunim me Qeverinë e Kosovës, organizon një event simbolik për Pavarësi. (Sheshi “Skënderbeu”, ora 14:00) 

- Kryetari i Kuvendit të Kosovës, Kadri Veseli, dhe ministri i Kulturë, Rinisë dhe Sportit, Kujtim Gashi, përurojnë Palestrën Sportive në Shtime. (Shtime, ora 15:00)

- Kryeministri Ramush Haradinaj pret në takim delegacionin 17-anëtarësh nga Shtetet  e Bashkuara të Amerikës, të kryesuar nga Senatori James Inhofe. (Ndërtesa e Qeverisë, ora 15:00) 

- Komuna e Lipjanit organizon koncert festiv për 11-Vjetorin e Pavarësisë. (Qendra e Kulturës “Tahir Sinani”, Lipjan, ora 15:00)

- Ansambli Kombëtar i Këngëve dhe Valleve “Shota” mban koncert festiv për Pavarësi. (Sheshi “Zahir Pajaziti”, Prishtinë, 18:00)

- Për 11-vjetorin e Pavarësisë së Kosovës bëhet ndezja e organizuar e fishekzjarrëve. (Sheshi “Zahir Pajaziti”, Prishtinë, ora 18:30)

- Me rastin e 11-vjetorit të Pavarësisë së Kosovës organizohet pritja shtetërore nën përkujdesjen kryeministrit Ramush Haradinaj. (Hotel “Venus”, magjistralja Prishtinë-Ferizaj, ora 19:30)

- Mbahet koncerti festiv për nder të 11-vjetorit të Pavarësisë së Kosovës. (Sheshi “Zahir Pajaziti”, Prishtinë, ora 20:00)