18 Janar 2021

Zyra e Sllovakisë mbështetë Qendrën e gruas “Liria” në Gjilan

Gjilan, 9 shtator – Kryetari i Komunës së Gjilanit, Lutfi Haziri, ka pritur sot në takim pune shefin e Zyrës së Republikës së Sllovakisë në Prishtinë, Rastislav Kostilnik, me të cilin kanë bashkëbiseduar për bashkëpunimin në disa fusha gjatë kohës së pandemisë dhe përballjes me virusin Covid-19, e veçanërisht në mbështetjen e Qendrës së gruas e cila përkujdesjet për gratë e përfshira në dhunë në familje.

Kryetari i Komunës, Lutfi Haziri, e ka falënderuar për vizitën dhe bashkëpunimin e vazhdueshëm në funksion të mbështetjes për Qendrën “Liria”, e cila përkujdeset për gratë dhe fëmijët të cilët janë të përfshirë në dhunën në familje dhe për bashkëpunimin edhe në shumë fusha në të kaluarën.

Haziri mes tjerash ka thënë se vizita në Komunën e Gjilanit dhe në qendrën “Liria”, është në funksion të mbështetjes së Komunës edhe në këtë kohë pandemie për këtë kategori të shoqërisë.

Ndërsa në fjalën e tij shefi i Zyrës së Sllovakisë në Prishtinë, Rastislav Kostilnik, ka thënë se sot në Gjilan është për të ofruar mbështetje për Qendrën e Gruas “Liria”, kryesisht në mjete mbrojtëse, si maska, doreza dhe dezinfektues për të qenë të përgatitur edhe më shumë në përballjen me pandeminë globale Covid-19.

Ai ka konfirmuar poashtu që bashkëpunimi do të jetë i vazhdueshëm dhe miqësor me projekte të ndryshme në interest ë shoqërisë dhe kategorive të ndryshme që kemi.

​

 

Kalendari

Ngjarjet e datës 18 Dhjetor 2020

- Ministria e Punëve të Brendshme bën përurimin e aneks-objektit të Agjencisë së Kosovës për Forenzikë. (Objekti i Agjencisë, që gjendet afër ish-fabrikës së amortizatorëve, ora 9:30)

- Mbahet seanca gjyqesore ndaj te pandehures Mimoza Pajaziti. (Gjykata Themelore në Ferizaj, Salla nr.II, ora 9:30)

- Me rastin e fillimit të gjysëmvjetorit të dytë të vitit shkollor kryetari i Komunës së Prizrenit, Mytaher Haskuka dhe drejtoresha e Drejtorisë Komunale të Arsimit, Xhemile Thaçi Vezgishi, do të vizitojnë shkollën fillore "Lekë Dukagjini" dhe Gjimnazin "Remzi Ademaj", ora 10:00. (Nisja e organizuar nga Shtëpia e Bardhë, ora 9:40)

- Këshilli Prokurorial i Kosovës mban takimin e 193-të në të cilin pritet të votohet për Kryesuesin dhe Zëvendëskryesuesin e ri të Këshillit Prokurorial të Kosovës. (Online, ora 10:00)

- Mbahet seanca gjyqesore ndaj te pandehurit Emin Stublla për vrasje në tentativë. (Gjykata Themelore në Ferizaj, Salla nr.II, ora 10:00)

- Ministri në detyrë i Drejtësisë, Selim Selimi do të mbajë konferencë për media. (Holli i Ministrisë së Drejtësisë, ora 11:00)

- Ministrja e Kulturës, Rinisë dhe Sportit, Vlora Dumoshi do të ndajë çmimin vjetor “Anton Çetta”. (Ambientet e Bibliotekës Kombëtare të Kosovës, ora 11:00)

- Kryeministri në detyrë, Avdullah Hoti, merr pjesë në Inaugurimin e shkollës “Dëshmorët e kombit” në fshatin Dobresh të Komunës së Vitisë. (Dobresh, Komuna e Vitisë, ora 14:00)

- Aleanca për Ardhmërinë e Kosovës, prezenton Programin Zgjedhor 2021-2025. (Biblioteka Kombëtare, ora 15:00)