20 Shkurt 2019

Uran Ismajli, ministër i 'facebook' që manipulon dhe abuzon me paranë publike

Prishtinë, 11 shkurt - Deputetët e Lidhjes Demokratike te Kosovës, Haxhi Avdyli dhe Naser Rugova, përmes një konference për media kanë kritikuar ministrin e Shëndetësisë, Uran Ismailin për gjendjen në sektorin shëndetësor në vend.

Deputeti Haxhi Avdyli tha se, viti që kaloi ishte pa ndonjë reformë substanciale në shëndetësi.

“Në agjendën legjislative për vitin 2019 është i përfshirë vetëm Ligji për Shëndetësi, por jo edhe ai për sigurime shëndetësore."

"Ministri i Shëndetësisë del dhe manipulon për shumë projekte të cilat kanë nisur kohë më parë. Nuk kemi projekt të mirëfilltë për spitalin e Prishtinës dhe kemi ngecje edhe nëpër spitale të tjera”, tha deputeti Avdyli.

Ai kritikoi edhe Ligjin për Pagat, duke shtuar për shkak të pabarazisë, ai ka shkaktuar pakënaqësi edhe te punëtorët shëndetësor.

Ndërkaq, deputeti tjetër i këtij subjekti, Naser Rugova deklaroi se sistemi shëndetësor i Kosovës është në kolaps.

“Manipulimet e opinionit nga ky ministër i Facebook-ut, abuzimet me paranë publike dhe tendenca që projektet e filluar 2 e 3 vite më parë, t’ia adresojë vetvetes janë si pasojë e mossuksesit dhe mungesës së vizionit që pacientëve tu ofrojnë shërbime cilësore”, tha deputeti.

Rugova ka kërkuar nga ministri Ismaili që ta lërë Facebook-un dhe “selfiet me pacientë” dhe të punojë.

Kalendari

Ngjarjet e datës 20 shkurt 2019 - Instituti Kërkimor për Çështje Evropiane dhe të Zhvillimit organizon konferencën 'Zëri i Popullit rreth 'Finales së Madhe' ndërmjet Kosovës dhe Serbise'. (Swiss Diamond Hotel, ora 9:30)

- Presidenti i Republikës së Kosovës, Hashim Thaçi, do të marrë pjesë në konferencën e organizuar nga Instituti Kërkimor për Çështje Evropiane dhe të Zhvillimit me temën “Zëri i Popullit rreth ‘Finales së Madhe’ ndërmjet Kosovës dhe Serbisë”. (Hoteli Swiss Diamond, ora 9:30)

- Kryeshefja ekzekutive e Inspektoratit Policor të Kosovës raporton para Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës lidhur me dyshimin për keqpërdorim të detyrës zyrtare nga ana e zyrtarit policor si dhe për raportin vjetor të vitit 2018. (Ndërtesa e Kuvendit, salla N 302, ora 10:00)

- Forumi i Gruas së Lidhje Demokratike të Kosovës organizon tryezë diskutimi me temën “Ligji (s) na mbron”. (Hotel Sirius, ora 10:00)

- Punëtorët teknik të kompanisë “Beni”  që kryejnë shërbime në Konviketet e Qendrës Studentore të Prishtinës do të protestojnë për kthimin nën menaxhimin e Qendrës Studentore (Para drejtorisë së Qendrës Studentore, ora 11:00)   .

- Komuna e Prishtinës mban konferencë për media. (Objekti i vjetër të Komunës, ora 11:00)

nën organizimin e Grupit të Grave Deputete, mbahet tryeza “Institucionet dhe mekanizmat ekzistues në përgjigje të dhunës në familje”. (Ndërtesa e Kuvendit, salla N 30, ora 11:00)

- Me rastin e ndarjes nga jeta të gazetarit Hivzi Krasniqi, Radio Kosova mban Tubim Përkujtimor. (Kino ABC, ora 12:00)

- Presidenti Thaçi do të marrë pjesë në ngjarjen "Women in Energy Scholarship Program", organizuar nga MCC. (Salla e Kuqe, Pallati i Rinisë dhe Sportit, ora 13:00)

- Kryeministri Ramush Haradinaj merr pjesë në manifestimin e 30-vjetorit të Grevave të Minatorëve. (Miniera Stan Tërg në Mitrovicë, ora 14:00)

- Lëvizja mban konferencë për media. (Zyret qendrore të Vetëvendosjes, ora 14:00)