25 Shtator 2018

Shoqata Nënë Tereza nga Gjermania ndihmon Spitalin e Pediatrisë në Mitrovicë

Prishtinë, 30 mars - Zëvendësministri i Shëndetësisë Rrustem Musa priti në takim Kryetarin e Shoqatës Nëna Terezë” në Gjermani Shaqir Gashi.

Qëllimi i takimit ishte për t’u informuar për punët e kryera për ndërtimin e Spitalit të Pediatrisë të cilin është duke e financuar kjo shoqatë.

Zotëri Gashi shprehi brengen për pjesën të cilën shoqata “Nëna Terezë” nuk ka mundësi të ndihmoj, andaj nevojitet  që të përkrahet nga Ministria e Shëndetësisë.

Zëvendësministri Musa në anën tjetër shprehi gatishmëri që me rishikimin e buxhetit të ndaj mjete të nevojshme që sa më shpejt të hapet ky spital aq i nevojshëm për fëmijët e Rajonit të Mitrovicës, të cilët që nga dëbimi i mjekëve shqiptarë në periudhën e viteve 90-ta, fëmijët për trajtim janë dërguar në QKUK.

Njëherit Zëvendësministri Musa, falënderoj  kryetarin Gashi si dhe Shoqatën Humanitare “Nëna Terezë” në Gjermani, në emër të Ministrisë, për vullnetin, gatishmërinë si dhe ndihmën që kjo shoqatë është duke i ofruar fëmijëve të Rajonit të Mitrovicës dhe Shëndetësisë së Kosovës në Përgjithësi.

Shaqir Gashi po ashtu falënderoj Zëvendësministrin për mikpritje, ku u zotua që edhe në të ardhmen të bashkëpunoj me Ministrinë e Shëndetësisë dhe ta ndihmojë shëndetësinë e Kosovës edhe më tej në projekte tjera shëndetësore.

Kalendari

Ngjarjet e datës 25 shtator 2018

- Instituti Demokraci për Zhvillim me mbështetje të Departamentit Federal të Punëve të Jashtme të Zvicrës dhe Ambasadës Zvicerane në Kosovë organizon diskutimin mbi temën “Reforma zgjedhore e papërfunduar: Çfarë më tutje?”. (Swiss Diamond Hotel, ora 10:00)

- Ministri i Kulturës, Rinisë dhe Sportit, Kujtim Gashi pret në takim Presidentin e Federatës Evropiane të Sportit Universitar, Adam Roczek. (Kabineti i ministrit, ora 9:45)

- Mbahet mbledhja e Komisionit për Mbikëqyrjen e Financave Publike në të cilën do të diskutohet për auditimin e raporteve fiannciare dhe atyre të deklarimit financiar të subjekteve politike. (Ndërtesa e Kuvendit, salla N 302, ora 11:00)

- Shoqata "Pema Kovrage" në bashkëpunim me Ministrinë e Bujqësisë dhe Kuvendit Komunal të Istogut organizon ditën tradicionale të vjeljes së mollës. (Fshati Kovrage në Istog, ora 11:00)

- Mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrtimi i Projektligjit për ratifikimin që themelon Komunitetin e Transportit dhe Shqyrtimi i raportit për Projektligjin për Efiçiencë të energjisë. (Ndërtesa e Kuvendit, salla N 303, ora 11:00)

- Ministri i Drejtësisë, Abelard Tahiri, së bashku me kryesuesin e Këshillit Gjyqësor të Kosovës, Nehat Idrizi, kryesuesin e Këshillit Prokurorial të Kosovës, Blerim Isufaj mbajnë një konferencë për media në të cilën do të prezantojnë planin e përbashkët  “Drejtësia 2020”. (Ndërtesa e Qeverisë, ora 11:30)

- Me rastin e lansimit të sistemit bashkëpunues për menaxhimin e performancës, "Drejtësia 2020",  i dezajnuar për të përmirësuar funksionimin e institucioneve të drejtësisë përmes zgjidhjes strategjike të problemeve, Ambasadori Delawie do tu drejtohet të pranishmëve. (Ndërtesa e Qeverisë, ora 11:30)

- Kryetari i Odës Ekonomike të Kosovës, Berat Rukiqi viziton qendrën tregtare Albi Mall. (Qendra tregtare Albi Mall në Veternik, ora 11:30)

- Mbahet mbledhja e Komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të behët shqyrtimi shqyrtimi i Projektligjit për Mbrojtjen e Ajrit nga Ndotja. (Ndërtesa e Kuvendit, salla N 302, ora 13:00)  

- Me rastin e premierës së koreodramës “KUMT”, të autorit, Gjergj Prevazi, Ansambli Kombëtar i Këngëve dhe Valleve ‘Shota’ mbanë konferencën për media. (Foajeu i Teatrit Kombëtar të Kosovës, ora 14:00)

- Komuna e Klinës do të filloj punimet për  ndërtimin e urës në lagjen Mustafaj të fshatit Ujmirë të Komunës së Klinës. (Fshati Ujmirë, ora 14:00)

- Kryetari i Komunës së Gjilanit, Lutfi Haziri, takohet me zv.ministrin e Ministrisë së Punëve të Jashtme të Republikës së Kosovës, Besnik Hoti. (Zyra e Kryetarit, ora 14:00)

- Me rastin e përvjetorit të 10-të themelimit të Odës Tregrare Kosovaro Turke mbahet kokteji. (Hotelin Swiss Diamond, ora 18:00)

- Shfaqet prova gjenerale e premierës së koreodramës “KUMT”, të autorit, Gjergj Prevaz e cila i kushtohet heroit tonë kombëtar Gejrgj Kastrioti-Skënderbeu. Teatrit Kombëtar të Kosovës, ora 20:00)