21 Maj 2019

Shërbimi i vizitave shtëpiake në Gjilan mbështetet nga MSH

Gjilan, 4 tetor – Organizuar nga Komuna e Gjilanit, respektivisht Qendra Kryesore e Mjekësisë Familjare, UNICEF dhe Ministria e Shëndetësisë, sot në Gjilan është mbajtur takimi i përbashkët me pjesëmarrje të infermierëve nga 14 komuna të Kosovës.

Temë e këtij takimi ishte nevoja e domosdoshme e vazhdimit të këtij programi, rritja e shërbimeve dhe njëkhoësisht është bërë edhe shkëmbim i përvojave mes infermierëve nga komuna të ndryshme pjesëmarrëse.

Në fjalën e tij ministri i Shëndetësisë, Uran Ismaili, ka ofruar mbështetjen e ministrisë që ai drejton por edhe të qeverisë së Kosovës, për të mbajtur në funksionalitet me kapacitete të plota këtë shërbim që është me një vlerë të jashtzakonshme për shëndetin e nënave shtatëzëna dhe foshnjave.

“Ministria e Shëndetësisë në politikën e saj ka një përkushtim shumë të madh për shëndetin dhe përkujdesjen për nënat dhe fëmijët. Ky program që është duke u zbatuar nga infermierët në komuna të ndryshme është i domosdoshëm për një shëndet të kontrolluar të nënave dhe fëmijëve. Shërbimi i vizitave shtëpiake ka një rëndësi të madhe dhe për këtë së bashku edhe me UNICEF-in, por edhe me kryetarët e Komunave do ta zhvillojmë edhe më tutje, sepse interesi i përbashkët është shëndeti për nënat dhe foshnjat”, ka thënë ndër të tjerash, Ismaili.

Kurse, kryesuesja e Kuvendit të Komunës, Shpresa Kurteshi-Emini, ka ofruar bashkëpunimin e plotë të institucioneve lokale për avancimin e këtij shërbimi, sepse siç ka potencuar ajo, vullneti politik është në kuadër të mbështetjes së shëndetësisë primare, dhe gjithashtu edhe përkushtimi i infermierisë në Gjilan është maksimal.

“Kryetari Haziri me një përkushtim të veçantë është i angazhuar që ky shërbim të jetë në nivelin më të lartë, sepse përmes tij ndihmohen direkt nënat shtatzëna dhe fëmijët e porsalindur. Shërbimi i vizitave shtëpiake është një zgjidhje adekuate, ngase përpos mbështetjes shëndetësore, është bërë edhe edukimi i nënave lidhur me veprimet më të mira që duhet të ndërmarrin për fëmijët e tyre. Për këtë institucionet lokale me mundësitë buxhetore që kanë dhe në bashkëpunim edhe me institucionet tjera dhe donatorët, do të punojnë për një shëndet dhe përkujdesje më të mirë për pacientët”, ka thënë ajo në fjalën e saj.

E nga ana e tij përfaqësuesi i UNICEF-it, Agron Gashi, ka thënë se është një krenari e madhe kur takohemi me pacientët të cilët kanë qenë të vizituar nga ekipi i infermierëve.

“Ditë më parë kishim një vizitë rutinë në disa familje në komunën e Gjilanit. Është një krenari që kur jemi takuar me pacientet ata kanë një siguri, një besim të madh dhe një shpresë te ekipi i infermiereve”, ka thënë Gashi, duke potencuar se bashkëpunimi dhe mbështetja do të jetë e vazhdueshme.

Kurse, drejtori i QKMF-së, Fejzulla Berisha, ka potencuar vendosmërinë për angazhimin e këtij program, falë edhe mbështetjes së madhe nga ana e kryetarit Haziri.

“Ka qenë zotim i kryetarit Haziri që të implemetohet ky program i rëndësishëm për kujdesin ndaj nënës dhe foshnjeve. Prandaj, nga niveli i shëndetësisë primare ne kemi krijuar ekipin e infermierëve dhe mjekëve që merren me këtë shërbim. Është e nevojshme mbështetja e Ministrisë së Shëndetësisë dhe ky shërbim mund edhe të zgjerohet sipas nevojës”, ka potencuar ai.
 
 

Kalendari

Ngjarjet e datës 21 maj 2019 - Komisioni Qendror i Zgjedhjeve mban mbledhjen e radhës. (Selia e KQZ-së, ora 9:00)

- Komiteti për Politik dhe Financa i Komunës së Rahovecit mban mbledhjen e pestë të rregullt në të cilen shqyrton Qarkoren e parë buxhetore të Ministrisë së Financave. (Salla e mbledhjeve të Kuvendit të Komunës së Rahovecit, ora 10:00)

- Ministri i Punës dhe Mirëqenies Sociale, Skender Reqica dhe Avokati i Popullit raportojnë para komisionit për të Drejtat e Njeriut, Barazi Gjinore, për Persona të Pagjetur dhe Peticione lidhur me çështjen e statusit të personave të plagosur në Kosovë, para periudhës së luftës. (Ndërtesa e Kuvendit, salla N 302, ora 10:00)

- Forumi Ekonomik Mbarëkombëtar, në mbështetje të Klubit të Prodhuesve të Kosovës, Dhomës së Tregtisë dhe Industrisë në Tiranë, Odës Ekonomike të Kosovës dhe Bashkimit të Prodhuesve Shqiptarë organizon konferencën “Mundësitë dhe sfidat e marrëdhënieve tregtare Kosovë- Shqipëri”, konferencë kjo e cila do të adresojë problemet dhe barrierat tregtare që prodhuesit e dy të dy vendeve janë duke i hasur. (Hotel Tirana International në Tiranë, ora 10:30)

- “Let’s Do It” organizon aksion për pastrimin e deponisë më të madhe në Rajonin e Pejës, në fshatin Dydesh. (Fshati Dydesh, ora 10:30)

-  Projekti “Mbështetja e Komunikimit të Procesit të Integrimit Evropian”, I financuar nga Zyra e Bashkimit Evropian në Kosovë, në bashkëpunim me Ministrinë e Integrimit Evropian, organizon panel diskutimime temën: Prodhimi vendor dhe tregu i BE-së. (Ndërtesa e Kuvendit Komunal të Kamenicës, ora 10:30)

- Mbahet seancë e veçantë e Kuvendit të Republikës së Kosovës në të cilën do të përkujtohet 20 vjetori i Masakrës në Burgun e Dubravës. (Kuvendi i Kosovës, ora 11:00)

- Ministri i Mjedisit dhe Planifikimit Hapësinor, Fatmir Matoshi do të pres në takim kryetarët e komunave: Prizren, Podujevë, Shtërpc, Obiliq dhe Novobërdë, me të cilët do të nënshkruajë Memorandume të Bashkëpunimit për realizimin e disa projekteve mjedisore të cilat financohen nga Ministria e Mjedisit dhe Planifikimit Hapësinor. (Kabineti i Ministrit Matoshi, ish objekti Rilindja, kati 17, ora 11:00)

- Kryetari i komunës së Istogut, Haki Rugova pret në takim zëvendës ambasadorin bullgar në Kosovë ku do të bëje nënshkrimin e një marrëveshjeje për financimin e një projekti në qerdhën “Gëzimi Ynë” në Istog. (Zyra e krytarit Rugova, ora 11:30)

- Mbahet mbledhja e komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të votohet vendimi i Qeverisë me të cilin autorizohet Komisioni Qeveritar për Privatizimin e Ndërmarrjes Publike "Telekomi i Kosovës". (Ndërtesa e Kuvendit, salla N 10, ora 12:00)

- Universiteti “Kadri Zeka” në Gjilan organizon promovimin e katër librave të profesorëve  të Fakultetit të Edukimit ne UKZ: “Poetika e këngës epike historike”  autore Nevrije Bislimi-Ismaili, “As engjëlli, as djall” autor  Merxhan Avdyli, “Kurrikula dhe të menduarit kritik” autor Mensur Neziri dhe libri “Kërkime në leksikun e Pjetër Bogdanit” i autorit Faton Krasniqi. (Salla A34 në Universitetin “Kadri Zeka” në Gjilan, ora 12:00)

- Mbahet mbledhja e komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të shqyrtohet raportit vjetor i Komisionit Qëndror të Zgjedhjeve për vitin 2018, etj. (Ndërtesa e Kuvendit, salla C 203, ora 13:00)

- Kryetari i Komunës së Prizrenit Mytaher Haskuka do të bëjë përurimin e parkut dhe këndit të lojërave për fëmijë. (Prapa Shtëpisë së Bardhë në Prizren, ora 13:00) 

- Mbahet mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të shqyrtohet Projektligjit për mbrojtjen e ajrit nga ndotja. (Ndërtesa e Kuvendit, salla N 303, ora 13:00)

- Ministri i Infrastrukturës dhe Transportit Pal Lekaj merrë pjesë në përurimin e urës së fshatit Topanicë, komuna e Kamenicës. (Fshati Topanicë, rruga Crep - Kamenicë, kilometri i parë, ora 15:00)

- Mbahet Akademi përkujtimore në nderim të 20 vjetorit të rënies së dëshmorëve Kemal Thaqi e Ekrem Gudaqi dhe martirëve të rënë më 21 maj të vitit 1999, Hanife Jaha, Selvije Krivanjeva, Hanife Gudaqi, Ramush Jaha, Baki Bela, Ibush Rrushi, Ramadan Dashi, Fahri Mani, Bahrije Elezi, Sevdije Guri, Hamdi Dashi, Brahim Dashi dhe Fitim Gudaqi. (Shtëpia e Kulturës “Xheladin Kurtaj” në Kaçanik 16:00)