31 Mars 2020

Shënohet viktima e katërt nga koronavirusi në Serbi

Beograd, 25 mars - Sipas të dhënave të fundit, në Serbi 303 persona janë të prekur nga koronavirusi, në mesin e të cilëve edhe dy foshnje.

Ministri i Shëndetësisë së Serbisë, Zlatibor Lonçar, sot deklaroi se viktima e katërt e koronavirusit në vend është një grua 60-vjeçare nga Nishi, e cila me vite vuante nga çrregullimi diabetik.

Lonçar gjatë një prononcimi për Radio Televizionin e Serbisë (RTS) tha se ajo ka qenë në respirator që nga 21 marsi dhe se kishte një formë të rëndë të sëmundjes dhe se mjekët kishin luftuar për jetën e saj deri në minutën e fundit.

Ministri përsëriti thirrjen e tij për qytetarët që të përmbahen nga kontaktet, të qëndrojnë në shtëpitë e tyre dhe të dëgjojnë këshillat e ekspertëve.

Deri dje, në respirator ishin 21 persona, kryesisht pacientë në gjendje të rëndë dhe nuk pati ndonjë ndryshim domethënës deri sot në mëngjes, tha Lonçar.

Sipas të dhënave më të fundit, 303 persona janë të infektuar me koronavirus në Serbi, përfshirë dy foshnje.

Gjithsej 54 persona të infektuar u regjistruan dje ndërsa 152 persona të infektuar nga virusi u shtruan në spital.

Deri më tani, 15 persona janë shëruar nga koronavirusi, përfshirë një vajzë me diabet.

Kalendari

Ngjarjet e datës 30 mars 2020

- Oda Ekonomike e Kosovës do të mbajë konferencë për media lidhur me propozimin për mbështetjen e sektorit privat pas përhapjes së pandemisë COVID-19. (Objekti i Odës Ekonomike të Kosovës, ora 10:00)

- Komuna e Rahovecit mban mbledhjen e rregullt të Kuvendit Komunal. (Salla e mbledhjeve të Kuvendit Komunal, Rahovecit, ora 10:00)

- Aleanca Kosovare e Bizneseve mban konferencën për media me temë "AKB reagon ndaj Propozimit të Pakos së Qeverisë për mbështetjen e bizneseve". (Zyret e AKB-ës, ora 12:00)

 

- Kryetari i Komunës së Prizrenit, Mytaher Haskuka, drejtori i Drejtorisë së Shëndetësisë dhe njëkohësisht koordinator i shtabit emergjent, Visar Shehu, dhe drejtori i Drejtorisë së Administratës, Osman Hajdari mbajn konferencë për media lidhur me masat e ndërmarra nga Komuna e Prizrenit kundër pandemisë COVID-19. (Shtëpinë e Bardhë ora 14:00)

 

- Nataliya Apostolova, Shefja e Zyrës së BE-së në Kosovë në prani të Kryeministrit në detyrë, Albin Kurti dhe Ministrit në detyrë të Shëndetësisë, Arben Vitia do të nënshkruajë sot një kontratë me vlerë 5 milionë euro për nevoja të menjëhershme të Kosovës për luftimin e pandemisë COVID-19. (Ceremonia e sotshme e nënshkrimit do të transmetohet drejtpërdrejt në Facebook përmes faqes së BE-së në Kosovë @EuropeanUnionInKosovo, ora 17:00)