Prishtinë, 19 prill - Qendra Klinike Universitare e Kosovës (QKUK), ka pezulluar Vendimin e Mirëkuptimit me Doganat e Kosovës.

Ushtruesi i Detyrës së Drejtorit Ekzekutiv,Dr Lulzim Emini, sot, ka marrë Vendim për pezullim këtij Vendimi, bazuar në nenin 16 të Statutit të QKUK-së.

Ish- Drejtori Ekzekutiv, Ali Sadriu dhe Naim Huruglica, Drejtor i Doganave të Kosovës, më datën 29.03.2010, patën nënshkruar këtë Memorandum, qëllimi i së cilit ishte humanitar dhe përmes së cilit mundësohej që produktet medicinale të konfiskuara nga Doganat e Kosovës, të viheshin në ndihmë për pacientë e shtrirë në QKUK. Për pezullimin e këtij Memorandumi janë pajtuar të dy palët.