12 Prill 2021

QKUK: Përforcohen shërbimet në Institutin e Anatomisë Patologjike

Prishtinë, 19 janar - Qendra Klinike Universitare e Kosovës (QKUK), ka ndërmarrë hapa konkret për përmirësimin e shërbimeve shëndetësore në Institutin e Anatomisë Patologjike. 

Shpend Fazliu zëdhënës i QKUK-se ka thënë se Drejtoria e Ekzekutive, ka ndërmarrë masa, duke sjellë përforcime  në kuadro në këtë Institut, në mënyrë që të shkurtohet në masë të madhe pritjet për analizat e biopsisë dhe të avancohet puna  në Institutin e Imunohistokimisë.

\"Në Institutin e Patologjisë, QKUK ka angazhuar Mr.sci.dr Fisnik Kurshumliu, specialist i Anatomisë Patologjike dhe asistent në Fakultetin e Mjekësisë në Universitetin e Prishtinës\", ka thënë Fazliu.

Dr Kurshumliu, sipas tij është angazhuar për ngritjen e cilësisë së punës në Institutin e Histopatologjisë, meqë ka përfunduar disa trajnime jashtë vendi dhe ka përvojë në laboratorët ndërkombëtarë.

\"Me angazhimin e tij, do të shtohet cilësia e punës sa i përket imunohistokimisë si teknikë e nevojshme për diagnostikimin histopatologjik.\"

Ai ka qenë pjesëmarrës i shumë konferencave ndërkombëtare dhe ka kryer trajnime në shumë vende të botës, si në Austri, Danimarkë, Greqi dhe vende të tjera.

QKUK, do të vazhdojë të kërkojë kuadro të reja, në mënyrë që të shtohet kualiteti i shërbimeve shëndetësore për pacientët që kanë nevojë për trajtim mjekësor.

Kalendari

Ngjarjet e datës 12 Prill 2021

- Agjencia Shtetërore e Arkivave e Kosovës hap Ekspozitën “Vullkani” i Republikës, për nder të 40 Vjetorit të demonstratave të Viti 1981, dhe Ekspozitën “70 Vjet Arkiv”. (Sheshi “Zahir Pajaziti”, ora 10:00)

- Myftiu Naim Tërnava do të japë mesazhin me rastin e fillimit të muajit të bekuar të Ramazanit. (Selia e Kryesisë së BIRK-ut, ora 11:00)

- Partia Demokratike e Kosovës mban konferencë për media, në oborrin e Kuvendit të Kosovës, hyrja nga sheshi qendror. (Oborri i Kuvendit të Kosovës, hyrja nga sheshi, ora 11:30)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Turizmit dhe Zhvillimit Ekonomik, Sevil Limani-Kazaz, do të bëjnë lansimin e projektit “View Point”. (Afërsi të fshatit Jabllanicë, ora 12:00)