15 Dhjetor 2018

Protokollet mjekësore hap drejt ngritjes së cilësisë në shëndetësi

Prishtinë, 22 dhjetor - Klinika Obstetrike Gjinekologjike e Qendrës Klinike Universitare të Kosovës (QKUK) nga sot është bërë me udhërrëfyes  klinik nacional në Kosovë, të aprovuar edhe nga ana e Ministrisë së Shëndetësisë.

Me rastin e dorëzimit të protokolleve të para  mjekësore të miratuar nga ana e Ministrisë së Shëndetësisë,   e që do të përdoren në Klinikën Obstetrike Gjinekologjike, Z. Uran Ismaili, Ministër i Shëndetësisë i Republikës së Kosovës,  tha se nevoja për protokolle  klinike mjekësore,  është njëra nga çështje prioritare në shëndetësi,  andaj Ministria ka përcaktuar bazën ligjore për të  zhvilluar këto protokolle.

Ministri Ismaili, mes tjerash tha se përmes këtyre protokolleve  po bëhet punë e mirë në drejtim të përmirësimit  të  shëndetit të  nënës dhe  fëmijëve.  Sipas tij,  ky është vetëm hapi i parë  dhe jo i fundit në këtë drejtim, duke shtuar se përmes  protokolleve klinike do të ngritët cilësia në shëndetësi.

Ai premtoj përkrahje të vazhdueshme për  profesionistët shëndetësorë  me qëllim të ngritjes së cilësisë dhe përmirësimit të shërbimeve shëndetësore.

Në anën tjetër, Prof.dr. Sueda Hoxha,  tha se është lajm mirë se  protokollet mjekësore janë mundësi e mirë për të shtuar cilësinë.

Sipas saj, janë tre protokolle, e para ka të bënë me skriningun e  kancerit të qafës së mitrës,  ku përmes tyre do të mundësohet që kjo të diagnostikohet sa më herët tek gratë dhe nënat tona, të cilat në shumë raste  lajmërohen në stade të larta.

Me rëndësi të veçantë  është edhe  protokolli për hemorragji pas lindjes,  e poashtu edhe  protokolli mjekësore për hipertension tek gratë shtatzëna.

Kalendari

Ngjarjet e datës 15 dhjetor 2018 - Mbahet mbledhja e Kryesisë së Kuvendit në të cilën do të shqyrtohet kërkesa e 42 deputetëve për mbajtjen e seancës së jashtëzakonshme për miratimin e Projekt-rezolutës mbi procesin e dialogut për normalizimin e marrëdhënieve në mes të Republikës së Kosovës dhe Republikës së Serbisë. (Ndërtesa e Kuvendit, salla  C-301, ora 10:00)

- Rrjeti i Grave të Kosovës organizon Kuvendin Vjetor të 16-të të Anëtareve. (Hotel Sirius, ora 10:30)

- Presidenti i Republikës së Kosovës, Hashim Thaçi, bën homazhe tek shtatorja e Heroit të Kosovës, Zahir Pajaziti. (Shtatorja e Zahir Pajazitit në Prishtinë, ora 11:00)

- Gjimnazi "Hasan Nahi", organizon testin fazës së parë te garës e inteligjencës "Eureka". (Gjimnazi "Hasan Nahi", ora 11:00)

- Autostrada Biennale organzon konferencën vjetore “Revolucioni Jemi Ne - La Rivoluzione Siamo Noi” në të cilën prezanton "Autostraden Bienaleve: Libri i Përbashkët". (Muzeu Arkeologjik në Prizren, ora 11:00)

- Presidenti i Republikës së Kosovës, Hashim Thaçi, bën homazhe tek tek varri i ish-presidentit Ibrahim Rugova, dhe tek varri i veprimtarit të shquar të çështjes kombëtare Adem Demaçi. (Velani, ora 11:15)

- Fëmijët e lagjeve për rreth Parkut së bashku me prindërit e tyre shoqërues do të organizojnë protestën kunder degradimit të Parkut! (Tek anfiteatri në Parkë, ora 12:00)

- Presidenti i Republikës së Kosovës, Hashim Thaçi, bën homazhe tek varrezat e familjes Jashari në Prekaz. (Prekaz, ora 12:00)

- Ambasada Gjermane së bashku me Diakonie Kosova në Mitrovicë organizon tregun tradicional të Krishtlindjeve. (Oborri i Diakonie Kosova në Mitrovicë, ora 15:00)