16 Gusht 2018

Prokuroria heton blerjen e barnave deri në 2000 për qind më shtrenjtë se çmimi real

Prishtinë, 30 maj - Një ditë pas publikimi të raportit “Depoja e keqpërdorimeve farmaceutike” dhe shfaqjes se dokumentarit me të njëjtën tematikë, autor i së cilës është instituti “Columbus”, Prokuroria e Shtetit është aktivizuar.

Prokurori i Zyrës së kryeprokurorit të Shtetit, Besim Kelmendi, përmes një email informues drejtuar Institutit “Columbus” ka sqaruar se me iniciativën e tij raporti është dërguar në Prokurorinë Themelore në Prishtinë për hetim të mëtutjeshëm.

“Ju njoftoj se duke u bazuar ne raportin "Depoja e keqpërdorimeve farmaceutike - Blerjet e barnave të listës esenciale shumëfish më shtrenjtë sesa çmimet në treg", të cilin e keni publikuar dje, unë sot, me datë 30.05.2018, e kam dërguar të njëjtin raport në Prokurorinë Themelore në Prishtinë dhe kam kërkuar që të fillohet me grumbullimin e informatave për verifikimin e dyshimeve te ngritura”, thuhet në emailin e prokurorit Kelmendi.

Dje instituti “Columbus” ka prezantuar raportin, përmes të cilit ka faktuar që Ministria e Shëndetësisë ka abuzuar me buxhetin për blerjen e barnave të Listës Esenciale për spitale publike duke i blerë më shtrenjtë sesa çmimet reale nga 100 për qind deri në 2000 mijë për qind. Abuzimi me blerjen e barnave ka vlerë milionëshe dhe ka nisur të bëhet që nga fillimi i vitit 2016.

Instituti “Columbus” mirëpret gatishmërinë e Prokurorisë së Shtetit për të zbardhur dyshimet për keqpërdorimin e blerjeve të barnave të Listës Esenciale dhe pret nga ky institucion hetim të detajuar për këtë rast.

Instituti “Columbus” do të vazhdojë ta monitorojë blerjen e barnave përmes prokurimit publik, dhe veprimet që do të ndërmarrin institucionet e drejtësisë kur bëhet fjalë për dyshimet për keqpërdorime në këtë fushë.

Raporti dhe dokumentari “Depoja e keqpërdorimeve farmaceutike” është përkrahur nga KFOS - Fondacioni Kosovar për Shoqëri të Hapur.

 *Instituti “Columbus” është anëtar i koalicionit për Hapje të të Dhënave dhe Llogaridhënie në Prokurim Publik - Pro Open

Kalendari

Ngjarjet e datës 16 Gusht 2018 - Ministri i Financave Bedri Hamza dhe ambasadori gjerman në Kosovë Christian Heldt nënshkrimit të Marrëveshjes Grant “Shërbime Financiare për Krijimin e Vendeve të Punës në Sektorin e Bujqësisë, Fondi për Garantimin e Kredive III” në vlerë 6.5 milionë euro. (Ministrinë e Financave në ndërtesën e Qeverisë, ora 10:30)

- Kryetari i Odës Ekonomike të Kosovës, Berat Rukiqi takohet me Kryetarin e Dhomës së Tregtisë dhe Industrisë në Tiranë, Nikolin Jaka, për bashkëpunimin ekonomik në mes të Kosovës dhe Shqipërisë. (Objekti i Odës Ekonomike të Kosovës, ora 13:00)

- Kolegjit ISPE mban konferencën e radhës për media ku do të prezantohen fakte të shkeljeve të rënda ligjore  nga Ministri aktual  i MASHT-it dhe Bordi i AKA-së. (Objekti i Kolegjit ISPE, ora 14:00)

- Në kuadër të edicionit të 9-të të Festivalit të filmit të animuar “Anibar”, mbahet panel diskutimi me temën “Sfidimi i stereotipeve gjinore përmes animacionit”.  (Shtëpia e Kulturës në Pejë, ora 17:00)

- Jazz kompozitorja shqiptaro-zvicerane, Elina Duni vjen me performancë në Anibar. (Parku Karagaq në Pejë)