04 Mars 2021

Pranimi i specializantëve të rinj është hapi më i madh që është bërë në shëndetësi

Prishtinë, 22 tetor - Kryeministri i Qeverisë së Republikës së Kosovës, Avdullah Hoti, i shoqëruar nga Ministri i Shëndetësisë, Armend Zemaj, bëri të ditur faktin e përmbylljes së procesit për pranimin e specializantëve të rinj, të cilin e konsideroi si hapin më të madh të bërë në shëndetësi.

Me këtë rast, Kryeministri Hoti, ka falënderuar ministrin Zemaj dhe Bordin Specialistik për punën shumë të rëndësishme që kanë arritur ta përfundojnë në afat rekord.

“Unë jam i nderuar që sot publikisht promovojmë dhe bëjmë të ditur përfundimin e kësaj pune, pra përzgjedhjen e specializimeve, si dhe besoj se është hapi më i madh që është bërë në shëndetësi në 4-5 vitet e fundit për të krijuar kapacitetet e nevojshme në institucionet tona shëndetësore, dhe për të plotësuar standardet që të ofrohen shërbime të nevojshme për qytetarë”, u shpreh Kryeministri Hoti.

Më tej, Kryeministri Hoti tha se krahas kompletimit të bazës ligjore, ristrukturimit të të gjitha institucioneve shëndetësore, po krijohen baza të mira për planifikim dhe zhvillim afatgjatë të sektorit të shëndetësisë, e cila është një punë shumë e madhe krahas një barre të madhe që ka ministri dhe të gjitha institucionet shëndetësore në menaxhimin e pandemisë.

Ministri i Shëndetësisë, Armend Zemaj, tha se Qeveria e Kosovës si një nga prioritet e saj ka pasur zgjidhjen e problemit të specializimeve, diçka që i ka munguar Kosovës për 5 vjet.

“E falënderoi kryeministrin Hoti për mirëkuptimin që ka pasur për mjekët e rinj, duke vendosur që të shtohen edhe 400 mjek në këtë proces të specializimit, që ka çuar numrin në 1500”, theksoi Ministri Zemaj.

 

 

Kalendari

Ngjarjet e datës 4 Mars 2021

 - Guvernatori i BQK-së Femi Mehmeti takohet me përfaqësuesit e bankave. (Ndërtesa e BQK-së, ora 10:00 - mediat mund te marrin pamje)

- Oda e Mjekëve të Kosovës ndan mirënjohje për mjekët në pension dhe për institucionet shëndetësore që kanë kontribuar në luftën kundër Covid-19. (Amfiteatri i Telemjekësisë në QKUK, ora 10:00)

- Komisioni Qendror i Zgjedhjeve shpall rezultatet përfundimtare të zgjedhjeve të parakohshme për Kuvendin e Republikës së Kosovës, të cilat u mbajtën më 14 shkurt 2021. (selia e KQZ-se, ora 11:00) 

- Me rastin e ndarjes nga jeta të Enver Krasniqi, Prokuror i Prokurorisë Speciale të Republikës së Kosovës, sistemi prokurorial organizon mbledhje komemorative. (Amfiteatri i ndërtesës të ish-Rilindjes, ora 11:00)

- Guvernatori i BQK-së Femi Mehmeti takohet me shoqatat e bizneseve. (Ndërtesa e BQK-së, ora 14:00 - mediat mund te marrin pamje)

- Dogana e Kosovës organizon konferencë për shtyp ku do të paraqiten rezultatet e doganës gjatë dy muajt e parë të vitit 2021 dhe luftimi i kontrabandës dhe informalitetit në muajt e fundit. (Drejtoria e doganës në lagjjen Emshir, ora 14:00)   

- Guvernatori i BQK-së Femi Mehmeti mban konferencë për media. (Ndërtesa e BQK-së, ora 15:00)