25 Qershor 2018

Përurohet shërbimi i Rezonancës së gjirit dhe mamografi 2 në QKUK

Prishtinë, 20 tetor - Klinika e Radiologjisë  e Qendrës Klinike Universitare të Kosovës, nga dita e sotme do të ofroj  shërbimin e Rezonancës së gjirit dhe mamografin 2 që do të ofrojnë shërbime gratë kosovare.

Në ceremoninë e përurimit të këtij shërbimi morën pjesë, Ministri i Shëndetësisë i Republikës  së Kosovës z. Uran Ismaili, dr. Basri Sejdiu, Ud. Drejtor  i Përgjithshëm i Shërbimit Spitalor Klinik dhe Universitar të Kosovë, dr. Ibrahim Rudhani, prodekan për shëndetësi  në Fakultetin e Mjekësisë dhe menaxhmeti i klinikës dhe profesionistë shëndetësorë.

Me këtë rast,  drejtoresha e Klinikës së Radiologjisë, dr. Serbeze Kabashi- Muçaj, njoftoi se nga sot,  për herë të parë në institucionet publike shëndetësore  në Kosovë, do të filloj të ofrohet  shërbimi i kompletuar i  diagnostikës së gjirit, përfshirë Rezonancën e gjirit, mamografia,  ultrazëri dhe biopsia e gjirit.

Uran Ismaili,  Ministër i Shëndetësisë i  Republikës së Kosovës,  theksoi se  me përurimin dhe funksionalizimin e kësaj aparature pacientet  nuk do të kenë nevojë të dalin jashtë institucioneve shëndetësore publike, por shërbimin do ta marrin brenda tyre.

Sipas tij, qëllimi  i Ministrisë së Shëndetësisë  është krijimi i kushteve që shërbimet shëndetësore të  ofrohen brenda institucioneve shëndetësore publike dhe pacientët të mos kenë nevojë të shkojnë jashtë vendi. Ministri Ismaili,  mes tjerash  u shpreh se për  këtë ka vullnet dhe gatishmëri dhe po punohet për të ndryshuar gjërat në të mirë të institucioneve  shëndetësore.

Ud. Drejtori i Përgjithshëm i SHSKUK-së,  theksoi se rëndësia e këtij shërbimi rritet edhe më tepër meqë përurimi po bëhet në muajin e luftimit  të kancerit të gjirit, përderisa përmes këtij shërbimi  diagnostikimi do të jetë shumë më i lehtë.

Prof. Ibrahim Rudhani, prodekan për shëndetësi në Fakultetin e Mjekësisë, theksoi se dekanati i Fakultetit të Mjekësisë ka përkrahur dhe do të përkrahë avancimet shkencore të profesionistëve shëndetësorë, e në këtë rast edhe atyre të degëve diagnostike.

Për paisjen  me mamografi të ri janë angazhuar dhe kanë mbështetur edhe gratë deputete të Parlamentit të Kosovës.

 

Kalendari

Ngjarjet e datës 26 Qershor 2018 - Ministria e Drejtësisë, me mbështetjen e Zyrës së Bashkimit Evropian në Kosovë, organizon tryezën e kampanjës informuese ”Kodi Civil modern qëndron për diversitet dhe mundësi”. (Shtëpia e Kulturës në Mitrovicë, ora 10:30)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi mban dëgjim publik lidhur me Projektligjin  për statusin e punëtorëve të arsimit shqip të Republikës së Kosovës nga viti shkollor 1990/91 deri në vitin shkollor 1998/99. (Ndërtesa e Kuvendit, salla N204, ora 11:00)

- Ish punëtorët e ndërmarrjes shoqërore “Ramiz Sadiku” organizojn protestë. (Përpara Prokurorit të Shtetit në rrugën Luan Haradinaj, ora 11:00)

- Mbahet mbledhja e komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrtimi i Projektligjit për rratifikimin e Marrëveshjes ndërmjet Kosovës dhe Bashkimit Evropian mbi pjesëmarrjen e Kosovës në Programin e Unionit "Konkurrenca e Ndërmarrjeve të Vogla dhe të Mesme", etj. (Ndërtesa e Kuvendit, salla N 10, ora 11:00)

- Drejtori i Kadastrit, Sadudin Berisha nga Komuna e Gjilanti mban konferencë të jashtëzakonshme për mediat, për sqaruar dhe faktuar çështjen e pronës së rrethrrotullimit prapa palestrës së sporteve “Bashkim Selishta”. (Këndi i konferencave në Komunën e Gjilanit, ora 11:00)

- Grupi i Grave Deputete të Kuvendit të Republikës së Kosovës do të mbajë takim në Kaçanik, në të cilin do të diskutohet lidhur me shkëmbimin e përvojave në mes nivelit qendror dhe lokal. (Ndërtesa e Komunës së Kaçanikut, ora 11:00)

 - Mbahet mbledhja e komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të behët shqyrtimi Projektligjit për plotesimin dhe ndryshimin e Ligjit për Patentë Shofer, etj. (Ndërtesa e Kuvendit, salla N 225, ora 13:00)

 - Mbahet mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të behët shqyrtimi i Projektligjit për kompleksin memorial Adem jashari në Prekaz, etj. (Ndërtesa e Kuvendit, sallaN 302, ora 13:00)

- Birn dhe Internews Kosova do ta publikojnë Raportin Vjetor të Monitorimit të Gjykatave për vitin 2017. (Ambientet e Objektit A të Pallatit të Drejtësisë, ora 13:30)