02 Korrik 2020

Përurohet renovimi i Repartit të Gjinekologjisë në QKMF në Istog

Istog, 26 qershor - Është bërë sot përurimi i renovimit të Repartit  të Gjinekologjisë në  Qendrën Kryesore të Mjekësisë Familjare ne Istogut, ku pjesë e kësaj ceremonie ishte kryetari i Komunës Haki Rugova, Ambasadori Turk në Kosovë Cagri Sakar si dhe ministri i Shëndetësisë Armend Zemaj.

Me këtë rast kryetari i Komunës Haki Rugova falënderoj shkëlqesinë e tij Ambasadorin Turk në Kosovë Cagri Sakar, ministrin e Shëndetësisë Armend Zemaj, me rastin e përurimit të renovimit të reparit të Gjinekologjisë në QKMF në Istog.

Kryetari Rugova  u shpreh se nuk është hera e parë që shteti Turk ndihmon Kosovën dhe komunën e Istogut, pasi që ka pasur edhe projekte të tjera që janë realizuar në Istogut nga ana e shtetit Turk.

Ai tha se ky është një rast i mirë të vazhdohet edhe për bashkëpunime tjera të mëtutjeshme, që bashkëpunime të tilla nuk kanë munguar asnjëherë. Po ashtu përuroj dhe përgëzoj edhe stafin e QKMF-së duke ju dëshiruar punë të mbarë në funksionimin e kësaj qendre.

Ambasadori turk në Kosovë Cagri Sakar, falënderoj kryetarin Rugova për pritjen dhe u shpreh se kryesia e  këshillit shtetit turk është e interesuar me  sjell projekte të tilla në Istog si kjo sot por  në periudhat e ardhshme edhe Republika e Turqisë së bashku me Tikan do të ketë interesim për realizimin e projekteve të ndryshme në Istogut.

Ndërkaq Ministri Zemaj, përgëzoj për punën dhe angazhimin komunën e Istogut në luftë ndaj pandemisë, duke cilësuar si njëra ndër komunat ma të suksesshme për menaxhimin e kësaj pandemie.

Ai po ashtu tha se Ministria e Shëndetësisë është duke koordinuar  të gjitha donacionet që vijnë nga të gjitha agjensionet të cilat janë investime direkte në përmirësimin e jetës së qytetarëve sidomos në shërbime shëndetësore.

Zemaj falënderoj ambasadorin Sakar, që janë përkujdesur që kjo njësi dhe kjo klinikë e vogël  e domosdoshme të ju shërbej nënave dhe motrave tona në Istog për të kryer shërbime për ruajtën e shëndetit. Ministria dhe ministri do jenë në përkrahje të plotë të këtyre angazhimeve tha ministri Zemaj. 

Renovimi i renovimi i Repartit  të Gjinekologjisë në QKMF në Istog është donacion nga KFORI  Turk – kontingjenti i shërbimeve shëndetësore. Turk në Kosovë në vlerë të  60 mijë eurove.
 

Kalendari

Ngjarjet e datës 2 Korrik 2020 - Mbahet mbledhja e dytë e rregullt për vitin 2020 e Kuvendit të Komunës së Prizrenit. (Salla e Kuvendit të Komunës në Shtëpinë e Bardhë, ora 10:00)

- Inaugurohen zyrat të reja të Bankës Qendrore të Kosovës në të cilen do të merr pjesë edhe kryetari i Prishtinës, Shpend Ahmeti. (Tek ish-zyrat e Komunës së Prishtinës që gjenden mes objektit të BQK-së dhe parkingut nëntokësor tek Hotel Grandi, ora 10:00)

- Nataliya Apostolova, Udhëheqëse e Zyrës së BE-së në Kosovë do t’i dorëzojë Ministrisë së Shëndetësisë 6,000 komplete testimi për COVID-19, 90 shtretër spitalorë, mbi 67,000 maska të frymëmarrjes dhe pajisje të tjera mjekësore në mbështetje të sistemit shëndetësor. (Live stream në facebook.com/EuropeanUnionInKosovo, ora 10:00)

- Ministrja e Kulturës, Rinisë dhe Sportit, Vlora Dumoshi do të vizitojë Komunën e Gjilanit ku do te takohet me kryetarin Lutfi Haziri. (Objekti i Komunës së Gjilanit, ora 10:30)

- Ministrja e Kulturës, Rinisë dhe Sportit, Vlora Dumoshi dhe Kryetari i Komunës se Gjilanit, Lutfi Haziri vizitojnë stadiumin e qytetit në Gjilan si dhe vendosin gur-themelin e stadiumit ndihmës. (Gjilan, ora 11:00)
 
- Instituti i Kosovës për Drejtësi dhe Iniciativa për Progres me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it, do të mbajnë konferencë për media, në të cilën do publikohet raporti i monitorimit dhe hulumtimit në fushën e prokurimit publik: “E drejta për ujë, peng i prokurimit: Analizë e tenderit maratonik për ujësjellës në Komunën e Dragashit”. (Hotel Sirius, ora 11:00)

- Kuvendi i Republikës së Kosovës dhe Qeveria e Mbretërisë së Bashkuar e Britanisë së Madhe dhe Irlandës Veriore, përfaqësuar nga Ambasada Britanike, nënshkruajnë Memorandum Mirëkuptimi për të siguruar emërime profesionale të udhëheqësve të institucioneve dhe organeve publike, nëpërmes proceseve të drejta dhe transparente të rekrutimit. (Holli i Kuvendit të Kosovës​, ora 12:00)

- SKOPI Studentor organizon aksion simbolik për të treguar realitetin e krijuar nga emërimet e fundit të Qeverisë së Republikës së Kosovës në Ministrinë e Arsimit dhe Shkencës. (Para ndërtesës së Ministrisë së Arsimit, ora 12:00)

- Kryeministri Avdullah Hoti merr pjesë në nënshkrimin e Memorandum Bashkëpunimit me Ambasadën Britanike për pozitat e larta drejtuese. (Ndërtesa e Qeverisë, ora 13:00)

- IKD dhe INPO mbajnë konferencë për medie, në të cilën do publikohet raporti i monitorimit dhe hulumtimit në fushën e prokurimit publik “E drejta për ujë, peng i prokurimit”. (Hotel “Sirius”, ora 14:30)

- Me rastin e Ditës Botërore të Gazetarëve të Sportit, Ministrja e Kulturës, Rinisë dhe Sportit, Vlora Dumoshi ka ftuar të gjithë gazetarët e sportit, në takim me për të diskutuar mbarëvatjen e sportit në vendin tonë si dhe sfidat me të cilat ballafaqohet sporti dhe gazetarët sportivë. (Kabineti i Ministres së MKRS-së, ora 15:15)