24 Tetor 2021

Pandemia e koronavirusit të përfundojë në pranverën e vitit 2022

Berlin, 23 shtator - Ministri gjerman i Shëndetësisë, Jens Spahn, tha se pret që pandemia e koronavirusit të përfundojë në pranverën e vitit 2022.

Spahn, në një deklaratë për gazetën Augsburger Allgemeine, deklaroi se në pranverën e vitit 2022, do të arrihet imuniteti i tufës.

Spahn tha se pas kësaj periudhe, jeta mund të kthehet në normalitet. “Nëse nuk shfaqet ndonjë variant i ri i virusit për të cilin vaksina nuk është efektive, gjë që nuk ka gjasa, atëherë ne do ta kemi kapërcyer pandeminë në pranverë dhe do të jemi në gjendje për t’u kthyer në normalitet”, u shpreh ai.

“Pyetja këtu është nëse kjo do të arrihet përmes vaksinimit apo infeksionit? Vaksinimi është padyshim mënyra më e sigurt për të arritur atje”, shtoi Spahn. Ai po ashtu theksoi se rreziku i transmetimit të virusit do të rritet në muajt e vjeshtës dhe të dimrit, kur njerëzit janë kryesisht brenda.

“Është shumë herët për të hequr masat kundër COVID-19. Nëse nuk do të kishim masa mbrojtëse, do të kishte ngarkesë për shërbimet e kujdesit intensiv për shkak të numrit të lartë të njerëzve të pavaksinuar”, tha ministri gjerman i Shëndetësisë. 

Kalendari

Ngjarjet e datës 25 Tetor 2021

- Komisioni i Pavarur i Mediave në bashkëpunim me Departamentin e Gazetarisë të UP-së, me rastin fillimit të javës globale për edukimin mbi median dhe informacionin, organizojnë tryezë diskutimi me temën: “Edukimi Medial - Përmbajtjet e papërshtatshme për fëmijë”. (Hotel Sirius, ora 10:00)

- Nën patronatin e Kryeprokurorit të Shtetit, Aleksandër Lumezi do të mbahet “Java për të Drejtat e Viktimave të Krimit”, me moton “Së bashku në mbrojtje të viktimave të krimit”. (Hotelin Emerald, ora 10:00)

- GLPS mban tryezë diskutimit me temë “Meritokracia në shërbimin e jashtëm të Kosovës: një sërë rekomandimesh që duhet marrë parasysh”. (Hotel Swiss Diamond, ora 10:30)

- Punëtorët e Lotarisë së  Kosovës mbajnë protestë në të cilën do të kërkohet miratimi i ligjit për Lotarinë e Kosovës. (Para ndërtesës së Qeverisë, ora 11:00)

- Mbahet konferencë për media lidhur me Festivalin e 12 -të i Filmit të Shkurtër Ballkani Përtej Kufijve. (Kino Armata, ora 12:45)

- Oda e Hotelerisë dhe Turizmit të Kosovës  do të mbajnë tubim për të diskutuar masat e reja. (Golden Imperial, ora 19:00)