27 Maj 2019

Pacientet me kancer në gji mund të shmangin kimioterapinë

Washington, 5 qershor - Një studim i fundit, më i madh i bërë ndonjëherë për trajtimin e kancerit të gjirit, arrin në përfundimin se shumica e grave me formën më të zakonshme të sëmundjes mund të shmangin kimioterapinë pa dëmtuar shanset e tyre për të mposhtur kancerin.

Sipas rezultateve të njoftuara të djelën, rreth 70,000 paciente në vit në Shtetet e Bashkuara dhe shumë më tepër në mbarë botën, nuk do të kenë nevojë për kimioterapi.

Adine Usher mendoi se çdo gjë ishte në rregull pas një mamografie rutinë. Por më pas ajo ndjeu një gjëndër.

" Dendësia e gjinjëve të mi po maskonte praninë e jo një, jo dy, por tre tumoreve," thotë Usher.

Pas operacionit për të hequr gjirin, mjeku Joseph Sparano e inkurajoi atë t'i bashkohej një studimi që ai po kryente për të parë se cilat paciente përfitojnë nga kimioterapia dhe cilat jo.

"Dhjetë vjet më parë ajo do të kishte përmbushur të gjitha kriteret për rekomandimin e kimioterapisë. Sot në bazë të rezultateve të provës klinike, ajo në mënyrë të qartë nuk ka nevojë për kimioterapi," thotë mjeku Sparano.

Studimi i publikuar më 3 qershor është botuar në revistën New England Journal of Medicine. Ai u financua nga Instituti Kombëtar i Kancerit dhedisa fondacione të tjera në Shtetet e Bashkuara. Studimi zbuloi se shumica e grave me formën më të zakonshme të sëmundjes nuk dëmtojnë gjasat e tyre për të mbijetuar duke mos iu nënshtruar trajtimit me kimioterapi.

"Ishim në gjendje të identifikonim se rreth 70 për qind e pacienteve të cilave normalisht do t’u rekomandonim kimioterapinë, nuk do të përfitonin nga ajo dhe nuk e kanë të nevojshme. Nga ana tjetër rreth 30 për qind e pacienteve përfitojnë shumë prej saj", thotë zoti Sparano.

Kujdesi ndaj kancerit po largohet nga kimioterapia, e cila është pjesë e një brezi më të vjetër barnash me efekte të forta anësore.

Trajtimet e reja kanë përqëndrohen tek gjenet, bllokuesit e hormoneve dhe sistemi imunitar. Kur përdoret kimio, ajo jepet shpesh në doza më të vogla ose për periudha më të shkurtra.

Shmangia e kimioterapisë është opsioni i preferuar, nëse është e mundur pa dëmtuar shanset e mbijetesës.

"Për gratë aktive dhe të shëndetshme kimioterapia shkakton shumë lodhje që mund të çrregullojë cilësinë e jetës ose punën e tyre apo përgjegjësitë familjare. Ndërsa i detyrojmë gratë t’i nënshtrohen kimioterapisë gjatë gjithë kohës dhe shumë prejtyree kalojnë atë me pasoja minimale, është gjithmonë mirë të shmangim kimioterapinë nëse nuk është e nevojshme”, thotë Dr. Harold Burstein Institutin e Kancerit Dana-Farber.

Gjatë studimit 10,273 paciente iu nënshtruan një analize të quajtur Oncotype DX, që përdor një mostër biopsie për të matur aktivitetin e gjeneve të përfshira në shumëzimin e qelizave si dhe reagimin ndaj terapisë hormonale, për të vlerësuar rrezikun që kanceri të përsëritet.

Rreth 17 për qind e grave patën rezultate të një rezikshmërie të lartë dhe u këshilluan të kryenin kimioterapi. 16 për qind me rrezik të ulët, tani mund të anashkalojnë kimion, bazuar në rezultatet e mëparshme të këtij studimi.

Rezultatet e reja të studimit vijnë nga 67 për qind e grave me rrezik mesatar. Të gjitha kishin bërë operacion dhe terapi hormonale, dhe gjysma gjithashtu bëri kimio.

Pas nëntë vjetësh, 94 për qind e të dy grupeve ishin ende gjallë dhe rreth 84 për qind nuk kishin më shenja të kancerit, duke sugjeruar se kimioterapia nuk bëri asnjë ndryshim.

Disa gra të moshës 50 vjeçare, ose më të reja, kanë përfituar nga kimioterapia: mes tyre kishte 2 për qind më pak raste të kancerit që përhapej përtej gjirit me teste që shënonin nga 16 deri në 20 pikë dhe 6 për qind më pak raste me testet që kishin rezultatin 21 deri në 25 pikë.

Studimi pritet të ndihmojë deri në 70,000 paciente në vit vetëm në Shtetet e Bashkuara t’i shpëtojnë dhimbjeve të kimioterapisë. Disa specialistë të kancerit besojnë se rezultatet do të kenë një ndikim të menjëhershëm në trajtimin e kancerit të gjirit për vitet që vijnë.

Kalendari

Ngjarjet e datës 27 maj 2019 - Shefi i Shtabit të Përgjithshëm të Forcave të Armatosura të Malit të Zi, Dragutin Dakic pritet me ceremoni ushtarake në Ministrinë e Mbrojtjes ku edhe do te takohet me Gjeralin e FSK-se Rrahman Rama. (Objekti i Ministrisë së Mbrojtjes, ora 9:00)

- Shefja e Zyrës së Bashkimit Europian, Nataliya Apostolova do të marrë pjesë në ngjarjen e nisjes të fazës së dytë të projektit Harmonizimi i Arsimit me Tregun e Punës. (Hotel Emerald, ora 9:15)

- Ministri i Kulturës, Rinisë dhe Sportit, Kujtim Gashi merr pjesë në hapjen e ditës Olimpike në Ferizaj. (Ferizaj, ora 9:30)

- Në organizim të Komitetit Olimpik të Kosovës e në bashkëpunim me DKRS-në dhe me Drejtorinë e Arsimit të komunës së Mitrovicës do të organizohet Dita Olimpike e Kosovës dhe me këtë rast do të mbahet një vrapim në të cilin do të marrin pjesë të gjithë nxënësit e moshës 11 vjeçare të shkollave fillore të qytetit të Mitrovicës. (Sheshi “Adem Jashari” në Mitrovicës, ora 9:30)

- Kryeparlamentari Kadri Veseli pret në takim nënkryetarin e Këshillit të Atlantikut, Damon Wilson. (Kabineti i Kryeparlamentarit, ora 9:35)

- Ministri i Mbrojtjes së Republikës së Kosovës, Rrustem Berisha takohet me Shefin e Shtabit të Përgjithshëm të Forcave të Armatosura të Malit të Zi, Dragutin Dakic. (Kabineti i Ministrit të Mbrojtjes, ora 9:45)

- Komisioni Hetimor Parlamentar në lidhje me gjendjen në PTK dhe Vala shqyrton Plotësim-ndryshimin e kërkesës për buxhet si dhe formimin e grupeve hetuese në kuadër të Komisionit. (Ndërtesa e Kuvendit, sallën N 303, ora 10:00)

- 25 kompani vendore që kanë dhënë shërbimet në ndërtimin e autostrades Arben Xhaferi protestojnë për shkak të mos kryerjes se pagesave ndaj këtyre kompanive për punën që kanë kryer. (Para kampit Bectel & Enca në Ferizaj

-  Kuvendi Komunal në Deçan mban mbledhje të jashtëzakonshme lidhur me zbatimin e vendimit të Gjykatës  Kushtetuese dhe pasojat për Zhvillimin  Ekonomik të Komunës së Deçanit. (Salla e Asamblesë Komunale, ora 10:00)

- Mbahet mbledhja e Këshillit Gjyqësor të Kosovës. (Ndërtesa e Këshillit Gjyqësor, ora 10:00)

- Kryeministri Ramush Haradinaj pret në takim delegacionin nga North Atlantic, të prirë nga zv.presidenti ekzekutiv Damon Wilson. (Ndërtesa e Qeverisë, ora 10:10 - vetëm pamje)

- Kryeparlamentari Kadri Veseli pret në takim ndihmës sekretarin gjeneral të OKB-së për Evropë, Azinë Qendrore dhe SHBA, Miroslav Jenca. (Kabineti i Kryeparlamentarit, ora 10:15)

- Ministri i Kulturës, Rinisë dhe Sportit, Kujtim Gashi do të zhvilloj vizitë në Komunën e Ferizajit me ç’rast do të nënshkruaj memorandum bashkëpunimi për financimin e projekteve kapitale. (Komuna e Ferizajt, ora 10:30)

- Ministri i Kulturës, Rinisë dhe Sportit, Kujtim Gashi mban konferencë për media. (Ambientet e Komunës, ora 11:00)

- Drejtori për Buxhet dhe Financa i Komunes se Gjilanit, Zijadin Maliqi mban konferencë për media për 5 mujorin e punës dhe planifikimin për tre-mujorin e ardhshëm. (Zyra e kryetarit të Komunës së Gjilanit, ora 11:00)

- Mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të behët shqyrtimi i Projektligjit për mbrojtjen e ajrit nga ndotja. (Ndërtesa e Kuvendit, salla N 302, ora 11:00)

- Kryeparlamentari Kadri Veseli, bashkë​ me ministrin e Shëndetësisë, Uran Ismaili, merr pjesë në ceremoninë e nënshkrimit për herë të parë në Kosovë, të Udhëzimin Administrativ për rregullimin dhe unifikimin e çmimit të barnave në nivel vendi. (Hotel Sirius, ora 11:00)

- Ministri i Kulturës, Rinisë dhe Sportit, Kujtim Gashi bashk me kryetarin e Komunës së Ferizajit Agim Aliu, vizitojnë punimet e Qendrës Multifunksionale në fshatin Greme. (Fshati Greme, ora 11:30)

- Presidenti i Republikës së Kosovës, Hashim Thaçi, merr pjesë në shënimin e 20 vjetorit të operacionit “Shigjeta DO-2” dhe luftimeve në Pashtrik. (Fshati Planejë, Komuna e Prizrenit, ora 12:00)
 
- Kryeministri i Kosovës, Ramush Haradinaj dhe Ambasadori Christian Heldt do të mbajnë fjalë rasti gjatë inaugurimit të Katedrales së Novobërdës të restauruar rishtaz. (Novobërdë, afër Kalasë, ora 13:00)

- Kryeministri Ramush Haradinaj merr pjesë në zbulimin e pllakës së Shtabit Lokal. (Baran- Komuna e Pejës, ora 16:30)

- Kryeministri Ramush Haradinaj merr pjesë në zbulimin e pllakës së Betejës së 29 Majit. (Vranoc, ora 16:50)

- Kryeministri Ramush Haradinaj merr pjesë në zbulimin e pllakës së betejës së 29 Majit. (Kryshec, ora 17:10)