22 Prill 2021

ORL bëhet me laborator për testim dhe përmirësim të dëgjimit

Prishtinë, 3 maj - Qendra Klinike Universitare e Kosovës (QKUK), përkatësisht Klinika e ORL-së, falë donacioni nga Shoqata Albert Schweitzer nga Austria, sot është pajisur me laborator audiometrik në të cilin përfshihen të gjitha paisjet tjera përcjellëse për dëgjim. 

Në ceremoninë e pranimit të këtij donacioni ishin prezentë zëvendës Konsulli i Kosovës në Ambasadën e Austrisë, Ud. Drejtori Ekzekutiv, Drejtor i Klinikës së ORL-së, dhe punëtorë shëndetësor të Klinikës së ORL-së.  Vlera e donacionit të pranuar  arrin vlerën 60 mijë euro, përderisa  pas disa javësh me kompletimin e tërësishëm të tërë donacionit vlera pritet të kalojë mbi 100 mijë euro.  

Dr Lulzim Emini, Ud. Drejtor Ekzekutiv në QKUK, tha se i gjithë ky donacion është bërë i mundur  nga Ambasada e Kosovës  në Austri, falë ndihmës që ka dhënë Ambasadori ynë atje dhe zëvendës  Konsulli, Isa Kosumi, në komunikim me ne dhe me drejtorin e Klinikës ORL. 

\"Vlera e këtij donacioni është rreth 60 mijë euro dhe ky është një laborator komplet audiometrik në të cilin përfshihen të gjitha pajisjet tjera përcjellëse për dëgjim. Ne e falenderojmë jashtëzakonisht shumë edhe ambasadën dhe Shtajner, i cili ka bërë të mundur që ky donacion të vijë në Kosovë\" tha dr Emini. 

Ai sqaroi se deri tani këto shërbime janë kryer në ambulanca dhe ordinanca private dhe për herë të parë QKUK-ja është konkurrente dhe atë shumë serioze me privatët.  

Në emër të Ambasadës së  Kosovës në Austri, foli Isa Kosumi, Zv. Konsull, i cili tha se   përpos këtij donacioni me vlerë prej 60 mijë eurosh, pas dy muajve do të sjellin edhe një donacion tjetër me vlerë prej 40 mijë eurosh, donacion ky i cili do ta kompletojë tërsisht këtë laborator.

\"Shoqëria \"Albert Schweitzer\", është shoqëri me traditë të lartë, personi që ka sjellë donacionin  ka kaluar tërë jetën e vet duke ndërtuar spitale dhe duke ndihmuar mjekë dhe motra medicinale. Ne kemi pas problem ta kthejmë Shtajner në Kosovë pasi që ky ka qenë i orientuar në shtetet socialiste si në Bullgari dhe Rumani, mirëpo falë angazhimit tonë në Austri, ambasadorit Kiçmari dhe unë personalisht duke pas kontakte të njëpasnjëshme dhe e kemi kthyer tërë potencialin e tij që çka të ketë që ta dhurojë për Kosovë në mënyrë që të sjell në Kosovë\", theksoi ai.  

Sipas tij, ky është donacioni i parë që ka  arritur, mirëpo në të ardhmen  do të ketë donacione shumë më të mëdha që në agjendë  ka kjo shoqëri. Z. Kosumi, premtoi se mjekët e Klinikës do të trajnohen për përdorimin e kësaj aparature.

Sekretari gjeneral i shoqërisë, \"Albert Schweitzer\", Jorg Shtajner, tha se ka mbi 27 vite që shoqëria e tyre merret  me çështje humanitare,  \"Kjo shoqëri i ka mbi 27 vite, mirëpo në bashkëpunim me konsullin dhe zv. Konsullin e Kosovës në Austri kemi rënë dakord që pse të mos e ndihmojmë një vend, i cili gjendet në Evropë, nuk kemi pse t?i dërgojmë këto pajisje në një vend të largët siç është Afrika, kur ky vend fqinj evropian ka nevojë për këto pajisje\", është shprehur Shtajner.

Për rëndësinë e këtij donacioni foli edhe Drejtori i Klinikës së ORL-së, Dr. Qazim Hyseni, i cili shpjegoi se   këto paisje nuk i kanë  pasur n në dispozicion dhe vërtetë është një laborator komplet për audiometri dhe për aparate të dëgjimit. 

\"Faktikisht kompletohet tretmani i pacientëve të cilët kanë dëmtim të dëgjimit dhe kërkojnë rehabilitim. Nuk kemi pasur paisje të tilla, ne kemi pasur eudiometri të thjeshtë, shumë shpejt do të kemi edhe audiometrinë objektive\", u shpreh ai. Gjysma e donacionit janë aparate të dëgjimit që kanë vlerën prej 500 deri në 1000 euro një aparat.

Kalendari

Ngjarjet e datës 22 Prill 2021

- Ministri i Mjedisit, Planifikimit Hapesinor dhe Infrastrukturës, Liburn Aliu mban konferencë për media për hidrocentralet. (Tek ura në Brezovicë, 100m para kthesës kryesore për qendër të skijimit, ora 9:15)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike të Kosovës Berat Rukiqi. (Ndërtesa e Kuvendit, salla N204, ora 10:00)

- Me moton "Shpëtoni Planetin" shënohet Dita e Tokës për të rritur ndërgjegjësimin për rëndësinë e përgjegjësisë kolektive për të mbrojtur mjedisin për brezat e ardhshëm. (Mitrovicë, ora 10:00)

- Organizata ETEA dhe biblioteka “Hivzi Sulejmani” organizojnë panelin e diskutimit “Libri mes ofertës dhe kërkesës”, me rastin e Ditës Ndërkombëtare të Librit. (Biblioteka “Hivzi Sulejmani” në lagjen Dardania, ora 10:00)

-  Ministria e Mjedisit, Planifikimit Hapesinor dhe Infrastrukturës organizon aktivitetet me rastin e shënimit të 22 Prillit, Ditës Ndërkombëtare të Tokës. (Hapësira e Shkollës Fillore “Hasan Prishtina” në Prishtinë, ora 10:00)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike Amerikane në Kosovës Arian Zeka. (Ndërtesa e Kuvendit, salla N204, ora 11:00)

- Lëvizja FOL organizon debatin FOL Hapur me ministrin e Administrimit të Pushtetit Lokal, Elbert Krasniqi. (Hotel Sirius, ora 11:00)

- Programi i Kombeve të Bashkuara për Zhvillim së bashku me UN-Habitat dhe agjencitë e tjera të Ekipit të Kombeve të Bashkuara në Kosovë, do të organizojnë inaugurimin e Sistemit Solar Fotovaltaik në ndërtesen e Kuvendit Komunal të Prizrenit. (Ndërtesa e Kuvendit Komunal në Prizren, ora 11:00)

- Komisioni për Ekonomi, Industri, Ndërmarrësi dhe Tregti takohet me kryetare e Odës Ekonomike Gjermano-Kosovare Nora Hasani. (Ndërtesa e Kuvendit, salla N204, ora 12:00)

- Koordinatori i Qendrës së vaksinimit në sallën “1 Tetori”, Niman Bardhi mban konferencë për medie. (Sallla “1 Tetori”, ora 12:00)

- Ministrja e Punëve të Jashtme dhe Diasporës, Donika Gërvalla do ta pres në aeroport Ministrin e Jashtëm te Gjermanisë, Heiko Maas. (Aeroportin e Prishtinë, ora 14:00 - vetëm pamje)

- OJQ Projekti 5 Cent organizon ngjarjen për "Ditën e Tokës", ku do të bëhet mbjellja e 51 fidaneve me rastin e shënimit të kësaj dite. (Oborri i SHFMU “Ibrahim Rugova” në Obiliq, ora ora 14:00)

- Presidentja e Kosovës, Vjosa Osmani, pret në takim ministrin e Punëve të Jashtme të Gjermanisë, Heiko Maas. (Kabineti i Presidentës, ora 15:00)

- Kryeministri i Kosovës, Albin Kurti, pret në takim ministrin e Punëve të Jashtme të Gjermanisë, Heiko Maas. (Ndërtesa e Qeverisë, ora 16:30)

- Ministrja e Punëve të Jashtme dhe Diasporës, Donika Gërvalla dhe Ministri i Jashtëm i Gjermanisë, Heiko Maas do të zhvillojnë takimin bilateral. (Kabineti i ministres Gervalla, ora 17:00) vetëm pamje)