OEAK dhuron veshje për Institutin e Shëndetit Mendor në Shtime
Në kuadër të aktiviteve të saj bamirëse, Oda Ekonomike Amerikane në Kosovë ka vizituar Institutin Special të Shëndetit Mendor të Shtimes për të dhuruar rroba për banorët e këtij instituti.
Kompanitë anëtare të Odës Amerikane të cilat kanë dhënë kontributin e tyre përmes dhurimit të rrobave janë: NLB Banka, Spitali Amerikan, PwC, Ferronikeli, Rikon, Recura Financials dhe stafi i Odës Amerikane.
Ky është viti i tretë që Oda Amerikane dhuron rroba për Institutin Special të Shtimes, aktivitet ky fillimisht i inicuar nga Ministri i Punës dhe Mirëqenies Sociale, Arban Abrashi.
