13 Prill 2021

Një delegacion shëndetësor nga Kosova qëndron në Bruksel

Bruksel, 25 mars - Me ftesë të Komisionit Evropian dhe Zyrës së Regjionit Veneto në Bruksel përmes Zyrës së Komisionit Evropian në Prishtinë,  nga data 21 deri më 26 mars në Bruksel po qëndrojnë për një vizitë studimore një delegacion shëndetësor nga Kosova në përbërje:  Merita Berisha nga Instituti Kombëtar i Shëndetësisë Publike, Arianit Jakupi nga Ministria e Shëndetësisë, Frederik Çuperjani nga Shoqata e Onkologëve të Kosovës si dhe Haxhi Avdyli nga Qendra për Hulumtime Shëndetësore.

Qëllimi i kësaj vizite ishte familjarizimi i pjesëmarrësve me politikat dhe programet e BE-së në shëndetësi, procesin e politikë-bërjes shëndetësore, qasja më e lehtë dhe e drejtpërdrejtë në fondet e BE-së, rritjen dhe mundësinë për qasjen e pacientëve me barna gjenerike, shkëmbimi i informatave të ndërsjella dhe krijimi e lidhjeve të reja të bashkëpunimit .

Gjate këtyre ditëve ata zhvilluan takime me autoritetet e Departamentit për Shëndetësi dhe konsumatorë DG-SANCO, Këshillin Evropian për çështje ekonomike dhe sociale –EESC, Departamentin për regjione si dhe në Zyrën e Regjionit të Venetos në Bruksel, e cila ishte organizatori i kësaj vizite. Po ashtu është realizuar edhe një vizitë në Parlamentin Evropian ku delegacioni kosovare është njoftuar me punën e këtij institucioni si dhe është vizituar Zyra e veçantë e Komisionit Evropian (EU Enlargement Health) për Kosovën.

Pjesëmarrësit nga Kosova kanë marrë pjesë në Bruksel në debatet që kishin të bënin me mbrojtjen dhe promovimin e të drejtave të pacientëve, programet e BE-së për Ballkanin Perëndimor, për qëndrueshmërinë e tregut evropian të barnave, etj.

Kalendari

Ngjarjet e datës 13 Prill 2021

- Mbahet mbledhja e Komisionit për Ekonomi, Industri, Ndërmarrësi dhe Tregti në të cilën do të behët konstituimi i Komisionit. (Ndërtesa e Kuvendit, salla N303, ora 10:00)

- Mbahet seanca gjyqësore kundër të pandehurit Basri Maksuti për vepren penale 'Falsifikimi i rezultateve të votimit'. (Gjykata Themelore në Ferizaj, ora 10:00)

- Mbahet mbledhja e Komisionit për Qeverisje Lokale, Zhvillim Rajonal dhe Media në të cilën do të behët konstituimi i Komisionit. (Ndërtesa e Kuvendit, salla N204, ora 10:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N302, ora 10:00)

- Rolling Film Festivali i cili organizohet nga OJQ Roma Versitas Kosovo dhe Romawood mban konferencën për media. (Kino Armata, ora 11:00)

- Mbahet mbledhja konstituive e komisionit për Integrim Evropian. (Ndërtesa e Kuvendit, salla N10, ora 11:00)

- Mbahet mbledhja konstituive e komisionit për Shëndetësi. (Ndërtesa e Kuvendit, salla N302, ora 11:00)

- Fondi i Sfidave të Kosovës organizon eventin online për shpalljen e thirrjes së parë për shprehje interesi, në mbështetje të projekteve të trajnimit bashkëpunues. (Platforma Zoom, ora 11:00)

- Akademia Diplomatike e Ministrisë së Punëve të Jashtme dhe Diasporës dhe Ambasada e Republikës së Francës në Republikën e Kosovës, nënshkruajnë Memorandum Mirëkuptimi. (Ministria e Punëve të Jashtme dhe Diasporës, ora 11:30)

- Mbahet mbledhja konstituive e komisionit për Bujqësi, Pylltari, zhvillim Rural, Mjedis dhe Infrastrukturë. (Ndërtesa e Kuvendit, salla N303, ora 13:00)

- Partia Liberale Egjiptiane do të dorëzojë ankesë në Gjykatën Kushtetuese lidhur me te drejtën e tyre të mohuar nga PZAP-ja dhe Gjykata Supreme në lidhje orkestrimin e votave nga ana e “Romani Iniciativa” në vendbanime me shumicë të komunitetit Serb në zgjedhjet e parakohshme të 14 Shkurtit. (Gjykata Kushtetuese, ora 13:00)

- Mbahet mbledhja konstituive e komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N302, ora 13:00)

- Aleanca Kosovare e Bizneseve mban konferencën për media lidhur me një studim hulumtues për qytetarët kosovar që vizituan Shqipërin dhe Malin e Zi, si pasojë e kufizimit dhe mbylljes në Kosovë e që këto patën pasoja ekonomike dhe financiare për vendin tonë. (Zyret e AKB-së, ora 13:30)