05 Qershor 2020

Në Ratkoc dhe Krushë të Madhe nuk ka asnjë të prekur për virusin korona

Ratkoc, 9 prill - Drejtori i Drejtorisë së Shëndetësisë dhe Mirëqenies Sociale në Rahovec, Samir Mustafa, gjatë ditës së djeshme së bashku me Kryetarin e Komunës së Rahovecit, Smajl Latifi dhe Nënkryetarin, Fatmir Iska kanë vizituar stafin mjekësor të Qendrës Kryesore të Mjekësisë Familjare (QKMF) në Rahovec, QMF-ës në Ratkoc dhe Krushë të Madhe.

Mustafa nga stafi mjekësor i këtyre qendrave, është njoftuar për gjendjen aktuale, përkatësisht për punën që po bëhet aty si dhe u njoftua se për fat të mirë ende nuk ka asnjë të prekur e as të dyshuar për virusin korona, situata është stabile dhe çdo gjë po menaxhohet në mënyrën më të mirë të mundshme.

Kalendari

Ngjarjet e datës 5 Qershor 2020 - Pranimi i detyrës nga Ministri i zgjedhur, Selim Selimi. (Ministrinë e Drejtësisë, objekti ish-Rilindja, ora 9:00)

- Fillon pastrimi i deponisë inerte në fshatin Lebane. (Përfundimi i autostrades në anën e djathtë, ora 10:00)

- Mahet mbledhja e komisionit për Mbikëqyrjen e Financave në të cilën do të behët shqyrtimi i raportit të auditimit për Pasqyrat vjetore financiare të Ministrisë së Drejtësisë. (Ndertesa e Kuvendit, salla  N302, ora 10:00)

- Në kuadër të fushatës "Ta Pastrojmë Kosovën", Komuna e Prizrenit do t'i bashkëngjitet fushatës globale "Dita e Pastrimit të Botës 2020”, për të promovuar rëndësinë e kujdesit ndaj mjedisit, duke marrë për bazë faktin se ky aktivitet do të promovohet në nivel global. (Brigjet e liqenit të Vërmicës, ora 10:30)

- Për Ditën Botërore të Mjedisit, Instituti për Politika Zhvillimore organizon panelin e diskutimit me titull “Tani është koha për natyrën!”. (Hotel Sirius, ora 11:00)

- Kryetari i degës së PDK-së në Prizren Shaqir Totaj, do të mban një konferencë për Media. (Zyret e degës në Prizren, ora 11:00)

- Mbahet mbledhja e Qeverisë së Kosovës. (Ndërtesa e Qeverisë, ora 12:00)

- Ministri i Ekonomisë dhe Ambientit, Blerim Kuçi, pranon detyrën. (Ndërtesa e Ministrisë se Ekonomisë dhe Ambientit, ish-objekti i MZHE-së, ora 13:00)

- Ekipa qëndrore e “Ta Pastrojmë Kosovën” së bashku me vullnetarët fillon aktivitetet në Komunën e Suharekës, ku do të ketë aksion pastrimi dhe mbjellje, në bashkëpunim me komunën e Suharekës. (Suharekë, ora 14:30)

- Kryeministri Avdullah Hoti pret në takim ambasadorin e Shteteve të Bashkuara të Amerikës në Kosovë, Philip Kosnett. (Ndërtesa e Qeverisë, ora 15:45 - vetëm pamje)