15 Prill 2021

Ndahen certifikatat e kursit për Shërbime Emergjente Mjekësore

Prishtinë, 29 prill - Organizuar nga Organizata Botërore e Shëndetësisë (OBSH) - Zyra në Prishtinë, sot në mjediset e IKSHP-së në Prishtinë, u mbajt Ceremonia e dorëzimit të eertifikatave për pjesëmarrësit e kursit “Personi i Parë në Vendngjarje”.

Kursi “Personi i Parë në Vendngjarje” është një nga aktivitetet e organizuara me qëllim të avancimit të aftësive të profesionistëve shëndetësore të nivelit të Kujdesit Parësor Shëndetësor për ofrimin e Shërbimeve Emergjente Mjekësore, në kuadër të përpjekjeve për ngritjen e kapaciteteve vendore në fushën e shëndetësisë.

Në ceremoninë e ndarjes së këtyre certifikatave, kanë marrë pjesë edhe Sekretari i Përgjithshëm i MSH-së, Ilir Tolaj dhe shefi i Zyrës së OBSH-së në Prishtinë, Skënder Syla,  të cilët  duke i përgëzuar pjesëmarrësit për mbarimin e këtij kursi, kanë kërkuar nga ata që njohuritë e fituara t’i implementojnë gjatë punës së përditshme me personat që kanë nevojë për shërbime emergjente mjekësore.

Në kuadër të këtij kursi  6 javor janë trajnuar 17 përfaqësues të Kujdesit Parësor Shëndetësor nga 16 Qendra Kryesore të Mjekësisë Familjare anekënd Kosovës, duke përfshirë QKMF- Gjakovë,,QKMF -Deçan, QKMF- Prizren, QKMF -Suharekë, QKMF- Kamenicë, QKMF -Gjilan, QKMF- Dragash, QKMF -Ferizaj, QKMF -Viti, QKMF Pejë, QKMF Klinë, QKMF- Skënderaj, QKMF -Mitrovicë, QKMF- Vushtrri, QKMF Lipjan dhe  Ndihmën e Shpejtë- Prishtinë.

Gjithashtu, pëveç kësaj, 5 të përzgjedhur nga ky grup ( duke përfshirë edhe 4 pjesëtarë të Batalionit të Mjekësisë nga FSK-ja), janë trajnuar edhe dy javë si trajnerë kombëtarë të kursit  FPoS (“First Person on Scene).

 

Kalendari

Ngjarjet e datës 15 Prill 2021 - Handikos dhe The Balkan Forum tashmë kanë nisur kampanjën ‘Thuaj Jo Qeseve të Plastikës’  përmes një aktiviteti simbolik zyrtarisht do të prezantojmë strajcat e ri-përdorshme të punuara tash e disa muaj nga personat me aftësi të kufizuara. (Sheshi ‘Skënderbeu’ dhe ‘Nënë Tereza’, ora 10:00)

- Këshilli Gjyqësor i Kosovës mban mbledhjen e radhes. (Platforma Zoom, ora 10:00)

- Mbahet seanca gjyqësore kundër të pandehurit Agim Hamdija për vepren penale 'Organizimi i skemave piramidale'. (Gjykata Themelore në Ferizaj, ora 10:00)

- Agjencia Turke për Bashkëpunim dhe Koordinim nis shpërndarjen e pakove ushqimore dhe higjienike për familjet në nevojë, me rastin e muajit të Ramazanit. (Qendra për Promovimin e Drejtave të Grave në Drenas, ora 10:30)

- Zëvendësministri i Mjedisit, Planifikimit Hapsinor dhe Infrastrukturës  Hysen Durmishi do të mbajë konferencë per media. (Objekti i MMPHI-së, salla B201, oa ora 10:30,

- Kryeministri Albin Kurti dhe ministrja e Ekonomisë dhe Ambientit, Artane Rizvanolli, vizitojnë ekipin e kampanjës 'Thuaj jo Qeseve të Plastikës'. (sheshi ‘Skënderbeu’ , ora 12:00)

- Pronarët e sallave të dasmave mbajnë takim lidhur me masat anti-Covid. (Golden Imperial në Veternik, ora 14:00)

- Agjencia Turke për Bashkëpunim dhe Koordinim nis shpërndarjen e pakove ushqimore dhe higjienike për familjet në nevojë, me rastin e muajit të Ramazanit. (Palestra Sportive “Tota” në Vushtrri, ora 14:30)