28 Maj 2020

NASA prodhon një respirator te ri për pacientët me koronavirus

Florida, 6 maj - Agjencia amerikane e hapësirës, NASA, thotë se një respirator i ri i zhvilluar nga inxhinerët e saj për të trajtuar pacientët e prekur nga koronavirusi, është miratuar për përdorim urgjent nga organet federale të shëndetësisë.

Inxhinerët me agjencinë NASA në Kaliforni e projektuan dhe ndërtuan pajisjen brenda një harku kohor prej 37 ditësh.

Inxhinerët agjencisë amerikane të hapësirës, NASA, në laboratorin “Jet Propulsion” në Pasadena të Kalifornisë festojnë ndërtimin me sukses të prototipit të një respiratori, ndërsa pajisja vihet në punë.

Respiratori i quajtur “VITAL” u projektua dhe ndërtua në vetëm 37 ditë. Kjo pajisje është ndërtuar me synimin për të lehtësuar furnizimin me respiratorë tradicionalë, që ato të përdoren tek pacientët e prekur nga koronavirusi, të cilët kanë simptomat më të rënda.

Mes dhjetëra specialistëve në këtë projekt është edhe inxhinieria e mekanikës elektronike Michelle Easter, e cila ndërton pajisje robotike për mjetet ajrore dhe jo pajisje mjekësore.

“Si mund të ndërtonim diçka nga pajisjet që gjejmë në garazhin e shtëpisë ? Bashkuam njohuritë mbi fluturimet dhe praktikat tona të njohura për të ndërtuar pajisjen në fjalë.”

Në rastet më të rënda, virusi dëmton indet e shëndetshme në mushkëri, duke vështirësuar furnizimin e gjakut me oksigjen.Në këtë rast, pacienti preket nga pneumonia si dhe gjendje më të rënda akute të sistemit të frymëmarrjes, çfarë mund të dëmtojë edhe organe të tjera.

Respiratorët furnizojnë mushkëritë me oksigjen tek pacientët me probleme të rënda frymëmarrje, duke u vënë atyre një tub në fyt.

Këto makineri po ashtu përdoren edhe në raste të tjera, kryesisht kur një pacient i nënshtrohet operacionit dhe gjendet nën anestezi të përgjithshme.

NASA thotë se pajisja e re nuk është projektuar për të zëvendësuar respiratorët tradicionalë të spitalit, të cilët zgjasin për disa vite dhe janë ndërtuar për një gamë të gjerë përdorimesh mjekësore.

Pajisja është e ndërtuar e tillë që të funsksionojë tre deri katër muaj, dhe të përdoret për pacientët me COVID-19. Po ashtu kushton më lirë që të ndërtohet, me pjesë më të pakta dhe mund të modifikohet për përdorim në spitalet fushore, thotë NASA.

“Kur dërgojmë një anije në hapësirë dhe diçka prishet, ne nuk mund të dërgojmë një ekip për të bërë rregullime. Prandaj, ne jemi mësuar që të bëjmë analiza të shumta dhe të përpikta për ndonjë skenar të mundshëm që diçka të prishet. Përdorëm të njëjtën praktikë në ndërtimin e pajisjes mjekësore ”, thotë inxhinierja Easter.

NASA ka thënë se respiratori prototip është miratuar nga agjencia federale amerikane që merret me çështjet e shëndetësisë. NASA po ofron një liçensë falas për prodhimin e respiratorit në të gjithë botën.

Kalendari

Ngjarjet e datës 28 Maj 2020  - Kryeministri në detyrë, Albin Kurti, viziton Komunën e Prishtinës. (Objekti i vjetër i Komunës, ora 10:00)

 - Mbahet mbledhja e Komisionit për Ekonomi, Punësim, Tregti, Industri, Ndërmarrësi dhe Investime Strategjike në të cilën do të votohet Raporti Vjetor i Zyrës së Rregullatorit të Energjisë, si dhe shpallja e konkursit për zgjedhjen e “Kryesuesit të Komisionit Shqyrtues të Autoritetit Rregullator për Shërbimet e Ujit”, etj. (Ndërtesa e Kuvendit, salla N10, ora 11:00 -mbledhja do të mbahet pa prezencën e mediave)

- Ambasada e Italisë dhe Ushtria Italiane prezantojnë kontributet e tyre për Ministritë e Shëndetësisë dhe Ministrinë e Punëve të Brendshme dhe të Administratës Publike në përgjigje të pandemisë globale Covid-19 në Kosovë. (Salla e konferencave të Administratës Qendrore të QKUK-së, ora 11:00)

- Mbahet mbledhja e Kryesisë së Kuvendit në të cilën do të diskutohet kërkesa e KOSTT-it për miratimin e Planit të biznesit, propozim rregullorja për rendin dhe qasjen e  mediave dhe të publikut në punën e Kuvendit, propozim rregullorja për shfrytëzimin e automjeteve të Kuvendit, raporti i shpenzimeve të Kuvendit, shpenzimet e telefonisë mobile dhe reprezentacionit, etj. (Ndërtesa e Kuvendit, salla  C-301, ora 12:00)

- Qendra për Zhvillim të Karrierës në Universitetin e Prishtinës. aktivitetit “KarrieraUP” ku folës do të jetë përfaqësuesi nga kompania farmaceutike “Gentipharm”, Demir Shkodra. (Facebook.com/qzhkunipr, ora 13:00)

- Komisioni Qendror i Zgjedhjeve mban mbledhjen e radhës në të cilën shqyrton raportin për azhurnimet e të dhënave vjetore të Partive Politike, raportin për dorëzimin e raporteve të shpenzimeve vjetore të partive politike, raportin për deklarimin e partive politike për vazhdimin e regjistrimit, etj. (Selia e KQZ-së, ora 13:30)

- Partia Demokratike e Kosovës, mban konferencë për media. (Selia e Partisë Demokratike të Kosovës, ora 15:30)

- Një delegacion austriak i kryesuar nga Ministri për Evropë dhe Punë të Jashtme, Alexander Schallenberg do të qëndrojë për vizitë të shkurtër zyrtare në Republikën e Kosovës ku do të pritet nga Ministri i Punëve të Jashtme dhe Diasporës i Republikës së Kosovës, Glauk Konjufca. (Hapësirat e Terminalit VIP të Aeroportit Ndërkombëtar të Prishtinës, ora 15:45)

- Lëvizja Vetëvendosje organizon protestë. (Sheshi “Skënderbeu”, ora 17:00)

- Ministri i Punëve të Jashtme dhe Diasporës, Glauk Konjufca, Ministri i Integriemev Evropiane Blerim Reka se bashku me Ministrin për Evropë dhe Punë të Jashtme te Austrisë, Alexander Schallenberg dhe Ministren për Evropë e Austrisë, Karoline Edtstadler mbajnë konferencën e përbashkët për media. Aeroporti i Prishtinës, ora 17:00)