04 Dhjetor 2020

MSH rikonfirmon ngritjen e pagave në shëndetësi

Prishtinë, 7 mars - Duke parë interpretime të  ndryshme pas marrjes së pagave të shkurtit për punonjësit shëndetësor, Ministria e Shëndetësisë e Republikës së Kosovës (MSH) dëshiron ta ritheksojë se që në takimin të cilin ministri i Shëndetësisë Alush Gashi e ka pasur me krerët e FSSHK-së, më 1 mars 2010, është bërë krejtësisht e qartë që punonjësit shëndetësor në pagën e muajit shkurt kanë pasur të paguar ngritjen prej 30 për qind dhe 44 eurot shtesë për muajin dhjetor me përjashtim ndonjë rasti individual, që ka mundur të bëhet ndonjë lëshim që korrektohet.

Sipas MSH-se nuk janë paguar ndërkaq kujdestaritë, për shkak se Ministria e Administratës së Shërbimeve Publike është dashur që kujdestarinë e secilit punonjës shëndetësor t’i llogaris në mënyrë manuale dhe kjo ka marrë kohë, por kujdestaritë do të paguhen në mars dhe MSh është e angazhuar që të kapet ritmi i pagesës së kujdestarive prej këtij muaji , ashtu që ato t’u paguhen me kohë punonjësve shëndetësor.

Ministria kërkon mirëkuptim nga punonjësit shëndetësor dhe fokusim në detyrat e punës, sepse është krejtësisht jo logjike të thuhet se nuk ka pasur ngritje pagash, kur në llogaritë e punonjësve shëndetësor këtë muaj, ndryshimet kanë qenë më se evidente dhe nuk është korrekte të thuhet që nuk ka pasur ngritje kur një specialist shembull muajin e kaluar ka marrë rreth 300 euro, ndërsa këtë muaj në konton e tij ka pasur të derdhura prej 600-700 euro si pjesë e ngritjes prej 30 për qind, shtesa 44 euro, plus ndonjë kujdestari e mëhershme.

Pa dashur të merret me interpretimet nga më të ndryshmet të dëgjuara së fundi,  MSH rikujton edhe një herë ato që janë fakte të dokumentuara në çdo kohë, se më 2009 në shëndetësi ka pasur  një ngritje pagash prej 10 për qind, në këtë vit 30 për qind, dhe nëse edhe 44 eurot për të cilat gjatë vitit 2009, MSh nuk u ka mbetur borxh asnjë cent punonjësve shëndetësor (niveli sekondar dhe terciar), konvertohen ne përqindje, atëherë, mesatarja e ngritjes së pagave në shëndetësi është 69 për qind.

Ministria inkurajon sindikalistët që të ndihmojnë njësitë shëndetësore që të vjelin në mënyrë korrekte të ardhurat vetanake, sepse 44 euro i zotuar nga kryeministri do të paguhet nga këto të vjela dhe gjatë këtij viti, të hyrat vetanake në shëndetësi, do të shfrytëzohen 100 për qind nga vetë shëndetësia, sipas Marrëveshjes së Mirëkuptimit me MEF-in.

Prandaj, MSh u bën thirrje punonjësve shëndetësor dhe sindikalistëve që të angazhohen së bashku në inkasimin e këtyre të hyrave, dhe të fokusohen edhe në ofrimin e shërbimeve shëndetësore për pacientët, sepse vetëm me angazhim të përbashkët dhe të sinqertë mund të realizohen objektivat e përbashkatë, në mesin e të cilave edhe përmirësimi i pozitës materiale të punonjësve shëndetësor, që është përkushtim i vazhduar i MSh-së.
 

Kalendari

Ngjarjet e datës 4 Dhjetor 2020

- Mbahet seanca fillestare për rastin e vrasjes së politikanit serb Oliver Ivanoviq pranë Gjykatës Themelore në Prishtinë, departamenti Special - krimet e rënda me c'rast avokati mbrojtës do te jep deklaratë për mediet pas seancës. (Gjykata Themelore në Prishtinë, ora 9:30)

- Guvernatori i Bankës Qendrore të Republikës së Kosovës, Fehmi Mehmeti do të mbaj një takim virtual me presidentin e Gjykatës Ndërkombëtare të Arbitrazhit Alexis Mourre dhe Drejtoreshën e Komisionit të Arbitrazhit për Evropë, Laetitia de Montalivet. (Takim virtual, ora 10:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Kulturës, Rinisë dhe Sportit, Emilja Redzepi, do të bëjnë nënshkrimin e kontratave me përfituesit e thirrjes për përkrahjen e OJQ-ve dhe individëve në fushën e kulturës, rinisë dhe sportit. (Shtëpia e Bardhë në Prizren, ora 10:00)

- Qendra për Këshillim, Shërbime Sociale, dhe Hulumtime organizon aktivitetin “Tuneli i Fundit” në përkujtim të grave të vrara si pasojë e dhunës në familje në pesë vitet e fundit në Kosovë, dita e dytë. (Përballë ndërtesës së Kuvendit të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën e Artan Qerkinit përfaqësues i Malcolm Simmons, ish kryetar i Asamblesë së Gjyqtarëve të EULEX-it, “Përgjigje në ftesën për të dëshmuar para Komisionit për Legjislacion” si dhe njoftohet me shkresën e Përfaqësuesit Special të Bashkimit Evropian, Tomas Szunyong, për emërimin e Karin Hernmark Ahliny, Ambasador i Suedisë, anëtar i Bordit  Mbikëqyrës  të Agjencisë Kosovare për Verifikim dhe Krahasim të Pronës. (Ndërtesa e Kuvendit, salla N506, ora 10:15)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Ministrin e Ministrisë së Infrastrukturës Arban Abrashin. (Ndërtesa e Kuvendit, salla N204, ora 11:00)

- Mbahet seanca e jashtëzakonshme e Kuvendit te Kosovës në të cilën do të behët shqyrtimi i dytë i Projektligjit për Rimëkëmbjen Ekonomike - COVID-19. (Ndërtesa e Kuvendit, ora 11:00)

- Organizata Etea dhe Aleanca Franceze në Prishtinë me mbështetjen e Ambasadës Franceze do të mbajnë takimin e parë të huazimit të librave. (Tek objekti i Aleancës Franceze, ora 11:00)

- Autoriteti Kosovar i Konkurrencës (AKK) mban konferencë për medie lidhur me një hetim ndaj ndërmarrjeve që operojnë në tregun e energjisë elektrike. (Ish-objekti i Bankës së Lubjanës, ora 11:15)

- Kryetari i Delegacionit të Kosovës, Ibrahim Makolli dhe ai i delegacionit të Serbisë Veljko Odalovic do të mbajnë konferencë për media lidhur me varrezën masive në Kizhevak të Serbisë. (Lokacioni i varrezës masive në Kizhevak  të Serbisë, ora 12:00)

- Shpallet aktgjykimi ndaj të akuzuarit N. M., i cili akuzohet nga Prokuroria Themelore e Gjilanit, për veprën penale “vrasje e rëndë” pasi qe në  fshatin Berivojcë, komuna e Kamenicës, i pandehuri dyshohet që pas mosmarrëveshjeve familjare, me një mjet të fortë - shufër metalike, godet bashkëshorten e tij në kokë dhe pjesë të tjera të trupit, me ç’rast të ndjerës i ka shkaktuar plagë të cilat kanë qenë vdekjeprurëse. (Gjykata Themelore Gjilan, ora 13:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtoren e Insitutit Hidrometeorologjik të Kosovës Letafete Latifi. (Ndërtesa e Kuvendit, salla N204, ora 13:00)

- Komisioni Hetimor Parlamentar lidhur me procesin e privatizimit në Kosovë plotëson listën e dëshmitarëve. (Ndërtesa e Kuvendit, salla N10, ora 13:00)

 

- Kryetari i Grupit Parlamentar të Partisë Demokratike të Kosovës, Bedri Hamza, mban sot konferencë për media. (Oborri i Kuvendit hyrja nga sheshi, ora 14:00)

- Qendra për Raste Gjyqësore Strategjike mban konferencë për media me rastin e dorëzimit të padisë për konflikt administrativ kundër vendimeve të Ministrisë së Ekonomisë dhe Ambientit dhe Zyrës së Rregullatorit për Energji”. (Para Pallatit të Drejtësisë, ndërtesa A, ora 14:00)

- Ministrja e Punëve të Jashtme dhe Diasporës e Republikës së Kosovës, Meliza Haradinaj-Stublla pret në takim ministrin në detyrë për Evropën dhe Punët e Jashtme i Republikës së Shqipërisë, Gent Cakaj ku pjesë e takimit do të jenë edhe përfaqësuesit e shqiptarëve të Luginës së Preshevës. (Objekti i MPJD-së, ora 14:00)

 

- Kryeministri Avdullah Hoti dhe ministrja e Financave Hykmete Bajrami, mbajnë konferencë për media. (Ndërtesa e Qeverisë, ora 16:00)