29 Mars 2024

MSh nënshkroi marrëveshje me pesë spitale private

Prishtinë, 9 qershor - Ministria e Shëndetësisë e Republikës së Kosovës, ka nënshkruar sot Marrëveshje bashkëpunimi me pesë spitale private të Kosovës, për ofrimin e shërbimeve shëndetësore, të cilat nuk ofrohen në institucionet publike shëndetësore, bazuar në Udhëzimit Administrativ nr. 03/2010.

Marrëveshjet janë nënshkruar me këto institucione private: Klinikën Gjermane të Syrit, International Medicine Hospital, Spitalin “Euromed”, Spitalin “Rezonanca” dhe Spitalin oftalmologjik “Kubati”.

Kjo marrëveshje, do të nënshkruhet nw tw ardhmen edhe me ato spitale që do të jenë në gjendje të ofrojnë shërbime shëndetësore që aktualisht nuk ofrohen në sistemin publik shëndetësor dhe që i plotësojnë kushtet e kërkuara në Udhëzimin Administrativ 03/2010 Trajtimi Mjekësor jashtë Institucioneve Shëndetësore Publike.

Marrëveshja, në emër të MSH-së është nënshkruar nga Sekretari i Përgjithshëm dr. Ilir Tolaj, i cili e ka vlerësuar këtë si një hap të ri drejt besimit dhe bashkëpunimit me spitalet private të vendit për të ofruar shërbime për qytetarët e vendit brenda Kosovës, ndërsa për spitalet private, kanë nënshkruar përfaqësuesit e tyre.

Marrëveshja vlen për gjashtë muaj me mundësi të vazhdimit të bashkëpunimit të mëtejmë, duke respektuar obligimet që për palët dalin nga legjislacioni në fuqi në Republikën e Kosovës.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)