27 Nëntor 2020

MSH e OBSH për shëndetin e grave dhe fëmijëve

Prishtinë, 10 mars - Organizata Botërore e Shëndetësisë (OBSH) -Zyra në Prishtinë, në bashkëpunim me Ministrinë e Shëndetësisë të Republikës së Kosovë po mbajnë në Prishtinë konferencën : ”Drejt përmirësimit të shëndetit të grave dhe fëmijëve të Kosovës”, bashkë me partnerët e tjerë të involvuar në fushën e ngritjes së shëndetit të grave e fëmijëve dhe shëndetit riprodhues në Kosovë.

Në këtë konferencë ka marrë pjesë edhe Ministri i Shëndetësisë i Republikës së Kosovës, Alush Gashi, dhe dy ekspertë të OBSH-së,  Gunta Lazdane dhe Vivian Barnekow, përgjegjëse për vendet e Evropës Juglindore për shëndetin e nënave dhe foshnjave.

Ministri Gashi tha në hapje të konferencës se Ministria e Shëndetësisë e vlerëson si shumë domethënëse konferencën dhe temën e saj në këtë fazë të reformave në shëndetësi, ndërkohë që ka theksuar se ulja e morbiditetit dhe mortalitetit të popullatës, është prioritet parësor i MSh-së në kuadër të Strategjisë Sektoriale Shëndetësore (2010-2014).

Duke theksuar faktin që Kosova ka popullatë relativisht të re, ministri tha se detyrë e MSh-së është që ta bëjë të pamundurën që popullata të jetë sa më e shëndoshë, ndërkohë që të ndodh kjo, MSh i ka kushtuar rëndësi të veçantë ngritjes së kapaciteteve të infrastrukturës, atyre profesionale dhe aspekteve legjislative për mbrojtje sa më të mirë të shëndetit të nënave dhe fëmijëve.

Ulja e shkallës së mortalitetit perinatal në Kosovë në dhjetë vjetët e fundit, sipas ministrit Gashi është një element inkurajues dhe trendi pozitiv duhet të vazhdojë edhe më tej.  Një vend mund të çmohet me atë se si e trajton shëndetin e nënës dhe fëmijës, theksoi ministri.

Gunta Lazdane (OBSH), tha se nuk ka asnjë vend në botë që mund të thotë se e ka rregulluar plotësisht çështjen e shëndetit të nënës dhe fëmijës.

Mbrojtja e shëndetit të nënës dhe fëmijëve është një prioritet i lartë, prandaj për këtë, theksoi ajo, shumica e vendeve të botës implementojnë strategji për mbrojtjen e shëndetit të këtyre dy kategorive.

Në këtë konferencë, përfaqësues të MSH-së, IKSHP-së, UNICEF-it, UNFPA-së, QKUK-KOGJ, etj, kanë bërë prezantime të ndryshme dhe debate rreth gjendjes së shëndetit të nënës e fëmijëve dhe shëndetit riprodhues në Kosovë dhe u theksua fakti se gjatë ëktij viti, MSh me partnerët do ta finalizojnë Strategjinë për Shëndetin e Nënës dhe Fëmijës në Kosovë, drafti i së cilës është punuar.

Synimi i përgjithshëm i kësaj konference që do të vazhdojë edhe nesër, do të jetë planifikimi i përgjigjes së koordinuar drejt shëndetit të përmirësuar të grave dhe fëmijëve në Kosovë dhe arritjes së objektivave të Mijëvjeçarit që lidhen me  këto dy çështje.

 

Kalendari

Ngjarjet e datës 27 Nëntor 2020

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën nga Malcolm Simmons, ish kryetar i Asamblese së Gjyqtarëve të EULEX-it, përfaqësuar sipas autorizimit nga dr. Artan Qerkini, avokat. (Ndertesa e Kuvendit, salla N302, ora 9:30)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 10:00)

- Instituti për Politika Zhvillimore mban konferencë për media me temë “Promovimi i efiçiencës së energjisë dhe burimeve të ripërtëritshme në Kosovë”. (Hotel Sirius, ora 10:00)

- Ministri i Infrastrukturës, Arban Abrashi, merr pjesë në nisjen e asfaltimit të zgjerimit të llotit të 4 të rrugës Podujevë - Prishtinë, gjegjësisht në fshatin Llugë. (Rruga Podujevë - Prishtinë, fshati Llugë, ora 11:00)

- Kryeministri Avdullah Hoti merr pjesë në shënimin e Ditës së Forcës së Sigurisë së Kosovës. (Kazerma Adem Jashari në Prishtinë, ora 12:00)

- Ministria e Mbrojtjes organizon ceremoninë e shënimit të Ditës së Forcës. (Ambientet e kazermës “Adem Jashari” në Prishtinë, ora 12:00)

- Aleanca Kosovare e Bizneseve  Kryeministri Avdullah Hoti do e përcjellin realizimin e eksportit të produkteve kosovare në Serbi e që lidhet me marrveshëjen në Shtëpinë e Bardhë në Washington për bashkëpunim ekonomik Kosovë - Serbi e cila pason me një marrëveshje mes dy operatorëve ekonomik. (Objekti i Agrokosova Holiding në zona industriale - Shirokë, Suharekë, ora 14:00)

- Kryeministri Avdullah Hoti në kuadër të Javës së Biznesit Kosovar 2020, viziton Verarinë ‘’Agro Kosova Holding ’’ në Suharekë. (Veraria ‘’Agro Kosova Holding ’’, Suharekë, ora 14:00)

 

- Partia Demokratike e Kosovës, Dega në Podujevë, bën sot përmbylljen e fushatës zgjedhore përmes një konference për media. (Restorant “Artela”, ora 14:00)